而家個市真係好差，要份工好穩陣先至有信心入市
1個讚
可以咁講，但當份工穩陣，即係市道轉好，相對會錯過入市時機，正如早前我同客分析，叫佢投資，佢怕，唔敢，賺少咗10%
1個讚
恭喜你成為業主呀！
我見一城3XX尺都成5XX萬，咁九龍大約邊道有4XX萬樓？可以分享下嗎？
唔該曬！
1個讚
沙田樓價真係好硬淨，好厲害！我都好喜歡沙田，揀咗喺沙田上車。
九龍市區好多單幢樓，二百零尺，都會岩你預算。長沙灣深水埗大角咀，要花多啲時間去睇樓搵盤。
3個讚
其實每個人都不會永遠只打一份工， 除非你做公務員， 否則都會經常面對轉工或栽員。
所以想上車前， 最重要都係計清楚條數， 預留後備錢， 萬一失業都可以捱得吓， 咁就無問題。
上會其實好簡單， 你最好3-6月出糧紀錄， 銀行一般都會批俾你。
同埋新手買樓最忌一樣嘢， 千其唔好諗一定可以低買高賣， 大家無水晶球係手， 永遠都唔會知聽日係點。
1個讚
對！！
正所謂：力不到，不為財。
一定要花時間去揾資料同落區睇盤。
真正要成功係靠行動力， 這裡只能給你方向指引， 真正要買到樓最終都係靠自己。
九龍區太子， 深水埗， 長沙灣一定有200-300尺的單幢樓。 荃灣就睇荃灣中心。 天水圍就嘉湖。
現市況都有4百零萬的樓。
1個讚
期待聽樓主同埋Agent交手的故事
1個讚
土瓜灣呀～
我做左好耐功課，download樓盤app，睇左至少50個盤～
12月開始，由大埔(夫家住大埔)私樓、村屋，睇到沙田，大圍，大角咀，土瓜灣(娘家係土瓜灣，淨係土瓜灣都睇左20個盤)
一到weekend其中一日就睇樓
當其中一個活動，睇樓又唔洗錢，又可以開眼界～
個人意見，新手買自住樓，唔好怕辛苦，一定要睇得多，睇到中段，可能會有小小氣餒(覺得好似無目標咁睇又或者睇極都唔啱咁既，千祈唔好心急)
你睇得夠多既時候，就會熟呎價，知道業主開個口價有無得傾etc，當真係遇到心水盤，就可以好快決定。
新手經驗分享: 真係有心買樓，1.可以拎糧單先去銀行睇下壓測買到幾錢既樓先(上網都有既，但安全起見，我親身去銀行問過)，2.向銀行了解清楚按揭細節(自己亦需要上網爬文)，3.睇完d盤，要mark低資料做紀錄，亦可以即刻上銀行網估價，睇下初步價錢估得足唔足，自己心裏有數，唔好盡信經紀既說話，會瀨野的，4.計清楚自己budget，好似我既情況就係，比完首期已經無多一筆流動資金去做裝修，所以我睇樓時，同經紀講話要d裝修企理既盤，寧願買貴小小，當裝修筆錢擺埋落按揭到供～ 而係我睇過咁多個盤入面係真係有裝修好靚仔，拎行李入去就住得既盤，仲要唔少添(當然睇你要求有幾高啦，但我自問都係fu淺港女一名
)
希望小小心享可以幫到你啦
2個讚
不能認同更多！
首次上車要量力而為～
唔係好明呢部分呀樓主～
我同我先生月薪夾埋過五萬，我3佢2。
買左樓洗費都覺得有小小吃力。。。
供樓連管理費水電開支預$20000一個月，
每人比一萬，我先生就得返一萬蚊淨，仲要比媽媽家用，媽媽保險，自己就已經得返五六千蚊洗。
我就好小小淨2萬，比5千家用(兩口子一至五都返媽媽到食晚飯，lunch帶飯)，每月再還5千比媽媽，淨1萬，逼自己月草最少3-4千蚊(供緊保險，月供都千八)，未計基本生活開支，最後都係淨返3,4千蚊流動資金。。。暫時無得再草錢去聯名戶口，旅行頭2年都未必有得去～
