知道！我都打算係樓換樓，因為太難一步登天。
希望快啲可以有第一間屬於自己的屋
加油！
買樓可以當係一項投資計劃，事前最好計劃清楚下步想怎樣，有人會想細屋換大屋， 亦有人想一開二，三之類計劃。 但只要按照計劃行事就好易成功。
只要能夠行出第一步之後的路會愈來愈易行的。
1個讚
2017年上車，層樓夠兩年做轉按甩咗按保，而家見市況回調，心思思想換件三房，阿仔歲半俾佢有多啲活動空間。
但，見到三房租盤好平，好抵租，做雙租族似乎有著數！
現月供萬二，放租約萬三蚊。
家陣康城三房全新樓連靚會所都係萬六蚊！好吸引
2個讚
多謝您嘅回覆啊，好詳細 
康城三房確係幾抵租， 因為多新供應。
我個人係睇好康城樓價， 黎緊商場同跨灣大橋落成。 樓價應該會有强力支持及向上。
我之前就係買咗個康城一房， 要年底先收樓， 期待中。
有無方法買第三層? 己經用自己同老公名各HOLD 一層…
有。
我暫時都未想到辨法點樣可以在無人頭下避到稅.
好似近親轉讓用舊稅制的方式都不行了.
有無人可以分享吓?
今篇嘗試講下年青人在財務計劃中買樓的意義:
大家都知道財務計劃有分好多種唔到玩法, 有些人會買股票, 債券, 保險, 物業或商廈作投資等等. 沒有分邊一樣投資方式是最好的.只要玩家能用最擅長的工具賺取到最好的回報就算是最佳的投資方法.
年青人在選擇投資工具時, 我相信最大考慮一定是門檻問題. 因為有部份投資項目例如買直債收息(用IB另計)或工商廈投資閒閒地需要用過百萬現金才可以入門, 一般年青人是很難會有那麼多現金在手.
對年青人黎講, 工資暫時可能不太高而且日本/韓國又咁好玩, 一年唔去返一兩次真係對唔住自己(我都係咁的), 如果能在10年內儲到四五十萬已經是不錯了.
四五十萬雖然不是很多錢, 但勉強叫做有機會可以用9成按揭先買樓層四百零萬的樓作為開始財務計劃的第一步.
點解會選買樓為第一選項? 原因有幾個:
-
在美國無限QE環境下, 美元/港元會愈來愈貶值得快. 今日100蚊, 過幾年後可能只有70-80蚊的購買力.
-
由於QE關係, 港元利息應該會長時間跟隨美元繼續維持係低水平.
-
個人睇法, 我雖然很討厭中共, 而香港又要被迫加入大灣區, 但香港一定會係大灣區的首都(即係龍頭), 所以香港樓前景始終不會太差.
-
最重要的原因 - 只要有實物資產給銀行抵押, 年青人才可以向銀行借到更多資金作投資用. 今時今日就算著得身光頸靚咁行入銀行, 同個經理講: 我想用自己個名譽同人格做擔保黎借二三百萬俾黎投資用, 你睇吓佢會唔會即時對你黑面同搵"食蕉"黎踢你走.
但只要你能擁有一個物業, 假設是400萬9成上會, 你變相已經輕鬆地問銀行借了360萬的資金.
而且按揭利率那麼低, 做普通的私人貸款絕對不可能用咁低利率, 借那麼多錢.
總結: 在開始財務計劃時, 先選用買樓作為第一步, 確實是可以令到在有限的資金下進行最大的槓桿。 當經過幾年時間， 樓按負債減少了， 而樓價如果向上， 便有機會利用轉按套錢再作下一步投資。
當然無話樓價只升不跌， 但如果要選一項比較穩陣投資， 買樓都係一個好的選擇， 至少我係咁諗。
4個讚
樓主你好，我同先生係30頭既80後，剛係3月中清袋(除左擲住係股票既15萬郁唔到外)做9成按揭買左層4百中的九龍樓，首期連税要60萬左右，我屋企人有資助我地(如果連老公都清袋同蝕賣股票就唔需要屋企人資助)。層樓寫我名，我清左自己既儲蓄，老公留左約10萬現金做流動資金(裝修唔洗大搞，只會油油同置必須的家電)。而家等緊銀行批按揭，我搵左3間銀行，每日都好擔心銀行會因為而家時況會批唔足按揭，然後又因為自己戶口歸零個人好無安全感。。。見到樓住你呢個帖覺得好貼地，而家每日loop fb見到d新聞話樓價會冧，心入面都會驚一驚，雖然我知道自住其實唔會有太大影響，只要每個月準時供樓就ok。。。
唔好介意我講到一舊舊，只係想分享下自己的不安
2個讚
無限qe 好難跌，其實你只係將現金變成實物資產，會隨通脹升值，咁諗會唔會好啲
1個讚
不如諗下點裝修仲好啦
按揭快則一星期有offer 慢就一個月
快慢睇你文件齊唔齊 係咪搵返出糧銀行去搞
1個讚
其實你唔洗太過擔心， 最緊你上會之前計定晒條數，文件齊全一般一個月內會批核。
其實新手上車最關鍵係上會依Part, 當你能過依關， 其實真心講4百零萬的樓真係唔難供的。
同埋如果日後供樓過程真係出現問題， 就出最後絕招 - 放租一至兩年捱過依關， 其間可以要返娘家暫住。
捱得過就一片天， 放心。
今日三十零歲買到第一間， 他日四十零歲就可以換間優質啲。
3個讚
LM
support!
