唔買無謂野我先生比較節制，我都受佢影響下買少左笠雜野～我地有架電單車代步，住九龍私家車無乜需要，坐的士call uber分分鐘仲平。
我個筆收息股咪就係5號仔
1個讚
我明白好多會自己投資，一層數，現值500萬，當俾1成首期，即50萬，未計其他費用，同一份500萬保險嘅保費已經相差一大截。而保險係即時保証有500萬儲備備用，如果樓價唔升過5%，其實扣埋手續費，利息，根本無賺，只係拎返50萬本金。
另外如果份保險唔係儲蓄成份，簡單講，有事先賺，無事就掉錢落海，重要保唔到100歲，而有儲蓄嘅，回報係隱定，IRR大約4.x, 基本上追到通賬，正正因為通賬，有儲備成份嘅因為有紅利，可以對沖通賬影響。
你當年買100萬意外，而家覺得唔夠，有兩點問題，一，意外同人壽唔通，想俾家人保障，係要人壽，唔係意外，二，而家唔夠用因爲無定期檢討保障額，保障額因應生活改變而又不同，只有定期檢討先可以有足夠保障。
投保時，好多agent都同客講回報，呢D係唔明白保險作用嘅agent先會講，其實成個保險觀點錯哂，保險講嘅係槓桿，世界上除咗保險，無一樣投資工具可以一日之間保證賺幾十倍或以上。
有事可以將樓層加按或出售套現，呢點無錯，但要睇時機，賣樓最快要幾耐賣出？ 如果撞正市道唔好，隨時要蝕住走人，實際可以袋落袋係幾多？ 保險索償7-10個工作天支票送上。
所以，每一種投資工具都有其作用，簡單講，買咗層樓，都要份定期人壽做backup, 有朋友因其中一邊離世，無錢供，銀行收樓。
投資組合入面應該係多元化，正所謂唔好所有雞蛋放入一個廿廿
保險唔係為自己而買，而係為愛嘅人買。
2個讚
今期有5號仔就真係好黑仔。
不過出年應該會派返息， 放心。
50萬首期，買500萬樓，升5%既話，回報是50%
升10%，回報是100%
保險產品好多，真係要睇自己需要黎買！有儲蓄成份嘅產品當然好，可以保本兼收息，將來應急又得留俾下一代又得。
我自己就會每日10蚊買三百萬term life保障家人，因為我想盡照顧家人的責任，亦想最快累積可以增值嘅資產。
1個讚
我買下內銀及收租股405收息,希望生生性性啦.
你返工帶飯,除左保險,其它洗費都正常既, 唯有盡量少出街,及少買冇謂野.
1個讚
今次同大家分享吓睇樓遇著個衰經紀的故事。
被騙去買新樓？睇僭建樓？仲要做埋臨時演員？
話說我兩年前準備要買第二個單位作收租用， 預算約四百零萬， 我開始去揾合適的樓盤，當時首選地區係太子，深水埗，長沙灣和屯門。
三個位於市區的樓盤都已經研究過，最後只剩屯門未有實地考察，而今集故事亦發生係屯門。
由於我本身住將軍澳， 去屯門來回一轉車程起碼需要兩個零鐘， 所以我先在某藍絲老細的地產網約經紀睇盤， 當初已經講到明預算及用途， 而我目標係要揾屯門市廣場或時代中心的盤， 咁佢當然應承俾幾個盤我睇， 而天真的我當然相信了。
到睇樓當日，約好在屯門時代廣場見面， 見面打招呼後就同我講：先生唔好意思，時代廣場個業主外出， 最快要兩三個鐘後先返黎可以開門， 咁我地不如睇其他盤先啦。我心知不妙， 預計稍後會中伏。 不過算， 既然入得黎屯門就睇吓有咩盤先講。 之後就正式出發睇樓。
第一站先係睇一間幾十年的單枝舊樓，四百零尺左右， 開四百五十萬左右， 位於城•點附近， 由於内籠太過殘舊， 好有七八十年代味道， 就算要買黎放租都起碼要用二三十萬全裝， 由於成本太高，所以唔會考慮。 諗返轉頭依個盤已經係全程最好的選擇， 問你死未。
之後去到第二個盤開始黎料， 位置係龍床盤附近， 都係單幢舊樓。三百幾尺兩房， 開四百三十左右，今次個單位一樓連平台， 一入門口見到内籠正常， 但轉頭入廚房望一望，發覺廚房幾大但見到天花全部都係用白色鐵皮造， 再望多兩眼， 原來成個廚房係僭建出黎。嘩， 我心諗僭建單位你都俾我睇， 依個經紀好人極有限。
雖然我係Baby級投資者， 但有三樣嘢係一定唔會做。
- 劏房唔會做， 太無陰功呀。 2.僭建唔會買，有咩死人冧樓就害人害己。 3. 工廈劏房都係唔會買， 原因同上。
今篇寫住咁多先， 有時間再寫埋下集。
2個讚
好帖留名。
劏房唔一定無陰功，劏得有良心都係一個功德。港島舊樓(如灣仔北角)有好多適合劏房既盤，可以學某劏房大王咁每間劏埋獨立廁所出黎，又有窗又近市區，幫到唔少響市區返工既年青上班族。
1個讚
你依點我都好認同。
如果我將來有錢， 都想試做一個咁樣project.