所以想請教下你買樓後既生活開支點分配呢？
2個讚
多謝分享。
我08年買了第一層樓，當時只係9x 萬，月供6x 萬。 轉眼間，已經差唔多供完。現值約500萬。
想買多層揸手，應該點做？月入兩人約6萬
謝謝
1個讚
其實每個人生活環境唔同，買樓大細唔同，地點唔同，屋苑唔同，樣樣加埋會有好多變化，人地做到，唔代表你都做到，正如有人月搵一萬，但可以儲5-6千，有人月入2萬，一千都儲唔到，所以，你首要係將每闈支出mark底，分開必要開支及非必要開支先睇清條數
1個讚
正如其他網友回覆， 每人開支情況唔同， 很難一慨而論。
但我留意到你講保險支出比較多， 所以我想講吓保險問題。
首先我個人認同每人要買保險一份， 但我不覺得需要花大量金錢放入保險。
由於大家都係80後， 年紀都係差唔多大。 在現今世代， 30-40歲仍然屬於年青一族， 平常有做適量運動或選擇健康食品， 一般身體情況不會太差。應該患上重症的機會率好細。
所以可以買基本保障就夠， 千其唔好買帶有儲蓄成份， 真係又貴又壓死晒啲錢， 將來畢錢仲會貶值， 所以保險既嘢， 只會係賣俾你果個人先會話值。
同埋一開二之後， 其實第二間樓已經有保險作用， 萬一有事絕對可以套現賣樓， 或加按套錢應急。
操作絕對靈活及保值過份保險。
1個讚
其實你要一開二根本係無難度。
你手上層樓基本上可以用單名轉按套錢， 要套多少視乎你需要多少首期及想買什麼樓。
如你想繼續住現有單位， 你可以去買另一間用收租， 只要你將舊單位套錢作新單位的首期， 用6成上會就不用按保， 到時就可以放租。 4百零萬的樓一般都租到$9,000 至$10,000, 應該夠晒cover 供款。
再簡單啲， 如果連投資都唔想做，又唔想有壓力。你可以直接將現有單位放租， 補錢住新樓， 做雙租族。
反正有一層樓在手，起碼資產會有保值作用。
持有5百萬資產絕對好過有5百萬現金。
多謝解答
即係加按，再套出嚟做首期，then 租出或自住。
我早4,5 年都有咁唸，但眼見樓價越嚟越高，所以卻步了
2個讚
就係有一份初出茅廬既時候買既，就係危疾加儲蓄
要供20年，而家供左就10年，無辦法斷，而家要繼續供落去
我想參考下其他人洗費開支點分配，希望從中偷下師
因為我自己比較遲開始先好好草錢。。。anyway thx樓主，呢個帖係一個有質素有交流的post
1個讚
保險唔要儲蓄係最蝕底嘅，同埋千奇唔好用層樓當保險用，兩者性質唔同，唔可以混為一談
1個讚
好好既分享,唔該曬!
今日落街碰到好多人睇樓, 話經濟差,但樓價一啲都冇跌.
1個讚
其實都無話有咩特別方式慳錢， 主要都係少買無謂嘢， 或者等有閒錢先買。
而私家車，我暫時就覺得唔一定要買，因為每月洗費都唔少。
另外，我都有一畢錢用黎買股票收息，雖然唔算多錢，但都可以幫補生計。
多謝你的意見，你的觀點都有道理， 只是我本身都有做開投資， 我自己做的投資回報會比保險高， 因為儲蓄保險最大敵人係追唔上銀紙貶值依個大問題。
我本身15年前買的那份意外保險， 意外死亡賠$100萬， 當時我都覺100萬都算ok 夠屋企人用吓， 但點知到今日就算賠$100萬 我都覺得很少錢， 所以買一份長年期的保險， 首要考慮日後取回的回報價值， 唔係價錢。
當年嘉湖兩房唔洗一百萬， 今日已經四百多萬了。