贊成，居屋未補地價前冇完整業權，投資價值低。
舊年好似有新政策，有限度比綠表居屋放租？冇詳細睇。
1個讚
咁去到佢話業主封左盤，其實又吹佢唔脹
1個讚
係既，任佢UP.
1個讚
續上回屯門睇樓故事。
睇完頭兩個盤之後， AA當然知道我無興趣， 因為我連還價都費事， 直接Reject就算。當然這類AA一早計劃好晒， 先用兩個爛盤同客仔熱身， 之後先開始同你見真章。
下一站AA話開車話帶我去睇一個半新盤名叫"尚築 ", 無錯！ 就係洪水橋個尚築。由於我一向都有睇地產新聞， 知道依個盤根本同死場無分別。開賣時，發展商就係用偽豪宅化包裝依個山旮旯樓盤， 攪到好多投資者都蟹晒貨。
當日睇個盤係二百零尺開方式單位，開價仲要成四百四十萬左右(當時成交價400-430萬左右) 。 Ben sir都有講： 買樓要location , location同 location. 老實講尚築個地點就係唔多掂，本身洪水橋都好鬼遠，再加上如果唔揸車，要由大馬路一直行小路入去，起碼要5-10分鐘先到， 沿途又静，我相信夜晚行都入去幾恐怖。
當然去睇尚築目的並唔係真係想sell依個盤， 一路沿途開車， 個AA忽然就講： 頭先龍床盤附近有個新樓盤叫「御半山」， 比尚築更靚更新， 係新鴻基起的， 將來會有瓏門級數的大盤，講到你好似唔買會走寶咁。佢推介一個中層300尺左右單位， 折實價約570萬， 差唔要成$19,000/尺。仲同我講如果唔夠首期發展商仲可以借二按俾上會， 頭三年係定息， 之後就變P + 3.5 咁上下。
之前帶你睇咁多爛盤的原因就係想水你買新盤， 所以各位下次再約AA睇樓時就真係要打醒精神同做好資料搜集。 一定要知道自己負擔能力， 唔好俾AA氹到你買負擔不起的樓， 否則最終攪到撻訂收場就GG了。記著新手係輸唔起訂金。
擾攘一輪之後， 當然拒絕新盤。 我再問佢幾時可以睇時代廣場的盤， 佢又扮晒野打電話問業主，話要等多個零鐘就得。 咁當然又係另一個藉口帶我睇埋最後一個盤。
依個盤係大會堂馬路對面， 係幾幢舊樓， 樓下有街市， 我唔記得個大廈名了，因為已經無心機睇了。AA亦知道我唔會幫襯佢， 但佢點都要帶我去睇依個單位， 原因就係我地要幫佢做場戲。
去到大廈大堂， 原來佢已經預先約埋幾個AA, 每人帶一組客，一齊排隊上去睇單位同一個單位。 因為依班AA想營造一種氣氛， 同時間有幾枱客去搶同一個單位， 睇完盤之後即刻帶開個客分別同佢地講， 另外幾組客都有興趣出價， 從而令到睇樓經驗不足的的新手客判斷錯誤或迫佢地係短時間內做決定。
我個人估計依招都係AA慣常技兩， 用黎夾班年青客。 因為我目測那幾組客都係三十零歲的年輕夫婦，最終AA 第二日同我講個盤係貴市價少少成交左。
總結整個行程， 我由頭到尾都無睇過我最想睇的時代廣場或屯門市廣場。不過塞翁失馬，焉知非福， 今日我買到的單位絕對比這些盤更好。不過大家一定記著，睇樓前一定好做好晒功課， 否則比人拉笨事少， 撻訂損失事大呀！
2個讚
XDDD 禦半山係唔會變成瓏門架，果個位真係半山黎。個AA真冇良心。
屯門最值租就係市中心一帶(屯市、時代、華都、錦華)，瓏門只係市中心外圍但係佢係西鐵站上蓋，而且係唯一一個市中心附近大型新盤(其實都7年)，所以都有投資價值。
