本人只是一名普通八十後爸爸， 曾經住過木屋，公屋到今日私樓。 經過幾年時間已經成功將層樓一開二。
我試過買二手樓， 新樓及放租經驗。
如大家對買樓有疑問， 可以一齊研究， 交流心得。
你好啊, 點先可以由公屋去到私樓?介唔介意分享多小小心路歷程 90後想學野 
謝謝你， 先分享我怎樣買第一層樓。
我係2012年買第一層二手樓， 當時用8成半上會買了一個290萬單位(四百零尺兩房) 。首期連雜費用了大約45萬左右。
首期來源主要都係靠儲蓄， 我同當時未結婚的老婆一齊夾錢俾， 每人出廿零萬左右， 這畢錢都係靠每人用4-5年時間儲返來。
講出黎好似廢話， 但是實係無父幹的話， 自己又不是專業人士， 儲錢是為一途徑。(另外亦可做一些投資股票收息， 點投資之後可以再分享)
講返第一層樓點樣買， 我當時只係人生第一次去揾樓睇， 咁啱經過地產鋪有個AA埋黎同我講有盤睇， 所以就跟佢上屋苑睇盤， 前後睇過4個單位， 用了一星期時間便決定買入。
由於當時我已經有一開二的打算， 所以買入第一個單位要符合我定下的條件：
- 單位面積一定要足夠四人住
- 第一層樓唔會住一世， 唔洗太介意是新樓或舊樓， 但要考慮地點。
- 供樓年期一定選最長， 30年。 記住實際供樓不用供足30年， 因為中途可以賣樓， 換樓。
暫時分享到依到， 如有興趣知道， 我會繼續分享。
12個讚
LM 學嘢
其實男女都係，所以好怕聽阿媽幫仔女儲錢
畢業打份工，一萬幾千都管唔掂…做唔到大事囉
要搵到個市場，係內地人唔會同你爭先得…例子我公司好多大陸同事，上面都有一兩間，喺香港就住劏房，呢類流動人口覺得可以隨時賣左一間比香港樓首期都得
過去十年我經常要返大陸出差， 個人觀察其實唔支持香港人返到大陸置業。
原因：
- 大陸土地太多， 除非你買的是市中心地段， 否則升值能力低。
- 人民幣扁值風險， 如果升當然賺， 但跌就即刻蝕價。
- 樓字質數參差不齊， 大陸發展商用料一定比香港差
- 來回香港交通時間長， 其實大陸高鐵站好多都起係郊區， 需要駁車先可以返市區， 如果經常要即日來回是辛苦的。
- 租金很低， 普通100平方(1000尺) 的樓， 係大陸二，三線城市只可以租到2-3千蚊人仔， 租值很低。
- 最重要原因， 大陸賣樓手續好麻難， 難脫手。 你可以上Youtube 睇返Coco 哥賣大陸樓就知點解咁麻煩。
例子：
2012年佛山普遍可以用20-30萬人仔已經可以買到間100平方的樓， 今日樓價已經過一百萬， 起碼賺80-90萬。
但我當時用290萬買香港木女， 今日已經升過600萬。
所以如果資金唔多， 我只建議年青人買返香港樓自住及投資。
3個讚
對， 儲蓄習慣係好緊要得。
雖然初段時期比較辛苦， 但當人工升了， 之後儲蓄就變得相對輕鬆。
同埋年青人最緊要記住， 慳錢唔會慳一世， 當你打好基礎後， 能夠開始錢揾錢， 你的生活就會得到好大改善。
買第一層樓永遠難過第二層的。
我買第一層樓用了40-50首期連雜費。
第二層樓用了200萬首期連雜費。
聽落200萬好似無可能儲到， 但當你懂得運用資產升值+儲蓄， 其實沒有想像中難。
都係量入為出啦，需要 vs 想要
支持樓主！近排市況回調，有意買樓可以睇吓樓先。
多謝你支持。
稍後會寫一篇關於買二手樓和新樓的分別。
謝謝分享～
支持，我同我老公都係80後，公屋出身，3年前上咗車。LM睇分享
LM
幾時先係入市時機，樓價点解未向下？
老土都要講多一次， 只要係有自住需要就任何時候都可以買，因為無人可以百份百預測樓市升跌。
最重要睇你自己供款能力同和防守能力。
首先， 樓市今日仍然咁堅挻實際有其原因。
- 利息低 (大約2.5厘息)
- 壓力測試已經將一班實力唔夠的參賽者踢出局
- 房屋供應遠少於需求
