請問各位, 我係公司被一位長期針我嘅同事(唔同部門)第2次呼喝
原因: 呢位同事係clerk, 成日都只做佢直屬上司比佢嘅工作,但又做錯晒. 佢係receptionist嘅back up, 有時候如果receiptionist唔係公司/放假, 佢要負責做埋receptionist嘅工作.
上星期五有客人嚟, 但係receptionist請左假, 佢唔招呼客人, 由d客企係門口. 我就叫另一個同佢同部門同事叫佢去招呼d客人.
尋日呢個clerk一早同receptionist行埋嚟我位, 話佢個上司都未叫佢去招呼d客, 話我Chi L Sin (佢上司由上星期開始放兩個禮拜AL, 點會有人叫佢去招呼d客人. 而且佢唔係第一次唔理嚟公司嘅客人, 有4-5次係我/我部門同事去招呼d客人, 變相我地部門做埋佢果份)
我就出左official email比佢個上司, 我個上司周埋Director關於佢嘅行為, 不過公司行唔炒人制度(除非同錢/公司聲譽有關), 佢上司亦好保護佢.
請問各位, 係呢個事件上, 我仲需要做d咩? 定靜觀其變
(我係公司唔係ger級, 只係Senior級, 唔洗聽電話訂水出街, 有時同客開個會食個飯果d中間職員而已)
謝謝
我朋友遇過類似情況，她去平機會求助，平機會受理，於是平機會代表她控告那人。結果是未上庭那人便親自向她道歉。
6個讚
佢咁樣做，正常點都要向你上司講吓，睇你上司指示，
佢成日做錯野，佢上司都咁保護佢，咁就等佢上司慢慢「嘆」。
你無謂幫佢教人，睇吓佢有咩個人之處，係這𥚃生存⋯⋯
仲有就係，請人時，有冇講清楚佢要替假（Reception），都係一個重點⋯⋯
其實佢咁計較嘅，有啲乜嘢都你自己一手一腳做返，
這種情況，遲早都有人睇唔過眼。
咁你上司/ 你部門主管點睇先??
你又唔係manager 嘛, 咁你咪搵你上面果個大番佢
好勁呀你個朋友~識玩 
好奇一問, 點解可以搵平機會?
因為講粗口算性別歧視定係乜野原因???
咁睇下班老細咩回應先，你dept 覺得唔gur 嘅，咪尤個客企喺度，咁同公司聲譽尤關喇卦？
2個讚
因年代久遠，細節已忘記。當時是一位律師建議去平機會的。
我建議主盡快記下時地人等細節，當時的想法和感受。我不相信所有事都要有錄音才告得入。
其實要睇吓上司係唔係息事寧人type（即係怕咗佢，佢唔嘈就理得邊個啱）,如果係依類型，我會厚面皮同佢撐到行，上司想你唔嘈，就會跟你支笛做（而且道理喺你度）
如果上司係睇做嘢表現，就公事公辦
謝謝, 已打去平機會問, 職員話只可以我地公司自己內部處理
抱歉，幫不了你。
但我相信記下所有細節對你日後有幫助。這種人，日後自有人收拾。
4個讚
謝謝, 我心情冇點樣, 係公司都有其他同事高層support, 好好彩
2個讚
我上司不滿的, 我出offical email比管理層之前有問準佢先至出
1個讚
我上司approve左我出offical email比管理層同埋個clerk嘅Department head. 不嬲工作上唔係做得十全十美, 但係都多謝其他部門同事同高層support及同意, 先至有機會去到呢個位. 反之個clerk就比其他人投訴過, 但因為佢唔洗"見人", 衰勁都淨係得公司內部人見到, 加上佢Department head保佢, 所以佢到呢一刻仲可以係公司
我想問呢個係咪你之前同佢有過節果個clerk?
即係你叫佢唔好掉左奶奶飯盒d 飯果個?
1個讚
恕我直言, clerk既唔係樓主部門, 亦唔係ger, clerk更唔係under 樓主, 之前job duty亦冇提過如某某人(clerk上司)唔係公司, 由邊個去lead住clerk (我唔係講緊job duty), 樓主完全做多左。
呢D情況clerk唔做野, 樓主根本唔需理會, 由佢被個客投訴, 佢上司就會保唔到佢
4個讚
同意呀,最多自己部門有人客上黎公司,咪自己去接待,唔使動用個位問題員工.
正所謂不在其位,不謀其政. 當然可以事後向佢上司反映返當時無人接待自己既客人, 但如果佢上司不作為,都無佢符.
1個讚
係嘅
呢個clerk之前都有當住自己上司面鬧第二個佢睇唔順眼嘅同事, 佢上司完全唔出聲由佢係office大大聲鬧, 最後果位被鬧同事quit左, 老闆留都留唔住