多謝！你令我感到溫暖
昨晚冷靜地談過，真係好多情緒湧出，眼還未乾，頭仍然疼
多年前他玩到出意外，我去外地帶佢番屋企，洗佢染滿血的靴。心情真係難以形容。掙扎，不滿，擔心…最後我都放下，由佢。佢苦口苦面，對成個家冇好處，心態調整，接受任何意外。
既然死別的擔心恐懼都學習放下，今次最多是生離…
今日睇到一篇文章 — 允許一切事情發生， 擁有穩定的情緒及專注當下、內在成長。或許這上天給我的答案！
1個讚
其實就好似小朋友大左鐘意滑雪到整傷都要繼續咁。
如果佢咁堅持，其實老婆或啊媽都真係做唔到啲咩，勸都勸過啦。叫佢買重保險好過啦。
其實佢只係鐘意滑雪定佢出軌？點解傾到好似已經有啲情緒問題咁
染血既靴就dum左佢，唔好洗啦。
其實佢情緒正常。只係呢十幾二十年漸漸由唔識滑成為滑雪發燒友，家人朋友勸過，意外不單冇令佢驚，反而為了進步，努力做復康，去更多trip. 我由唔接受到接受佢一個人去，現在仲要接受佢同其他女同事去，我覺得好辛苦。
我覺得真正的小三是滑雪。佢對佢的裝備好有感情。而佢為了要滑雪有伴，男女都唔拘。佢覺得好難得有人同行。但我好唔理解，好痛苦。
我真係唔可以用常理去明白佢。
我都追咗好耐，但唔敢留言，驚我講得太白你唔開心。如果唔啱聽請skip～
我一開始就覺得你未有嘗試用「男人」角度去睇呢件事
仲記唔記得「男人來自火星，女人來自金星」？
男性沉迷一樣嘢9成9都會進入非理性情況，你有無發現儲模型儲到一屋都係，做gym做到走火入魔，炒股炒到輸身家嗰啲，都係男人？
我會話佢哋基因裡面已經有呢種「不理性」嘅種子，天生已接受，叫佢改也改不到。
如果你老公係沉迷滑雪，我更覺得佢不會出軌，因佢對女人興趣不大。
如果你自己放不下，就跟下佢去滑雪，用自己眼睛說服腦袋其實係無嘢，總好過屈喺心。
1個讚
我先建議你想清楚你最接受唔到既係:-
-
將滑雪放係第一位,家人放係最後; 或是
-
同女同事去滑雪
我覺得第1更難解決.
1個讚
我係話你既情緒啊
所以要洗都係佢自己洗啦。唔好再為佢包底啦，等佢自己承擔返自己既野。
我覺得我明白佢對滑雪既熱情。只不過佢對自己興趣既追求多過對屋企。簡單來講佢唔係family man。佢既世界好大，但你的世界就係屋企。你哋價值觀唔同
或許我真係唔太明白男人。
其實1係一直發生緊。佢話家人比滑雪重要，我我真係唔覺。
2 就係呢排的問題。去完short trip 見我不開心，佢都唔開心，原來佢話個trip完咗傾了來緊雪季去遠D
我覺2都好難傾。
平時正常，但佢沉迷滑雪，完全不能企我立場睇，我就來頂唔到。
平時我都係洗嘢嘅。但嗰次受傷做完手術，佢返到香港屋企，真係幾個月工都企唔到行唔到、返唔到工。
因為滑雪，我地的分歧越來越大咁。其實佢現在冇出軌，將來冇人知。不過我接受唔到二女一男trip
1個讚
我都係睇咗好耐但唔敢留言，因為見大部分人都覺得唔ok，我發現自己嘅想法同大家唔同，但就諗唔清原因，不過見完依位層主留言就慢慢諗到，所以都想分享另一些睇法俾樓主。
我諗樓主童年爸爸嘅事影響，會令佢有一王兩后（用依個term）、教女仔令自己好威、唔敢喺仔女面前提爸爸同女同事滑雪，已經幫自己前設咗係有啲嘢。有咗依啲前設，之後啲睇法都會帶咗有色眼鏡咁。
