知道依度JM對小朋友教育有研究, 有些已經帶住小朋友移民去咗英國，有些選舉留港讀國際學校
請問過來人既你地, 對 “去英國只為小朋友讀書，留香港讀國際學校就解決” 有咩睇法? 
我黎la
長話短說, 去英國讀書只會選擇校園環境好, 設備齊全, 活動多, 華人少的私校.
這些喺香港讀IS體驗唔到.
學校公開試成績方面, 喺眾多私校之中算中至中上就ok.
名校往績有幾好都唔等如係自己小朋友的水平. 自己小朋友係拉高定拉低average都未知.
如果話去英國只為小朋友讀書(state school), 喺香港讀IS都可以解決, 我同意.
香港IS質素全球之中屬於top, 直情比大部份state schools好.
不過全家去英國就可以入籍.
我好多朋友的小朋友已有外國籍, 佢地喺香港讀IS, 大d再去私校留學.
1個讚
我覺得啦，好多人話為小朋友讀書，潛台詞係講緊佢嘅成長，加埋好多大大小小嘅原因，好難用三言兩語去解釋俾人聽。
另外，好多家庭喺香港都唔會讀國際，都係津校、大抽獎抽到邊間，或者要Apple to Apple 咁比，津校vs State School, 國際 / is vs 英國私校。
7個讚
同意，除咗課程唔同，整個成長會好唔同香港，例如睇書氣氛和對別人包容。係香港地鐵內，各人都掙著坐；但在英國，當有位時，你會先望下周圍睇吓其他人有冇需要讓坐，人的質素由細細個就養成，跟香港事事計較好唔同。
4個讚
宜家選擇英國私校要小心，我聽聞有些私校好多香港和中國人，學校還好意地將他們全部編埋同一班。如果唔想見到咁多香港或中國人，就要事先做好research
我聽鄰居講，香港KGV有一班，全班只有一個鬼仔，其他全部香港人和內地人，仲衰過讀本地學校
移英後入乜嘢學校先重要
事實係無論英國私校＆香港IS都相當充斥香港人及強國人, 點算？
十年八年前KGV尚未有大陸人入侵
新香港係唔同啲
過去幾年走咗好多外國人，我小朋友話佢班有一半大6人，而佢哋係count外國passport,易入國際學校啲
1個讚
這些係家教多於學校同社會環境責任.
從來都有, 唔係現在先係咁.
通常係出名的私校, 收唔少華人幫手谷成績, 大校可能一級有十幾個.
不過有d華人係自小喺英國生活, 中文都未必講得好, 唔係中學先過去的留學生.
香港大部份IS都係多香港人同大陸人. 根本冇咁多外國人喺香港, 又太多IS.
我覺得如果小朋友大少少，最好問埋佢地意見。好多時家長抱住為佢地好諗住移英，但係睇threads 見到唔少細路係適應唔到情願留港。
香港讀IS個班，去到英國應該麻麻地state school, 更大機會率會想讀私校。香港都唔少平民國際學校，普通中產都afford 到，但去到英國收入少左讀私校財政上可能更吃力，我諗要慳錢左都可能係班細路唔習慣既原因。
1個讚
同意樓上，香港好多國際學校其實好多都係香港人有外國passport 加大陸人有大陸或外國passport
尤其係啲名校，有升學顧問幫手報嗰啲
首先，去英國係想小朋友接受點樣嘅教育？
香港嘅國際學校又提供緊乜嘢教育？
呢兩個係我認為回答樓主問題時要考慮嘅重點。
我會從三方面去比較兩種學校的利與弊：
-
孩子有獨立思想，有言論自由，可了解「真相」
喺國安法生效之後，相信無一間香港學校可以做到真正嘅言論自由，包括國際學校在內。本地學校當然要跟本地課程加入愛國教育，有些學校甚至會向中央獻媚；國際學校係無必要搞愛國教育，但唔代表佢唔會跟風做一啲認識祖國嘅行為，尤其有幾間較出名、中文程度又高嘅國際學校係有唔少推廣中國文化活動，甚至回國內交流；
不過喺英國亦有唔少小粉紅、老華僑係被人洗咗腦嘅，佢哋嘅仔女一樣會喺校園搞搞震。而且有些英國私校係俾中國人買咗，校方可能會對小粉紅嘅行為視若無睹，歪理仍會在校內蔓延。 -
孩子有愉快的學習生活
無疑香港本地學校嘅小學生活係非常大壓力，無論英國小學定係國際學校嘅小學都會比較輕鬆。但英國和香港的國際學校上到中學都絕不輕鬆，亦因缺乏操練，孩子升上中學時或會力有不逮，未能取得好成績。這與普遍香港家長「望子成龍」的心態是不配合的。
在課外活動及發揮領導才能方面，香港的國際學校尚有不少機會給學生去參與及嘗試；英國state schools普遍資源匱乏，不是每一個學生都有機會參與，我聽過一些學校係用成績去揀人；老師不足、課堂秩序管理差，令校內有不少問題學生，會影響其他人學習。
最好的應該是去英國讀私校，讀得輕鬆課外活動又多，但係港幣幾十萬一年嘅學費（講緊日校唔係寄宿）對於移英家庭嚟講都幾吃力，因為一般香港中產去到英國只揾到原本收入嘅一半（例如一位家長轉全職，或者要由初級做起） -
升學前景
雖說去英國讀書可以入英籍以便大學時可以享受Home Fee，但係亦代表咗孩子將會focus喺英國讀大學，未必afford到去其他國家讀。而英國經濟其實麻麻地，大學畢業想揾份相稱嘅工並不容易。
喺香港讀國際學校可以考英美澳加等不同國家嘅大學，如果讀得好一樣可以留低揾工入藉，不過當然無用BNO visa入籍咁穩陣。
不過我覺得本身叻嘅人讀咩學校都會出人頭地，就算考DSE都可以考到外國名牌大學。
當然去英國仲要考慮同家人分離，適應氣候文化等問題…不過當它們不是重點吧。
結論：我覺得兩種學校各有自己嘅利弊，亦有佢哋嘅特色，其實好似蘋果同橙，不應該直接比較。
3個讚
移英或者其他國家都唔係只係為教育，成長環境都唔一樣。我去咗澳洲，小朋友同班嘅都會有中國人，亦有好多local，平時接觸嘅人和事相比响香港讀IB好唔同。
响香港小朋友讀得IB 嘅家庭，十個有十個都最少有一個工人姐姐，個小朋友咩家務屋企嘢都唔需要handle。去到外國，唔會有工人姐姐啦，好多嘢會需要佢自己做，例如買嘢幫手拎，幫手洗碗，煮簡單嘢食，自己執房，諸如此類…自理能力應該會比响香港好
3個讚
係外國升大學然後留低工作入藉，這個選擇唔係咁容易，要搵到一間大公司肯請你和安排visa對 fresh graduate來講唔係易事。但如果唔在乎入藉，這點不用考慮。