1個讚
我地都係咁諗呀，捱過頭3年就攞正牌可租可放～
只係好擔心按揭有意外，我係黑仔底
我同先生之前係外地工作，9月先返黎香港做長工，份工唔夠一年比較麻煩，雖然我而家份工都係做銀行。
今日下午銀行打黎叫補文件個心都跳得勁快
我地無咩多餘錢裝修呀，間屋本身裝修都keep得唔錯，油返油就住得了。
捱過3年唔等如攞正牌放租㗎。
根據現時規定，要合法放租一定至少於5成按揭再向銀行申請出租同意書。簽了租約30日内要去税局打釐印， 咁就叫完成。
但要記住有按保在身就一定唔合法放租， 犯法的。
甩了按保的話就只係同銀行的商業合約， 就算被發現一般都可以傾掂佢。
感謝提點
1個讚
今個星期公司繼續栽員, 眼見身邊很多多年戰友相繼被栽走, 心中難免令人傷感.
特別在疫情之下, 要馬上搵一份新工並不是那麼容易, 所以我經常強調想上車的年青人盡量要預留多少少後備資金作保護.希望大家都能順利捱過依關.
講返正題, 今次想分享平民版一開二方法。 時間約十年， 由於每人儲錢速度及購買的物業升值速度不一樣， 我只是保守計算用十年時間完成。
而我就用這個方法， 用6年時間就完成一開二。
一開二方法其實係好簡單， 就係要先買一間細兩房單位， 十年内必定夠錢買另一間。
實際操作係點？
我之前文章提過買第一間樓其中一個重要因素係個單位起碼要勉強住到四個人(細兩房就最啱). 原因係一般人買樓都係為左結婚先買. 今日你結婚只係兩個人住, 但過幾年後一般都會生小孩, 到時可能又要請工人或屋企人幫手湊, 所以預一間房係俾兩公婆用, 另一間房就俾小孩及工人用。預計住這個單位十年。
現今的細兩房單位, 通常都係三百零尺眼鏡房, 四百零萬, 係大西北， 天水圍，屯門 , 荃灣二/三線屋苑仍然可以搵到. 由於講明是平民版一開二, 不要先諗買大屋苑或大兩房.
假設買450萬的單位， 9成上會買第一間， 一般會用約60萬首期連雜費， 欠債約420萬下， 每月供$16,800, 其中還息約$8,800, 還本金約$8,000
能夠過壓測， 兩公婆總收入一定會多過$45,000 以上。
假設兩人收入每月$45,000, 扣除供樓管理費開支應該淨底$28,000左右， 當每人每月洗$10, 000, 淨低約儲到$8,000現金， 一年即係$96,000.
由於銀行按揭還本金部份亦是每月$8,000, 變相等同强制儲了每年$96,000 係銀行。 兩者加埋等如每年儲了$192,000.
當這個持續運行十年， 其間樓價人工沒有升跌， 即是話十年後你就會儲了192萬(96萬Cash + 96萬還了本貸款欠銀行將324 萬) 。
這個時候舊的單位就可以利用第5次轉按(每兩年轉一次) ， 由原本兩人上會， 轉為單人上會， 由於剩餘款約三百餘萬， 單人收入應該可以過到壓測。
另外，手持的96萬現金， 就夠另一人用9按買另一間同樣四百多萬的樓。
到去到依個階級， 每個家庭情況唔同， 有人可以選擇換3房住得舒服啲， 有人可以選擇一開二財務輕鬆啲。 最後都係個句：做人最緊要有得揀！Happy Problem is not a Problem.
如果大家有興趣， 下次可以講吓遇到衰經紀的故事。
7個讚