多謝你聆聽，溫暖的回應，同以其他朋友上面的意見。大家呢個平台偶然相遇，都肯花時間睇同回應我。
係呀，唔開心，但唔想在識佢/我的人前呻，仲未想仔女有機會知道，就算係知小小都唔想（好似我當年咁，睇到我爸有唔妥但又唔可以話佢有出軌-其實最後我爸係出軌，是另一個女，所以個對母子也可能是前傳）但我都同自己講，暫時件事都未去到好差。
我知要保護到仔女的心靈，首先我要處理好自己嘅心同情緒。多謝大家，我一定會為自己出聲。
2個讚
抱抱先！
仔女心靈唔係靠媽媽一個去保護架，你地兩公婆對家庭嘅投入程度都有幾大落差，有時男人係咁，你喺後台打理得愈周到，佢就愈大安旨意無後顧之憂出去做想做嘅事，我都經歷過。
比返大部分啲家庭責任佢，係對佢，對你，對仔女都有好處。
我好同意樓上講，唔好諗到太多太遠，講左，睇佢咩回應，再諗下一步點做同點講，溝通係打波咁拋接，唔係一嘢諗到結局然後暗自做好分開嘅準備。
你講中了！的確是我在家，他去邊也玩得很輕鬆（當然他工作也辛苦有壓力）孩子就在他不在家滑雪那晚，問為什麼我不會好像爸爸為自己而活，他問我咁生活開心咩。（呢排為小朋友升學的事催促佢做準備，呈交資料、睇不同deadlines)
反省一下，我覺得原來是因為之前幾年家人突然離世，一夜失去了再為佢做任何事的機會，所以現在的我雖然沒有工作，卻每天了別人（大大小小的家人、老人）的事忙。人生難料，心底𥚃可能怕有一天沒有機會為愛的人再做什麼。
但又咁，如果連我都活得咁自由自在，邊個理呢D唔大唔細的孩子？
嗯，對，先說出自己的感受！亦會同佢講返佢亦要比番時間孩子。其實細路話欣賞爸爸活得好自由好開心，但同時話佢想爸爸叫佢做嘢鞭策佢，但爸爸對佢太放手
1個讚
手袋
抱抱
我最近生活上遇到同你有d 相似既情況， 我同你都有d 似， 又係細路既野一手包辦咁制， 一樣有你呢個諗法， 我唔理細路邊個去理？
所以好明白你呢刻既感受。
1個讚
你小朋友好懂事，亦好錫你呀，佢地想你過得開心。父母係子女嘅榜樣，問心，你想唔想佢地第時過活只為別人，忽略自己丫？
呢樣野一定對每一位媽媽都係困難，我都學習緊要有返自己嘅生活，希望小朋友將來都可以熱愛同享受生活，而唔係困喺牢籠，唔使問你都一定咁期望啦，安排佢地外國升學，有邊個唔想見到子女振翅高飛？
你要先諗諗，小朋友/青少年最先係受父母影響同薰陶，其次先到學校同社會。
唔大唔細的孩子可能未發現任何蛛絲馬跡，但已經向你道出他們的一套睇法，他們很想提醒你要為自己設想而作出一些改變。要好好想想，怎樣才可以真正保護孩子，及如何示範給他們知道要好好愛自己！
2個讚
其實…會唔會係已經…有路 
我知我咁諗好衰,但都想提一提樓主要有2手準備
1個讚
直覺應該未去到咁。不過我都唔知。我只係覺得唔佢單純為了滑雪，但佢唔太在意我的感受。
講了，話下次叫埋我去。但我感覺得佢唔開心覺得不被信任，而唔係出於覺得佢自己不尊重安而作出安慰的承諾。
可能我太在意人地感受，唔講自己心唔舒服，講咗又令佢唔開心
成日去應該就唔係雪場啦,邊度會一年四季都有雪 
廣州有室內雪場，全年都開
平日你係咪都過緊偽單親生活? 如果係,我建議你要嚴肅咁同你先生傾解決方案.
我過去一直都係過著偽單親生活,結果仔女大左同我講,見我生活得咁唔開心,寧願我一早離婚.
所以唔好諗住仔女細,為佢哋忍受不愉快的婚姻生活係最佳選擇.
只有你快樂,你的孩子才會快樂!
5個讚
係。在屋企時間唔多，一星期打波踢波三至四次，唔會晚晚返屋企食。
偽單親我忍到，係唔被重視的感覺比較差。或者等佢地完曬中學，我就再出返來做嘢。
相信你自己最清楚你的忍受程度,只是不要高估. 不要等到日積月累後的爆發點才去面對及解決.
如果仔女都察覺到你唔開心,你便需要做出選擇/解決.
2個讚
我覺得樓主做得唔夠圓滑。
我見你個情況係你老公主導左呢段關係，佢做野可以唔理你唔開心，所以你其實同佢坦白唔係最有用。你講完佢又唔開心，又無實牙實齒話唔再去。
相反我suggest可以跟埋去無話一定要你成程留係雪場，同仔女都就嚟出國，咁就算平日返學請下假都無所謂。
同你話唔想小朋友知佢爸爸同異性去滑雪，咁都係睇你點包裝呢件事(前提真係好似你咁講只為滑雪)
其實叫你跟只係要你宣示主權，俾個signal你老公，你可以同送到佢去雪場食個飯再返香港都無問題。
成件事你可以幻想係有員工成日返工偷懶喎，但佢係老臣子你又唔想咁樣衰當面話佢。咁你係咪係佢偷懶個陣突襲佢，又同佢講下公事等佢自己醒水啊？
另外你話小朋友都大個，你應該適當地放手，我老公去外國讀書都係佢自己申請學校嫁咋，但屋企俾錢。
你咁樣付出型人格仔女都未必appreciate。
1個讚
呢個咁圓滑的做法，可能似番係樣樣為人唸的我。
但既然講咗，我都學習唔再唸，留番比佢唸。其實佢未第一次去時，我已經講咗我睇法。
今次講完，如果佢都未能站在我角度，覺得真係唔須要對佢有太多期望。開始討厭繼續隱忍。
會諗下出去學下嘢，識返D同學。佢話咗唔介意，到時我咪同人出下街食下飯。
小朋友升學方面，因為佢target set 得比較高，個科又唔止睇成績，而且申請不止一個國家，有錢一定有幫助，但係淨係比錢都搞唔掂。都唔可以完全放手，除非個家長同小朋友的心態都係有就有冇就算。
2個讚
你要有自己生活，你都可以出下街比老公湊下仔女，頭家佢有份
叫佢湊一日煮埋飯囉，平時玩得咁開心丫拿
2個讚
唔好忍
無奈。 。。根源係佢太鐘意呢個活動。連帶所有有關的，佢都覺得好重要。呢種鐘意令佢不顧一切。
如果愛上一個人，但漸漸佢愛上登山，進化到什至冒著命危險都要做，你可以點？
好同意呢句
樓主我未睇晒你所有留言, 但你有咩可以上黎講, 相信大家都會願意聽你傾訴
3個讚