老公一向係滑雪上癮。會獨行去外地玩及試過玩到受傷半年。近排發玩佢會返大陸滑，同兩個女同事去。
前一年未去時，有同我講過話同同事去，我話有男女咪去，淨係女同事就唔係幾好（之後佢都有去，但話同同事，但今次玩完返來「借意」話去錯按摩店好在同行有女人，傾傾下就知個trip 一王二后，之前都有去過一次大陸滑，估計咁既組合應該唔係第一次吧）
我覺得就算現在大家冇任何事發生，正常女人都唔會鐘意咁嘅組合。掉返轉做老公都唔會鐘意老婆同兩條佬去一后二王short trip 吧！
其實都幾無奈，我唔係唔信任佢，估計應該未去到有乜關係；但亦都可以話，我開始唔信任佢，因為去玩你可以自己一個去，冇必要一個男人同兩個女人去，好可能教女令自己好威吧！
其實佢都知我唔鐘意，但選擇咁做，我仲可以點？ 我好想親口講，是咪因為你一個人養頭家，你就可以唔洗理我感受？
嘩，咁樣係唔尊重喎
係咪要跟埋去？
問佢你同第二啲男人去得唔得？
你想講既野就講啦！應該講！
講清楚最後通碟！
我本身真係唔好玩，近排我都要子女跟外國升學的事，好多deadline 要meet。
外國familtly trip 我都會跟埋去。其實我唔鐘意，但每次我都會焗在雪場三日。
我認識的佢，即使同佢表達自己的不滿，佢都唔會唔去，因為佢覺得自己身冇屎，係我問題。中間試過一次book 曬嘢cancel ,話同事病咗。現在睇返可能有個女唔去，變了一王一后， 佢都有條底綫唔去。
或者今次忍咗去，下次又話同同事去，我就話去埋，同佢一王三后？
其實夫妻係要溝通/妥協，我睇係，即使我表達咗佢都咁做，佢要我妥協
一次即日來回唔過夜我還可以接受。
如果又過夜又唔係第一次，第二次我根本都已經接受唔到，我會同佢講我諗法。
佢都堅持去，我諗會對呢個人慢慢唔信任同心死。
我知佢要過夜係要玩到盡。即日來回就會小咗時間。其實我明白佢，但我真係唔鐘意。或者咁講，我地位比滑雪低。有行玩有人陪又可以威，佢自覺自己冇錯，所以佢選擇唔理我感受。
就係囉！你明白佢，咁佢又明唔明白你呢？
自私。
同佢講，你要繼續出去同其他女人玩，要預左冇左頭家，冇左仔女。要求佢自己反省下
唔係話「大家行得正企得正」就冇問題
避免同其他異性過於親密係「避嚴」
係作為「有婦之夫，對太太、對家人既尊重」
我諗呢件事上最大問題係：老公唔覺得有咩問題
當佢係一個直男，心無雜念咁睇，佢應該係諗野好linear 地覺得，我就係（只係）去滑雪，with 2位女同事，食飯可share 可照應，thats it.
even 老婆叫唔好都照做，唔係佢唔尊重，而係佢只望到滑！雪！
以上假設建基於佢真係正直，愛你，諗野有d遲鈍，無打算玩女人。如果佢複雜d, 就唔使睇下面。
而如果佢係直男，你投訴，一哭二鬧都唔理你，咁無計啦，增加佢既成本啦，例如：
去一次滑雪trip 要買同等價錢禮物比你，如包包，或者你都去個旅行，佢去一次你去一次，貴過佢個次。
唔好理屋企野一星期，完全躺平或擺爛
同佢講聲雪場見，佢唔明，你唔好理，然後去突擊佢。你唔鍾意滑雪唔緊要，你只係去突擊（阻住佢，監察佢，煩佢）。
以上呢d 乞人憎野都係佢迫你做，因為佢無視你感受而迫住行動升級，目的係為左增加佢滑雪爽歪歪時既成本。2公婆麻，無理由得你一個唔開心既。
你夠大仁既話，可以將以上方案整張list 比佢tick, 睇下佢prefer 你做邊樣，當比個heads up 都可以，自由發揮啦。
另外，要思考你在意既位，係咪「2個女同事」？如果要理性傾條件，係咪加個男同事就得？係咪介紹晒2位女同事你識就得？咁3個女同事得唔得？你嘗試將呢個問題包裝成你老公去滑雪前要fulfill 既一個criteria, 佢要用problem solving mode 去執行，咁對直男來講應該易接受d, 但記得開出既條件你都能夠接受。
好多謝你用不同的角度引領我去思考問題。我認為佢呢D人比幾多錢我，佢都冇問題，佢要滑就滑。而且佢知道我是一個唔哭鬧的女人，只會講、唔開心同黑面。
我心𥚃面的想法係近似上面的回應，應該避嫌同唔去。
一係我唔認識兩位女同事，二係我想像應該兩位都是後生女（好少四字頭女人玩滑雪）我覺得如果你夠膽好公開同仔女講你同兩/三/四個女同事去滑雪而覺得好正常，唔會覺得有問題尷尬，覺得唔須要避嫌，我冇話可說。
