我喺樓上回應再之前個回覆講嘅視野眼界之類同喺邊度住本身唔係太大關係，我都有講好多時同錢或資源掛鈎
香港搵錢易，稅低，負擔到仔女讀IS，遊學團
vs 去外國住twon仔 (因為冇錢)，讀公立學校，捉襟見肘之下仲係咪afford到俾仔女再去外國留學/旅行/體驗？
移民同留學唔同喎
你一個香港人，去外國留學，見識就係「拓闊」左
但如果小朋友讀書時移民，而冇錢再去其他地方留學，咁只係一個讀本地學校嘅local
2個讚
喺香港搵到錢，細路仔讀國際，移咗民都唔會窮到捉襟見肘吧，這樣好難比較
或者分返開睇, 大人如果根本唔想外國生活, 就唔好因為個仔攪到連根拔咁辛苦.
大人如果都想有新生活, 可能經濟環境差少少, 但又未至於餐搵餐清, 都係機會比大人同細路過下唔同的生活
2個讚
我最近聽到幾個有細路讀國際學校既家長講,而家學校係以軟性方法推行國民教育,就係不斷推動學習中國文化及樂器. 佢哋係藍精靈,所以好欣賞學校既做法,仲以小朋友鍾意中國文化為榮.
我估我哋都好清楚目的為何,小朋友某程度係一張白紙,好容易被漂染,唔好高估家長既力量. 國際學校日後是否可以保持其獨立性/獨特性? 大家考慮是否移居時,係咪都要考慮埋尼個因素.
4個讚
其實應該習中討論一班在港高收入，負擔到國際學校嘅家庭，移英定留港。
Jane :其實係同意升學去到高中，at least 大學一定係出去讀，香港嘅大學已經冇乜吸引力。
咁呢班人要移民，其實都保留到一定嘅生活質素及搵錢能力。移民當然人工低好多好多，但因為賣左香港資產，流動資金多左，用喺投資，及英國生活指數低（冇乜嘢可以吸引到我買），一家人嘅生活質素係冇下降到。
反而，佢中學可以學下拉丁文，浸淫下歴史劇，去下歐洲睇歴史欣賞建築。我覺得好適合我個女。
我之前計劃，year 9 定year 12 送佢boarding？點樣行十年route 有英國護照？BNO visa 係解決左我嘅問題。
仲有果啲其實香港已經搵夠，唔洗點做嘅香港人，有啲係香港讀傳統名校，過嚟英國考grammar school 根本係easy job , 教育一啲都冇差到。家長就已經唔洗做，大學又home fee .
呢樣真係好睇人人情況
大家都知香港大把高薪人士其實唔係咁transferrable
所以我話如果有舊錢打底 (e.g. 賣左早年買落嘅樓)咪好啲
如果係本來係普通公司中層，其實唔係真係好疊水架咋
1個讚
更正：我嘅生活質素係差咗，in terms of 冇工人， 冇好野食
Btl: 結果你個女係幾大過去？
我自己想最快都Year 7先過去，但係都好幾年後
Year 4 過去， 咁遲先過入唔到好嘅中學架。year 5 要過去考了
1個讚
其實我覺得真係好多人有盲點
其實好多白人去旅行都係鐘意去泰國，東南亞做土皇帝嫁咋，唔係個個鐘意行博物館。而且無邊個行程俾邊個行程更高尚。
同我更加唔同意既就係讀IS無國際視野，讀IS既有7成係外藉，人哋旅行或遊學團或比賽都成日去外國啦。
同多大陸人真係度度都多，美國都好多大陸人。佢接受得外國教育既大陸人，邊個文化衝擊邊個都唔知啦。人哋IS由細接觸外國文化，點解有啲人好似大鄉里出城，話去一去英國就話眼界好濶？移左民幾耐啊。同啲人去外國讀幾年書就扮abc一樣。
再另外話學中國樂器，我覺得真係一樣還一樣，你唔係移左民以為自己真係白人，中學樂器都唔學得？人哋黑人都會留返自己既文化。
1個讚
唔知你係咪回緊我? 
如果係… 我係講緊香港既國際學校.
同埋唔知點解香港人好鐘意講自理能力，我由細都大都有工人嫁，咩家務都唔洗我做。但我一去到外國讀書就識自己做，又或者其實我一直都識只係唔洗做。其實家務呢啲又唔係rocket science，點解要強調自理能力。我完全唔覺得呢個係要考慮範圍之一
3個讚
但國際學校學中國樂器有咩問題我覺得有時啲人係唔鐘意某種思想，但學中國樂器係好正常既一件事。
如果以前我會覺得無問題,但今時今日就覺得係有目的而為.(當然係非純粹目的)…連藍精靈都承認尼種係國民教育既一種軟手段,但佢哋認同,所以唔覺得有問題.
咁當然你可以覺得無所謂既…溫水煮蛙都係咁煮熟.
1個讚
但我覺得asian無可能成為白人，只會兩邊不是人。我覺得係自己要清楚自己identity。可以突顯自己係香港人。
1個讚
正正係因為唔想寄望派到好嘅公立，存心搵私校，所以又想儲多兩年學費…
Day school 私校好多都year 7開始，year 9有位俾你插班就未必係最top 嘅私校，但都ok 嘅（指排名不太差，口碑良好嘅）
咁本身都係咩人中龍鳯，又冇話要target d好top嘅學校…
不過吊詭嘅係top嘅學校反而可以喺香港考定然後Year 7先入學
但唔係最top嗰啲可能真係要提早過去考…所以都係兩難
咁係香港炒左個工人姐姐咩有自理能力lor, 使咩走去澳洲咁遠去體驗？
首先係可以從yale law school 畢業
入到呢間好叻仔啦，即係讀書要叻，又要有錢/資源讀。咁所以想翻身，想向上流，最基本要有名u畢業+錢/資源呢d條件啦，先再睇大環境有無比機會你出頭。
把握到機會就做美國副總統出書話你知做人視野要有幾寛，無咩機會就做個律師仔lor，同漁村既大機構高層/ 專業人士無咩分別，都係搵2餐。