我就係咁，我另一半近年沉迷於越野跑，會去上堂識到好多女仔，不過比起佢同異性去跑，我更擔心佢喜歡獨個兒去跑，仲要係跑夜山，每次佢去跑我都會好擔心，特別係見到啲一個人行山失蹤甚至死亡嘅新聞。
我都有表達過我嘅擔憂，不過佢會覺得：
- 就算去游水、打波等做其他運動，甚至平時就咁出街搭車，都會有受傷甚至死亡嘅風險，難道在家唔出街？
- 年紀大體能未必做到，無可能等多十年廿年仔女大才去做
- 現在操到一個程度，停落嚟就前功盡癈
其實佢一向都喜歡運動，不過自從有小朋友就停咗好多年，成為了一個family man，係近年細B終於上埋小學，撞啱遇上疫情依幾年無咩娛樂，就開始從拾運動。運動完之後，佢都會依然係一個family man。
我同樓主不同嘅係，喺當他迷上運動時，我都同一時間都迷上另一種運動（不過就無咩危險性
）。我本身自細就係運動白癡嚟，但慢慢我都沉迷咗，所以我好明白當你全身投入一種運動時，異性依啲真係唔會有心力理。同埋依樣嘢只係生活其中一部分，我地都會喺小朋友面前分享運動依部分，我地都覺得有家庭之餘，同時都要有自己。我諗依方面係同樓主最大分別嘅地方。
所以我唯有可以提佢嘅係，當佢狀態不佳就要暫停落一次，唔好勉強去做，因為仲有家人等住佢返屋企。
我諗樓主可以試下同佢喺仔女面前傾下，當閒話家常咁（唔好用審問佢嘅態度），問佢玩成點，拎啲相分享下，叫佢下次買咩手信。收收埋埋估估下仲辛苦，越可以喺枱面拎出嚟傾，反而仲好。
樓主自己都可以發掘下自己興趣，當你除咗家庭，仲有其他自己嘅嘢，可能到時你睇法都會有唔同。
1個讚
我一家人由唔識玩到被安排上堂學識（最差係我，因為我冇乜力量hold Ski, 好怕失控的感覺）。之每年一家都去一次，再後來加埋佢要夾朋友（男）（有試過帶個仔去）再加一個人去（夾埋哂就一年至少三次，未計返大陸）。咁佢去外地都會FaceTime 我地分享，upload 相同自動買手信。其實都已經好似你講咁。
但你問我佢夠唔夠膽同仔女分享同兩個同事去玩的相，上次就冇。咁大個人應該都明白，有D位係有問題。其實佢同個兩同事唔係好熟，我問佢佢都唔太肯定人地的婚姻及家庭狀況。
當年佢唔在人來人往的主道受傷，感恩佢出事時仲有知覺叫到，冇在雪地撞到暈低凍死咗。最後做了兩次手術才上到飛機返香港。
經歷過佢一個人出國在外地玩到出意外，傷殘了半年才行得返。到現在，佢一個人玩我都由佢。我唔想要一個冇得玩黑口黑面的老公在屋企。所以我已經克服咗佢一個飛去玩個種不安。
所以我覺得今次最難過的位是同兩個我唔識的女人去。真係好受原生家庭的影響。
由細個我媽在我面前讚我爸不煙不酒，到中學時期單怪嘢；到我結婚後搬出，媽發現佢不忠狂喊又唔離婚；到媽去了大陸幾日，我返屋拎嘢，發現竟然帶人上屋企鎖個人入房；到媽死後冇耐，我貢上睇我爸，在企屋親眼見到個女人。
我真係用幾十年的時間睇住一個人變，一個好親的人，而我對佢亦由親到疏。好痛苦。
我老公同我識了三十幾年。佢由唔識玩到今日變了咁痴迷。所以，我真係唔相信人係唔會變。問題係做乜去保護自己，令自己感情唔變。
啱嘅。要出軌，唔需要去外地。但係一段感情，唔會由冇突然到有。中間一定係時間、相處、火花。因佢對呢個運動的不理性，我其實都唔太有信心，甚麼狀況下佢都係一個理智的人。