1個讚
我都試過，經紀帶睇樓嘅第一間都係比較正常，之後就慘不忍睹⋯⋯ 迫你揀第一間，無得頂。
有次響長沙灣睇單支樓，入到屋見到成個睡房牆壁地板都鋪瓷磚，大開眼界。 
缺盤，經紀可能都好無奈，要搵筍野真係要搵到心急既業主先得。我上手業主因為買咗海之戀，急住套現先先至劈價。
1個讚
果d AA 特登帶你去睇殘盤 期間不斷慢慢咁sell 你買新樓
特別屯門果d. AA 不斷想人買預半餐, 掃管忽果d
1個讚
BINGO!!!
買樓遇著以下業主係最有機會講到價。
- 投資者
- 換樓業主
- 等錢洗/急移民業主
- 遺產
所以睇樓時有機會見到業主就可以試吓同佢傾多兩句睇睇有無機會知佢點解要賣樓。
之前搵樓屋企人睇左兆山個邊話間間都殘到似鬼屋-_-，然後好多「假盤」，貼出黎低調市價50萬左右，出到來先同你講業主封左盤，帶你去睇第d垃圾單位
1個讚
幾年前，唔係話立法（地產組織）唔可以貼假盤做廣告咩？
我仲以為差小小會有，但唔可以太假。
1個讚
買新樓發展商果份和味丫嘛，aa緊係推新盤啦，尤其屯門至黃金果段新樓簡直群山而起。
好既aa會比到好多有用資訊，仲可以幫手留意荀盤。如果係focus投資成份，響target區有個相熟既好aa真係幫到手。
但aa質素參差，急功近利唔理乜盤都推比你又有，唔熟書比人大返轉頭又有。
所以買樓唔可以全靠aa, 自己都要做功課。
1個讚
強帖留名, 多謝樓主分享心得
想問問十年後開第2間9成咪唔可以租出去?
Yes, 按保是不能放租， 犯法的。
正常過十年後， 第一間樓理論上已經甩按保或可以轉為5成按揭， 那當然要視乎樓價升多少及你當初用幾多成上會。
其實當你有能力準備一開二時， 你就可以先考慮到底那一間樓會放租會比較合適。
咁如果第一層係居屋咪好難操作d?因為加唔到又轉唔到按 只能靠儲錢
老實講， 第一層係居屋就係難攪。
我從來都唔會考慮買居屋，因為未補地價的居屋係不能夠放租(真係要坐監) ， 而且不能在銀行套錢， 用投資角度睇，居屋的投資價值相當低， 又唔易脫手。 如果今時今日走去補埋地價先賣， 那又要攞一畢錢出黎， 全完唔符合投資效益。
如果你真係有一間居屋自住緊， 又有畢錢係手。 咁不如攞去投資內銀股收住息先， 之後再儲夠首期用另一伴的名買多一間私樓收租， 或者一係賣了依家間居屋換返一間正式私樓仲好。
1個讚