首先我覺得移民應該係為自己，就算為小朋友都唔止係讀書。係要睇佢成個生涯，想點生活。
我同意如果只係為左傳統壓力大既可以揀國際學校。或者外國升學。
但如果係想佢多國籍咁無得揀，一定要移民先有。
同埋所有野都係有得有失。我自己做父母會盡量俾多個option小朋友。
好老實講，如果想行精英制，搵錢為上既，香港係好地方。但如果只係想平平淡淡，想住大啲唔洗ot，移民係出路。極端情況拎好多錢去燒個啲唔計啦。
1個讚
但所謂多個option好大程度都係同錢，或者資源掛鈎
除非好大舊錢帶過去燒
除左passport，學似樓上話齋，比起留港可以去旅行，遊學團
如果去到外國結果只係喺個town仔讀公立，第時平淡地做個基層，我唔係話咁好定唔好，但係咪真係叫做 多個option？
1個讚
俾多個option唔係移民先叫option啊，讀IS都可以係option。
同埋我唔會比較一邊可以做中高產，另一邊做低產。
只可比同一個level邊邊生活會好啲。同埋有啲人既性格都有影響既，例如某啲性格既人唔會適合係香港或英國住。
每個家庭都要諗what work best for them。要真係分析邊度好啲要好factual咁講香港可以讀邊間學校，英國係邊間/兩邊搵幾多錢/兩邊住邊。但寫得出哂其實大部分人都心中有數邊度好啲。
同我啱啱細諗，呢啲情況好似只係父母舒服左。佢哋唔洗再係香港辛苦搵錢，又唔洗玩香港個學校制度溫書做功課。但就層樓就住大左。其實都唔可以美其名話係為咗小朋友讀書。
除非個仔真係確切同你講我唔想係香港讀書
1個讚
你依句說話講二十年前香港還適用。
2個讚
咁二十年後仲未有人知，睇英國都唔覺得manage得好好。起碼係香港啲人本身都仲係做緊中產，有享受到成果
1個讚
‘’如果去到外國結果只係喺個town仔讀公立，第時平淡地做個基層‘’ <大把人接受唔到, 把口實話ok
1個讚
ChatGPT 咁睇，參考吓
去外國讀書同係香港讀國際學校有幾個主要分別，以下係一些主要的區別：
- 文化和語言環境：
- 去外國讀書：你會浸淫喺外國文化中，學習當地語言和風俗，提升自己嘅語言能力同跨文化交流技巧。你會有更多機會與當地同學一齊生活，真正融入當地的社會。
- 香港讀國際學校：雖然語言環境可能主要係英語，但你仍然處於香港的社會環境中，可能會受到更多香港文化的影響，並且日常生活的語言大多數仍然係中文。
- 學術體系：
- 去外國讀書：不同國家有唔同嘅教育體系，唔同嘅學科選擇同學術要求。例如美國有寬鬆嘅選課制度，注重學生全面發展；英國則更專注學科的深度和研究能力。
- 香港讀國際學校：國際學校通常會跟隨外國的教育體系（例如IB課程、英式A-level等），但因為係香港，學生可能還是受到香港教育體制嘅影響。學校的文化和環境會比較國際化，但教育內容依然有一部分本地化。
- 學習資源和機會：
- 去外國讀書：外國的大學和學校提供更全面的資源，例如更多的實習機會、校外活動以及各類型的社交場合，學生有更多機會建立國際人脈和拓展視野。
- 香港讀國際學校：雖然香港的國際學校有優質的設施和教育，但在某些情況下，學校的資源可能會比較集中於本地環境，學生活動和交流的範圍可能會相對有限。
- 社交圈子：
- 去外國讀書：你可以接觸來自世界各地的同學，這樣不僅可以提升你的跨文化理解，還可以建立多元化的社交圈，為日後的職業發展創造機會。
- 香港讀國際學校：雖然學校內有來自世界各地的學生，但在香港這個相對較小的地方，學生的背景可能更多元，但社交範圍可能會受限於香港這個地方的文化圈。