其實目前佢係愛我，我亦知道佢為了要有伴去玩vs我唔鐘意佢同女人去係好為難。佢都訓得唔好。但我真係覺得好累。佢的沉溺帶俾我好多煩惱。其實一路已經漸行漸遠。我唔好滑雪，都一家一齊玩幾日都未夠（帶D仔女上red line，平安帶返佢地下山就好）帶仔去玩未夠，放手一人玩都唔夠，再要放手同女同事（朋友）玩都……天哪？怎樣才夠。我都想我愛的人花時間同我睇下戲，睇下韓劇。每個人的喜好都唔同，我都冇迫佢睇韓劇。我唔明點解要迫自己咁熱衷佢所愛。
呢排都唸，佢真係咁treasure 女同事有個伴，咁不如我放手。如果佢係我朋友，大家換個關係，我就可以同自己講不用上心，唔須要再擔心佢安危、唔須要理會佢係咪同女人定朋友出去玩，友情/愛情定點都唔關我事。我俾大家相處多三年，仔女上哂大學，到時再睇下點。
或者係我不夠愛佢/信任佢，或者係我愛得太累。
其實去到呢個狀態,已經係婚姻亮紅燈嘅警號
唔講做運動,就會一個人返工返到工作狂咁,都可以好影響家庭關係
所有嘢過咗火位,就會出問題
心理學角度,當有人沉迷一樣嘢,去到影響生活時,已經可以係心理問題
而原因好多時係為咗逃避現實
感覺上你先生沉迷嘅程度已經去到唔健康嘅階段,但唔知佢逃避緊咩
所以我真心建議樓主試吓婚姻輔導,睇睇你地可以點行落去
滑雪只係trigger,我相信你地有更深層次嘅矛盾尚待發掘和解決
3個讚
傾了，提過睇輔導，但冇答應我。似乎唔想。亦唔覺得自己沉迷，話純粹想同人去玩。佢話佢同邊個去滑可以唔同我講，所以佢真係冇壞心腸去做D乜。亦話重視我同仔女（但我認為唔係得個口講）
事實係屋企係需要我。早排孩子升學，突然收到電郵，大學話三日內再收唔到某些資料要取消申請，先知學校申報出問題，老師又不停話已經做咗，惟有我出面不停找學校傾解決。真係唔知仲有乜突發嘢要處理。
我覺得好難處理自己的情緒，只可以呢度呻。自從離開職場，我比較熟的人全部都識我老公（但不是深交）我噤住自己唔呻，係怕影響佢面子。
我好有衝動想同仔女傾，唔又唔想令佢地有負面影響。
現在好似一場角力：佢想去同人玩，唔理男女，佢覺得只要我信任佢，就冇問題（雖然他冇講，但我知道呢個係佢睇法，即是重點問題在我度）；而我亦坦白話唔係完全信任佢，我只能相這一刻的佢，誰知道將來的事。
其實你提婚姻輔導已經錯哂，因為婚姻輔導主要俾雙方都覺得有問題而去，而現時只係你單方面覺得有問題，你老公唔覺，所以佢唔會應你，而今次提出會令佢對呢段婚姻更加懷疑，更加無安全感
呢知正正係男性同女性對同一件事嘅唔同睇法，在於女性啜講，人夫同女同事去玩係一種禁忌，就好似一做人夫就唔可以再有異性朋友咁，當然亦都會有人出嚟講，咁老公係咪接受到老婆同其他異性去玩？ 呢個係一個完全唔會有答案嘅問題，正如口口聲聲講男女平等，但事實係男女根本就唔可能平等。
呢度女性會員多，意見多數會偏向女性，但以男性角度睇，先唔講係咪同女同事偷食先，如果係興趣上面搵到志同道合，真係會好開心，無論對方係男定女，都想多D溝通，當然只係關於興趣方面，至於會唔會傾到其他嘢，真係好視乎兩者睇法，係咪一定會去到親密階段，又唔係一定嘅。