你都提醒了我，佢有幾個我識的兄弟有幾年都同佢去日本滑，不過其中一些人經濟出問題，所以呢兩年去唔成。我有問過咪同其中一個ok的兄弟去，佢話gay 味濃喎。
唔知佢係直的唔直男。不過我都可以提出，同邊個去係佢揀，佢亦唔係冇選擇。
唔知點解，講講下令我想起，中學時我爸帶了個大陸女人同一個細路返屋企，訓廳住了兩星期，話幫朋友，佢哋冇地方住。（我地完全唔知佢地乜水）我地幾個女同阿媽都好反感。（我爸好恨生仔但冇仔，我當時係好懷疑，但此後冇再見呢兩母子）我自此都唔再咁尊敬我爸，覺得阿媽揀錯老公。
首先如果我係你，我接受唔到。但現實考量下，你話你老公負責經濟同你哭鬧無用。
咁我會每個trip都跟埋去。我知你話好悶唔想去，但係你改變唔到老公就唯有改變自己。
你跟埋去有可能個兩個女都知咩事，下次可能反而係佢哋避諱唔再去。
兩公婆尤其老夫妻有共同活動都重要，就算你唔滑雪，你都可以叫小朋友學，你就當陪佢哋family event。
樓上既人幫你分析老公心理都好啱，但實際行動上你諗咁多都無用，行動最實際。
我本身唔識滑雪，都係因為跟前男友去先開識，學多樣野無壞既。
另外大陸應該唔會話stuck係雪場，應該可以自己出下去。如果你老公唔想你跟去係red flag。
同你話無四字頭女人滑雪唔正確
ex屋企人都係唔後生然後去學，有男有女。但做運動的確外型似後生多啲。
同如果你外型ok，你老公唔理你，你咪約兩個男(好朋友)去玩其他運動囉。睇下佢係咪仲覺得無問題。
讓我clarify 一下，我話增加佢滑雪成本唔係單指錢，可以係情緒上要包容你既黑面，係唔方便因為你問東問西，可能係面子因為老婆跟住去又望實晒，好多時男人怕麻煩怕面子，就算錢唔係問題最終都卻步。
所以要搵佢既痛點，如果錢唔係痛點，咁會唔會係佢好爸爸既人設呢？最終目的係令佢去滑雪時多考慮你既感受，無咁爽yy, 無咁容易，無咁方便，最好就唔去，或者去都要係你能接受既條件下去。如果你唔哭鬧，要智取，咁就要多思考。其實都可以上去行個圈，了解下雪場附近有d咩玩（你明我意思啊？）。
滑雪天氣咁凍，包到咁實，未必咁易有歪念，但兩個女同事係咩人無人知，同埋開咗先例，下次去東南亞地方游水，咁又唔同哂啦！始終男人都係視覺動物。
其實我一家都識滑，我自己初楷，仔女都比我叻，但呢個activity 對我來講唔enjoyable, 最重要係佢返大陸一定要平日去（少人），即是佢唔就我地時間去。會平日放工去第二日平日玩whole day
而我亦都唔想兩個成人去玩，留未成年的仔女在屋企過夜。返工、出街一兩三個鐘返到屋企，唔同返大陸，萬一有起事兩個大人都唔係身邊，真係過唔係咁快返到。
可能真係有四十歲姨姨開始滑，但真係唔知佢同事幾多歲。
北上滑雪，唔知係雪館定雪山。雪館頂下癮個種，離開個館就熱ga la…
希望樓主唔好再搵借口，做事決斷啲。如果呢到有方法你認為可行就試咗先，唔好理啲平日唔平日，要跟就跟，仔女搵親友幫手睇一晚半晚應該唔會死人冧樓啩。
我就好大女人嘅,我會同佢講,依家你唔避忌
將來都唔好怪我
我會等得閒啲約兩個男仔FD去旅行
睇吓佢接唔接受到
有時唔係話佢有信心唔出軌就得
而係已為人夫,應該要知道有啲嘢唔做得,係避免瓜田李下
唔係藉口，只係真心的講答番上面話一家人去學同玩。
而我亦發現，我自己心都淡，好似擺時間心力放在仔女度，心仲好過D。
可能我已經冇做嘢，冇乜男性同事朋友，就咁講同其他男人去玩，佢都唔會太個緊張我有乜實際行動。
但我認同你咁講，亦會同佢傾返，我都唔會同兩個佢唔識男人去過夜玩，希望佢將心比己。
其實有冇嘢發生咗都未知，或者就算冇，但如果我今次講咗，佢都唔將心比己，其實我更心淡。
如果真係去到要比仔女知爸爸同女同事玩，媽媽跟住… 其實去到咁仔女對爸爸、對家庭的心一定有條刺。好像自己細個時咁的感受。。。
同佢講啦
總之你感覺不良就應該出聲
感受到你心很累，又嬲又傷心又失望
但屈住更加唔開心，所以即使表達左，對方依然無動於衷都冇辦法
但至少講左出黎舒服啲！
因為當有一天你狠心、或者佢出界，全部人知道whom to blame