絕對贊成睇樓前要自己做功課。真係唔熟地區寧願搵兩間唔同代理行多幾次睇多幾個盤。
1個讚
因為新盤多佣金， 有部份AA 都係睇錢做人， 話之個客仔上唔上到會。
所以睇樓都要戴眼識經紀！
新盤明碼實價，唔使好似二手盤咁樣樣，做中間人講價講到牙血都出埋，萬一遇着業主或者買家反口就真係白做一場。
而且新盤commission 高啲，遇著唔識拗回佣既買家就更肥仔
1個讚
幾檯客約埋一齊睇樓，我覺得可能係業主做，想等班睇樓客自相殘殺互相bid價
1個讚
都有可能。
總之買樓都係一門學問， 中間係有好多陰濕嘢。
有興趣買樓的人， 平時都要多留意市場，互相幫交流，咁就無咁易比人揾笨。
係， 買新樓明碼實價唔洗拗餐飽。
不過要買到心儀又好價的單位就真係要睇彩數，因為好難抽到頭籌。
同埋買新樓都好， 發展商係現場係有佈局， 唔好以為無古惑嘢！ 佢地都有計令買家迷失。
我公屋長大 啱啱出黎做野一年, 真係好灰心好冇動力, 野雞大學畢業, 第一份工得16K, 父母又唔爭氣, 前路真係好矇糊, 我完全睇唔到出路, 完全唔知應該點去面對我的人生
1個讚
FR GRA 16K，唔錯啦，睇得出你好識諗，冇家底都不要氣妥，盡量慳盡量儲錢，機會是給有準備的人的，私樓難於負擔，就抽居屋先，加油！
thanks
年青人不要那麼灰呀!
我當年IVE畢業就遇著沙士, 第一份工作只有$6,000, 往後每年都只係一千幾百咁慢慢加人工. 我當時都同你一樣對前景很迷茫, 感覺一世都沒有向上流的機會, 買樓這些機會一定不屬於我的.
但有時命運就係咁, 突然間在三十零歲的某天認識了一位朋友, 大家一齊討論吓樓市, 傾吓點樣買樓投資, 就係咁樣, 我就開始對投資樓市產生了強烈興趣, 每日都睇關於樓市新聞及文章, 不斷諗唔同投資方法, 希望用自己方法達成財務自由.
年輕人你先啱啱大學畢業, 仲有大把機會係前面.
老實說像我們這一類讀書成績普通, 屋企又無錢, 想係今日職埸向上流真的機會真係很困難.
但難還難, 日子仲要過, 人之所以有兩隻腳就係要令我地分開發力向前行.
意思係在工作上繼續努力賺取收入同時又要發展一套啱自己的財務方法, 另自己有更多被動收入.
今日投資一萬可能只賺到幾百蚊收入, 但只要你不斷優化投資, 被動收入會愈來愈多的.
千里之行, 此於足下.
今日你肯開始學習, 訂立一個財務計畫俾自己, 你將來的路只會愈來愈清晰!
如果想知道更多投資方法, 可以多留言一同交流.
多謝你, 我會努力 
好多謝你分享咁多, 其實我好中意講呢D經歷, 可以學到好多野, 始終見識未夠多
雖然我覺得好迷惘, 但我都有keep住裝備自己, 希望第日我有機會向上游.
加油呀年輕人，你剛踏入社會仲有好多時間準備。我都完完全全我諗過自己會買到樓，雖然都要屋企人幫手，我自己都唔係幾好意思
來生不做香港人
唔好灰心，灰心巳經輸左第一步！野雞大學畢業有萬六其實唔錯。
公屋又如何呢？ 你知唔知公屋開支同私樓有幾大分開？ 另外，你應該怪自己，唔係怪父母，怨天尤人
我冇話公屋如何, 更冇話私樓如何.
如果你覺得企係道德高地上面可以令你有優越感的話, 你可以繼續.
反正你的留言毫無學習之處