男性以家庭為重嘅睇法同女性唔同，女性過往都係覺得將所有嘢放係家庭度先為之以家庭為重，但男性唔會係咁諗法，呢個就係過往傳統觀念，男主外，女主內心態，男性覺得，只要維持到家庭生活就已經係以家庭為重。
好多人都話未開過就要停啦，唔好俾佢發生，咁換句話說，即係做咁人夫就要同所有異性斷續關係？ 事實一定做唔到，返工無女性？ 本身無女性朋友？ 加上網上咁易識人，要接觸女性易如反掌。
現時呢件事只有你自己最清楚，其他人唔會，由你地拍拖到結婚，生仔，佢係一個咩性格嘅人只有你自己知，而你肯同佢一齊，即係接受佢嘅性格，兩個人一齊唔係要對方轉變配合自己，而係同時接受埋佢嘅問題。
你老公自己覺得問心無愧，所以覺得同女同事去玩無問題，反而會覺得你小題大做，唔信任佢，更加令婚姻出問題。你自己都識講啦，要偷食話咁易呀，唔好話偷食，俾錢買性都可以，你都未必知道，無人知件事將來會發展成點，唔係所有嘢都可以避免唔發生，有時反而因為過份避免而令事年發生，你試諗下，當你老錢同女同事滑到時傾開你兩之間嘅問題，會點？ 可能平時都唔會傾到嘅問題，因為今次而傾到，影響將來情況。
3個讚
你係男性？
Sorry, 現時我只知老公要同兩個我唔識女人去滑雪。就係咁多。
我覺得佢要將我的婚姻問題同其他人傾，無問題。
其實我要傾，我都有好多識佢的朋友，而且我同佢都知道，將所有嘢擺上面，係唔會有人贊成佢去。
「而你肯同佢一齊，即係接受佢嘅性格，兩個人一齊唔係要對方轉變配合自己，而係同時接受埋佢嘅問題。」係， 佢巳經唔係以前的佢，而我亦開始接受唔到佢的問題。
你的意見不要要掌情控，信任、隨遇而安？
我係男性呀，所以我講嘅嘢你未聽得入耳
婚姻當中最重要係信任，結果兩者中無信任，其實好辛苦，處處懷疑
更加唔好係仔女面前亂講，咁做法唔代表仔女將來唔一定支持你，隨時會有反效果出現
現時你所知嘅只係佢同女同事去滑雪，會唔會有嘢發生唔知，可以做嘅只可以觀察，太早下定論會有影響
咁不如請佢自己仔女講，佢同女同事滑雪。其實就算係我講，如果佢決定去，呢個係事實，不是亂講，冇中生有。
我只係覺得，佢覺得冇問題，點解只要我一個人知？某程度要我為佢保密？
換句說話，其實你都係叫我隱忍，事實唔可以講，我唔開心我嘅事，一個人吞咗自己的情緒。自然就冇事。
我都忍了唔少。唔知仲可以忍到幾耐。
看看我能否忍多三年。到18歲，小朋友已經不再是小朋友。
我意思係指你同仔女講爸爸個幾日同女同事去滑雪，唔係屋企就可以，咁如果仔女唔鐘意，佢地自然會同爸爸反映
唔知你兩之前重有咩其他嘢，我只係就滑雪呢單講，如果你老公真係只係去滑雪，無其他嘢，佢會覺得係多疑同煩
每件事都會影響將來，亦都無定唔錯，只係之後嘅嘢丞唔丞擔到
岩呀,搵返自己既圈子,我感覺你係有錢有時間,上堂學野最好~至於識新朋友就隨緣啦
4個讚
學嘢呢個係要做的事，但呢一刻我仲未處理到自己的情緒，自己的心。惟有忽略自己的感受，同自己講現在冇事發生。
在屋企表面冇嘢，冇吵閙。同佢拖住手訓，但要講的嘢講哂，冇嘢可以再講。
最終我表達/扮冇事有，佢都會去，而有冇事發生過都好，「我的感受不被重視」已經係好真實的發生。
多謝你的提醒。呢段片講中咗我地婚姻的問題：責任、快樂。還有一另一條片講婚姻中的工具人。
情緒還在。心結仍在。好像明白自己處境多一點。思考具體怎樣解決。