err……睇番第一個post, 樓主個email 係send 埋俾"Director"
我就出左official email比佢個上司, 我個上司周埋Director關於佢嘅行為
好奇心睇返事主舊POST,2023年佢已經因為提該位同事去接待人客而生怨, 到今天佢都仍要插手人哋既工作表現,真係自己俾位人插.
事主:真係要苦口婆心咁同你講, “事不關己,己不勞心. 不在其位,不謀其政.”
否則你就算轉工,都一樣會遇到同樣情況. 
3個讚
你講得啱, 冇話邊個冇左邊個就生存唔到. 我年紀唔細得中學學歷, 工作生涯一直到呢間公司先至叫做有個位係有機會出吓trip, 又有機會keep住加人工. 本身唔係呢個clerk, 我同公司所有人都冇牙齒印.
簡單嚟講, 我地見到有人持住有人縱容就橫行霸道, 唔係應該要指出問題嗎? 只係今次誤打誤撞, 一隻手掌拍唔響, 就借呢個位投訴個clerk
但唔係由你出聲話佢, 你只需同你自己上司講, 就算對方無靠山, 你都冇authority去話隔離部門嘅人, 辦公室政治冇公義可言, 你而家出左口氣, 都只係爽左呢兩日,
明你好珍惜份工, 想要好好表現, 但你都要拿捏界線, 今次你明顯係做多左
3個讚
係之前的forum，其實樓主都有post過佢舊工的不和問題的…
其實我而家都唔明做乜咁著緊其他部門同事接唔接待客人, 其他人行過見到咪幫手接囉, 之後再篤個clerk都未遲, 而家仲搞到要驚動管理層, 小事化大
1個讚
咁就要睇下你要伸張正義,還是想繼續做尼份工了.
從來沒有絕對的公平. 如果你要越級挑戰, 就要衡量下有無咁既權力及能力. 好明顯你上司對事件不自己出頭, 就係佢明白無必勝把握, 倒不如明哲保身.
你係為自己發左聲, 但你有無諗過最壞既情況,有無人會保住你? 這方面只有你自己最清楚.
1個讚
如果其他部門既客人無人接待,該部門自會投訴.
俾著我,我最多同該部門講佢有客到左… 完.
煩惱皆因強出頭…其實都係至理名言.
2個讚
我老土, 以前做開d工, 真係冇見過一個咁自私嘅人, 可以完全按"我上司叫我先至做, 其他人叫我做就人地唔啱"
就當我幫自己"洗白"啦, OK, 你(指個clerk)抱住我唔應該插手, 咁係咪就要兇我大聲話我Chi L sin呢? 什麼叫禮貌?
咁佢上司唔叫佢做, 我部門嘅人做晒, 應該嗎? 打份工真係要執著到咁
有前因才有後果. 佢態度差係因為有前因. 唔係話佢咁做係啱. 係而糾結在這點, 問題仍未解決.
其實我都唔係好明, 點解佢唔做本份,會變左係你部門負責? 係必須還是義務?
你未見過, 唔等如別人係錯, 只是與你的做人處事標準不相同.
施主: 一樣米養百樣人, 若要人似我,除非兩個我. 
你係一個已工作過一段時間嘅人, 而家都未明踩過界呢D辦公室大忌?
咁我反問你啦, 如果佢係好聲好氣同你講, 你唔應該干涉我wor, 你係唔係會突然醒覺, “大鑊, 我今次踩過界” ?
呢度無人話clerk無問題, 重點係你唔應該踩過界去處理.
佢唔做, 點解你部門要做? 你部門上司有叫你做咩? 你部門上司有叫過你平時叫clerk接待客咩? division of labour呢D行政野由返你地各個部門主管/HR/管理層處理, 你做返自己本份就夠
3個讚
如果你講嘅係事實, 咁我大概明白點解樓主多次係職場都有不和問題, 性格決定命運
1個讚
btw, 我以前做過一間港資, 又係入邊啲人啲關係錯綜複雜。呢個又唔知喺嗰個親戚。嗰個又係呀老細個邊個邊個。但係從來都唔公開。 所以樓主都係搞清楚入面啲關係先好再行下一步。
1個讚
我以前都做過類似公司，希望唔係同一間, 哈！
又係阿姐叫個仔黎做暑期工呀，某高層又有細佬響某部門做咁
但皇親國戚都低調，唔會恃住關係恰同事，或者自以為高高在上，但亦唔太埋同事堆，所以都叫一直相安無事，和平友好。
1個讚
同埋如果好似各位咁樣講，個old seafood可以喺度橫行都從來冇俾人嚼，老細又唔處理。
感覺條友可能喺公司真係有啲勢力。
如果樓主嘅上司都唔敢出面叫個嚫去投訴，衰啲咁諗樓主個上司係咪想推樓主落火坑。
3個讚
所以真係好唔鍾意呢啲公司。不講武德只講關係。 我做慣MNC 個個有碟話碟
係呀，所以樓上會員kipling咪好心叫佢自己睇路
我覺得樓主今次好難再有咩動作追究個clerk, 條氣唔順好正常，但暫時最好保持低調，盡量避開條友，因為真係唔知條友背後咩人撐腰
3個讚
YES. 有時做細嘅就要蝕下底。職場上冇得下下都講唔講公平。At the end of the day, 得罪咗個客都係負責人包底，最後冇人會怪個clerk。
無錯！
其實我支持樓主同公司反映，我返工啫唔係受人氣。
但樓主唔需要去解決clerk 嘅問題，將來嘅嘢尤得公司、上司處理，再做就多咗。
1個讚