一句講哂咪就係樓主你嫁左個自私精囉
做得人老公就唔可以同其他女性走太近，懂得避嫌
唔係唔可以有女性朋友，可以！但要保持適當距離
同女同事去trip 係唔可以囉
就係咁簡單
上面講咩唔信任呀咩咩，please just stop! 瓜田李下有冇聽過？
anyway 樓主你話忍多3年 18歲就唔係小朋友
依家都中學都唔係小朋友啦，要走就走唔駛等多3年又3年
6個讚
18歲係成人喇。考了大學，有自己的生活圈子，可能對學業的影響會細D。
其實自己同小朋友都close，大嘅都會同我傾心底話，其實升大學（本地/海外）都要適應。佢地中小學12年是同一間，同學一齊成長。
佢好敏感，睇我地中學的記念冊，會睇得到我地世代中學同學的更真摯，更多心底話。但佢知自己都好幸福，同學間由幾歲開始識，大家都理解大家。唔洗講好多說話，大家都係善艮的人，自然走埋一齊。所以一諗到大學要識唔同背景的人，成為大人，世界會你虞我詐，佢都有不確定同擔心。
大學生最多時間在學校，如果順利就好，家庭呢邊的問題就冇咁大影響。
但如學業、學校那出現問題，家庭那個時候應該要發揮力量穩住。
做媽媽的永遠都係為子女諗。
咪係, 老公同女人過夜喎, 介意好正常呀?
呢個唔係小事化大, 係做老婆既無左安全感, 但做老公既都一樣無正視問題
同埋樓主講到老公唔肯自己同仔女講, 自己去同女同事去滑雪離開屋企幾日, 呢個已經好有問題, 點解唔可以俾仔女知? 因為佢想響仔女面前保持自己好爸爸既顧家形象?
非常同意
5個讚
就黎讀大學即係已有能力去分析事情, 建議你將事情同仔女傾談,因為佢哋都係家庭既一份子. 但當然唔好將佢哋成為你既負能量接收站啦, 只是將事實陳述便可.
當年我同你一樣以為乜都自己頂晒就係為仔女好, 結果仔女後來同我講,我應該一早話佢哋知實況,要相信佢哋有分析能力.
我不斷重複一句:你快樂,你的孩子才會快樂! 因為你唔係聖人,你不快樂,你的情緒不會穩定,一定會影響到仔女的.
3個讚
同意呀,但將問題蓋住,令他們以為父母關係一切安好,直至有天忍無可忍爆發,他們才知一直都是假像,你認為他們會如何感受?
其實目前既然不是有第三者出現(先不要假設將會發生), 而是雙方價值觀不同,這才是根源問題. 價值觀不同其實無得改變,純粹是接受或不接受. 這只有你自己最清楚.
物必先自腐,然後蟲生. 婚姻關係理想, 又點會咁易有第三者. 先解決根源問題吧.
最後你的婚姻怎樣？
我就係有咁想法。唔想仔女佢地突然先知有事，好似炸彈炸落去。仔女過邊，到時我會同佢地話爸爸係同埋同事去，同時叫佢老公自己send 相俾仔女睇。睇下佢自己會不會面對。如果佢決定唔send , 我到時約略提下
你的提醒好啱，是focus 番價值觀唔同。唔係爸爸係唔係衰人/可唔可信。
其實如果佢係價值觀1. 以家人為先，就唔會去到2. 同女同事滑雪。佢係將滑雪放得好高，將家人仔女點睇放低（佢唔會主動同人講，即我一個人接受包底。只要我唔講冇人知，變相成為我的責任）
講就講好，呢個trip之後佢應承會約男的先，有男先約女。其實信同唔信都好，最後佢真實係點，事情只有佢自己最清楚。
我只能好好照顧自己的心。
知道，多謝你！我會儘快找D嘢學，建立番一D令我開心的人同事。
1個讚
我既問題比較複雜,涉及很多方面,最後係有名無實分居關係. 但分居後,我及子女都更快樂 
對呀! 重心放返自己度(千萬不要因為婚姻不愉快,便寄情於另外一些人 - 無論是男/女,這是很危險的事. 建設返一些即使自己進行也可以很快樂的事),這才是健康的人生. 
2個讚
係呀！ 無謂令自己咁辛苦