- 獨立性和生活經驗：
- 去外國讀書：在外國讀書通常需要自己處理日常生活，這樣能夠快速提升自己的獨立性和解決問題的能力。此外，你會面對更多未知的挑戰，學會如何在陌生環境中生存和適應。
- 香港讀國際學校：你仍然留在香港，家人和朋友在身邊，生活較為穩定。雖然學業要求可能較高，但生活方面的挑戰相對較少，能夠較容易獲得支援。
總結來講，去外國讀書和在香港讀國際學校各有利弊，選擇最合適的方式取決於你個人的目標、興趣以及希望達到的學術和生活經歷。
3個讚
好同意拓展視野呢part係外國係勝一籌，特別係外國係以一個國家為基礎，但係香港就以一個城市為基礎。
自身同幾個朋友嘅經歷，大家喺香港長大，去到倫敦做嘢之後發覺大開眼界，無論係公司規模、業務種類、學校教育都有相同感覺。視野要擴濶好多，例如分類係睇UK vs EEA vs US vs Rest of the world。
當然我哋都係香港土生土長，成長環境唔係好有錢，但係香港都係做國際大公司，叫做見過吓世面
3個讚
住小鎮都係睇你有冇心向外闖，好多後生仔畢咗業之後都會搬去倫敦住同做嘢，反而好少真係倫敦出身，特別而家係聖誕節好多都話要返屋企探屋企人，幾時要搭火車返去
2個讚
可能我睇緊鄉下佬哀歌，Hillbilly Elegy: A Memoir of a Family and Culture in Crisis
一個鄉下佬明年一月就上任美國副總統，做人視野最緊要有寬度，去外國小鎮成長都可以行得好高好遠。漁村嘅視野最多就係喺大機構做高層，做專業人士搵好多錢。
不過我追求係開心生活，去到加拿大我識好多人都唔使返工做螺絲，有唔同方法搵錢，如創作手作，寫作，達到財務自由，做自己喜歡嘅事，冇咁多旁邊鶴喺側邊潑冷水，冇大學學歷英文普通一個師奶如我，估唔到咁大年紀都可以談夢想，創作條路又好順利喎，我唔想我小朋友將來搵好多錢，但係係一個唔開心嘅人。
小朋友視野其實睇家長既質素，香港人去旅行不外乎嗰幾個地方，飲飲食食，主題樂園，打卡熱點，唔知點樣去開眼界，最多只能說去咗好多地方旅行
10個讚
呢樣野同視野與移民無直接關係, 睇你自己夠唔夠豁達, 你都話一個鄉下佬明年一月就上任美國副總統, 你講果d野香港唔做得?有視野或度量寬宏豁達之人唔會覺得移左民先做到, 唔會話漁村嘅視野最多就係喺大機構做高層，做專業人士搵好多錢。正如左膠與小粉紅到處都有
1個讚
Sorry，你啱，係漁村更加容易達成夢想，睇下香港啲高官
其實我只是想回應返樓上話移民小鎮過平凡生活的看法
香港人旅行一定膚淺, 喺香港返工目光一定只有錢.
喺外國農村一定可以視野曠闊, 返工一定唔係冇夢想的螺絲, 一定冇生活壓力.
3個讚
普遍都係啦，不過不是所有人都係
咁我諗外國普遍更多人連自己國家都未離開過
2個讚
你說對，好多外國人未曾離開自己國家。
不過大家扯左去太遠了，宜家討論緊教育。
現在香港IS咁多大陸人讀，究竟讀IS可否增加子女的國際視野呢？！香港受內地文化衝擊之下，相信文化水平會出現變化。
2個讚
讀IS大部份都會去外國讀高中或大學.
仲有如果係喺外國town仔學校讀書, 真係唔會比喺香港讀IS更見多識廣.
1個讚
香港人去移民不外乎嗰幾個國家, 推論移民去嗰幾個國家的香港人普遍都係膚淺 
其實去旅行都係為自己開心, 人生營營役役, 開心的話, 膚淺又何妨, 唔明點解要畫地為牢, 去邊度旅行都要分高低, 真心累, 胸襟決定器度, 境界決定高下
Agree. 而其實膚淺咁喺另一個國家享樂飲食去旅行, 都係一種見識.