你所講 “佢係receptionist嘅back up, 有時候如果receiptionist唔係公司/放假, 佢要負責做埋receptionist嘅工作”
係唔係佢 official entitle 架先. 定係只係人講你講.
照你咁講佢只做佢老細叫佢嘅野, 咁即係佢老細都冇叫佢做receptionist嘅back up. 咁咪係佢冇official entitle 要做呢樣野?
搞清楚佢職能要做D乜. email問番D 老細, 有哂blank and white 問佢是否receiptionist back up"
如果老細話係, 佢以後唔敢唔做. 如果唔係, 佢唔招呼客人都怪唔到佢
當然佢講粗口就點都唔啱, 你可以同時投訴同事嘅不當行為
咁佢係咪有後台? 佢響度都得罪唔少人, 但仍然繼續係咁。如果佢背後靠關係入黎既話, 講真你出埋Director 都未必郁到佢, 佢上司一定盲撐
作為一個唔忍得既八十後, 如果你多次同佢交涉不果, 又睇唔過眼既話, 我會建議你可以開始留意下出面個市場
同意, 咪有得個客投訴, 最好搞大佢上到Director 度
係offical 個clerk係back up receptionist
我地公司有一個Organisation chart, 每個人嘅相片下面除左job title, 仲有佢地負責咩工作, 仲寫明如果佢地唔係度, 邊個係back up.
Receptionist & Clerk係我地公司係寫明要maintain greeting the customers.
咁你明正言順"小"佢同"小"埋佢老細啦.
仲要話 “客人企係門口都冇人理, 唔高興到時失左大訂單邊個負責先” 
既然你已出左email, 但我都要事後孔明, 你以後唔好再出聲,
對方上司明知係咁都保clerk, 你上司亦唔會唔知clerk有人撐, 但都要你出email搞大佢, 你唔覺得成件事好怪咩?
而家係你地兩個上司嘅效量, 而你只係你上司馬前卒, 你做晒醜人幫你上司助攻, official email你出面, 叫clerk greet客又係你出聲, 成件事你上司冇出現過。如果成功趕走clerk或挫clerk同佢上司銳氣, 有面嘅係你上司, 但如果clerk繼續坐大, 食死貓嘅就係你。
我都係脾氣唔好嘅人, 睇唔過眼會出聲, 但我更唔想做人地隻棋, 我會當呢次email係我最後低線, 無改善的話, 我會辭職, 唔會再為他人作嫁衣裳
管理層: 一個receptionist仔咁小事都要驚動到我, 又唔係有客投訴, 你只係隔離部門senior搵我投訴呢D小事? 我好得閒呀?
隔離部門上司: 我自己嘅人你做乜咁多事, 你一野嘈到去管理層即落我面啫。
我係樓主的話, 而家擔心嘅就唔係粗唔粗口問題, 而係以後點係公司做人
係, 打工唔係鬥長命做得愈耐就愈好, 做得唔開心不如早走早著
尤其是樓主呢個clerk 直情打橫行都得, 鬧走埋另一位同事都仲係咁樣樣, 公司既所謂"唔炒人政策"都係為左包庇呢d 人而設, 樓主上司亦唔知咩事, 敢怒不敢言
唔好執著你點樣可以正義地治到呢d 人, 最緊要係自己開心, 不如出去試下搵過份條件更好既工作, 早走早著
其實如真係如事主所講既粗口,並不是直接人身攻擊,可以輕視無需上心,當佢講助語詞.
至於工作安排,既然無法解決此人,又不打算轉工 (其實全世界都有尼種人,避唔到幾多) 就顧掂自己部門便算. 其他部門既事,事不關己,己不勞心.
係架
其實出呢個email, 有一半係私心. 我比你一個clerk呼喝兩次, 如果我唔幫自己發聲, 我真係係公司冇晒位企. 引戰果個係我, 睇住公司因為個clerk個上司不斷縱容而助大. 我都覺得舊年個clerk呼喝我時, 我冇即時採取措施, 結果對公司有心力嘅同事續個比佢鬧到心灰自己走, 今次我係多事, 佢可以用有禮貌嘅方式表達唔到我話事, 不過既然佢選擇呢個方法回應, 我都唔怕捉住呢個位去出聲
上次大聲呼喝, 今次粗口, 好明顯我係佢眼中釘. 其實係小事, 但係我為咩要擔驚受怕, 每日返工要ready比佢鬧…
大聲代表佢理虧,惡人先告狀, 佢就係想你驚左佢.