- 重有一點好緊要的， 由98年起第一次大跌市開始至今已經有22年， 就算當時接了火棒的人一直供到今日， 層樓已經差不多供完。 試想吓你今日層樓已經供完， 你會平賣嗎？
- 我當日人生第一次去買新樓， 成個場好似sogo 感謝日一樣， 超多人。 我真正感受到香港人真係好有錢， 好有錢， 好有錢。重要野要講三次。
其實香港樓市真正係金錢遊戲， 你只要成功參與這個遊戲， 你就會知道咩叫財富效應。
只要層樓升值便可以不斷用轉按套錢， 由於QE令銀紙貶值， 所有債務都會同時會貶值。還有QE 同時會令到利率不能大幅上升， 香港已經保持10年以上超低利率， 如今美國再推無限QE, 利息應該可以再長時間keep 住低。
這點絕對係對供樓人士喜訊。
6個讚
亞仔剛瞓覺，有時間分享吓買二手樓同新樓分別。
(純粹個人經驗)
先講二手樓，一般流程都係先揾心儀屋苑， 再揾地產經紀帶睇樓， 對方開價/還價， Deal 就俾細訂簽臨約， 最後揾律師樓交大訂，同時亦揾銀行上會， 最後成交攞鎖匙， 正式成為業主開香檳慶祝！
一般要兩至三個月時間完成整個交易， 想提早或延後就要雙方同意就得。
買二手樓一定係按樓字現狀買入， 不論內裡是新裝修或殘裝， 買家都必須接受。所以簽臨約前一定要睇清楚。
對新手黎講， 要注意幾點。
-
要先做功課， 上網先查心儀屋苑起碼近半真實成交， 那就大慨知道對方開價是離地或貼近現價。 由於每間樓坐向景觀， 高低層，都會影響樓價， 所以唔好盡信新聞成日話破頂價或劈價成交。
-
有心儀屋苑及戶型， 請先上銀行網做估價， 一定要揾起碼三間銀行做估價， 因為每間銀行估價都不同。
在旺市時， 業主開價一般都高於銀行估價， 但如果估價跟銀行相差幾個%, 銀行最後都會批足。但在經濟環境差時， 銀行相對手緊， 估唔足價比旺市時更多。 -
揾地產經紀帶睇樓， 通常你去返當區地產鋪， 佢地就會有多啲盤源介紹俾你。 經紀有分好定唔好， 大家要小心注意。
-
講價交由經紀負責， 通常業主開價都係有少許水位俾你還價， 至於能講到多少價， 要睇當時環境。
如果買家有心想買， 就可以開票俾經紀同業主傾價， 經紀有票在手先會落力同你做野。 -
當傾好價錢， 就要俾細訂及簽臨約， 細訂約10-20萬， 簽臨約後就要正式上律師樓俾大訂， 約一成樓價。
-
揾銀行上會， 這個係買樓最關鍵的部份， 如果銀行唔批， 通常都係撻訂收場， 傷亡慘重。 所以唔想俾銀行拒絕， 一定要做好個人信貸紀錄(TU) 。 點先可以做好信貸？一定要交清所有銀行欠款， 平時唔可以拖銀行數， 信用卡只保留一兩張卡就夠， 持有太多卡會影響信貸紀錄，要注意。
另外， 一定要保留近三個月糧單及銀行出糧紀錄， 銀行一定要這些文件。 -
經紀佣金及銀行按揭回贈。 地產經濟一盤都係收樓價1%佣金， 另1%係由業主俾。
銀行按揭回贈一般都係由1.5%至2.1% , 現市況只有1.5%回贈左右。 回贈金額按借出的貸款來計算。 -
揾律師樓， 記得揾律師樓一定要揾返做按揭那間銀行認可律師樓才可以。
-
完成晒所有程序就等收樓， 恭喜。
最後記得每月準時還款就唔會被call loan.
以上資料只供參考。
暫時寫到依先， 下次再寫買一手樓分別。
10個讚
好有用嘅資訊呀
順便想問你熟唔熟TU玩法呢？
我有朋友當年買樓就俾某間銀行話佢TU麻麻，好似唔批…
而我信用咭有啲多…唔知自己TU係點
如果TU麻麻，要幾耐先洗到底呢？
同埋係咪只有第一次買會睇TU呢？因為供樓一定要準時，咁就可以整靚個TU
我都唔係太熟， 我只係同銀行個按揭經理做了三次按揭而比較熟落， 佢同我講要cut 走無用的信用卡， 唔好有欠款， 如果有就要即刻清還，否則衰係TU 差就無仇報！
1個讚
你三次都揾同一個呀？