向佢上司反映之餘, 當面無視佢都係一種對付方法, 當然你要好冷靜先做到. 的確唔容易.
下次佢兇你, 你就冷冷咁回應: 有乜唔滿意你直接同你上司講, 我自會同你老細溝通… 然後無視佢.
唔好比對方知道你為佢動氣嬲豬，否則對方仲得戚。我曾經last day時比上司針對，走時佢又講返D門面好聽說話，我無視佢無應過佢一句，啤左佢一野。你要顯得自己EＱ好過佢，唔好同佢咁低level。我做過間公司，個reception仲惡過我呀~不過佢都係睇人恰，呢D人擦上司鞋就無視其他人架啦~就算OA都係咁。
離少少題先，樓主，應該係official，唔係offical。。。我對串字，寫正字比較執著，唔好介意
其實個clerk 係另一個部門，就算我係另一個部門嘅manager grade or above，都唔會直接叫個clerk 做嘢 （雖則greeting guests係佢嘅job duties 之一），你唔係佢直屬上司，冇呢個責任去叫佢做嘢，你呢啲叫「踩過界」，係職場上嘅大忌。。低至junior grade，高至director grade，「踩過界」只會為自己增加麻煩。
如果係自己請上公司嘅客，冇receptionist/clerk响門口greet嘅話，我會自己出去接待。其他人嘅客，咪等其他人去處理。就算你要反映，都應該係同你上司講，等佢哋上面處理 （或者唔處理啦，但呢啲已經係out of your work scope)
職場上有潛規則，唔好越界樹敵為上策。雖然你之前同佢有過櫛，而佢對你嘅態度都唔好，呢啲係要儲低case，之後同自己上司講，叫佢處理。
樓主只係比clerk個老細啫. 應該未去到再高幾級
樓主話佢上司同意左佢先出個email 投訴
其實有D old seafood就係攞住雞毛當令箭. 覺得有上司嘅免死金牌都可以亂咁咬人
如果公司真係有明文寫左clerk 要負責greet customer. 咁係真係個Clerk失職, 亦都係Clerk老細失職.
明白佢公司有唔炒人政策。但係唔代表可以縱容同事亂來。
報警
我同意你講既野, 我都好討厭你講呢種老seafood。但你應該無睇過樓主之前既一個post, 樓主一年前已經出過post 講呢個同事呼喝佢, 工作態度差等等。樓主亦講過呢條友係有人介紹佢入公司。
咁呢個縱容明顯唔係一朝一夕, 而係有人有心隻眼開隻眼閉, 無理由條友做左年幾其他人唔知佢咩料, 而條友個上司又死撐條友。所以樓上會員 kipling 就覺得樓主個上司一直唔出聲, 然後等樓主以自己名義出聲表達不滿, 成件事有d 奇怪
樓主自己講左email比管理層
無錯呀, 就係上司同意樓主用自己名義出email比管理層, keyword 樓主自己名義。
呢個clerk佢上司保佢, 前同事被鬧走, 老闆都唔做野, 唔係old seafood咁簡單, 而家樓主出面開戰, 即係要管理層、clerk上司、clerk背後勢力face off, 而樓主上司就自己躲係背後
我永遠記住呢一句, 公司唔會無左你唔得, 你更唔會無左呢間公司唔得
我唔知點解你咁在乎"無晒位企", 佢出糧比你? 佢決定你升職?
你要爭取公平特遇的話, 應該同自己上司講, 而唔係自己出面, 而且今次呢件事(greeting client)點都係你唔著在先, 佢鬧你只係果
咁你要有定心理準備, clerk唔會有任何後果, 而你就算留低, 都只會更辛苦, 呢D公司唔值得你留低, 你唔會無左呢間公司唔得