其實呢講左咁耐都係唔明點解個clerk唔做就變成事主部門負責. 照計接待既工作應該都係文員頂,唔會係事主職級做. 如果唔係明文規定,大可以唔頂上啫, 咪交返公司決定安排囉.
1個讚
你之前冇遇過唔代表呢個世界入面冇呢啲人，再自私嘅人仲有好多。有時呢啲唔係自私，而係自保，越高職位，越多呢啲人，可以好廢，但又職位高兼人工高。
你講到咁珍惜呢份工，更加唔應該為個clerk整花自己個profile。因為你為咗呢啲連佢上司都唔理佢工作表現，而你上司亦唔願意插手嘅clerk出封投訴email俾管理層，真係小事化大。啲老細只會當你係一個搞事嘅人，公司對一啲事無大小都投訴嘅人，只會label為麻煩人
既然你都出咗email, 就靜觀其變，上面有冇action 都好，你唔好再叫個clerk做嘢，要保住你咁鍾意嘅呢份工，做好自己份內事，唔好再理其他部門嘅人。
隔離部門啲人唔做嘢，瀉晒俾你部門做，都唔係你去同佢哋講，因為你冇呢個權力去叫嗰個部門嘅人去做返。隔離部門唔做佢哋負責嘅工作，你個部門嘅人都唔應該出手做，而係應該同你上司反映，佢要同隔離team head傾。你公司既然响 organisation chart 寫明每人嘅職責，即係公司都注重R&R，你就更加唔應該自己插手。要令個clerk做返佢要做嘅嘢，有好多方法，你呢啲硬碰法，對你冇益處，只係出咗啖氣。
雖然樓主你話自己年紀唔細，但你响辦公室嘅處理手法，係 bb 班 level… 要應付工作上嘅對手，有好多方法，不過你性格咁硬，都未必忍到職場上嘅唔公平。。。之但係，職場甚或呢個世界，點會真係公平
4個讚
樓主上司唔想自己出面，而且佢唔係俾人話嗰個，而阿上司又㩒唔住樓主道火，咪叫樓主自己出email囉。
3個讚
上司唔想理呢啲雞毛蒜皮既野，樓主嬲到話要出電郵投訴，作為上司當然無所謂，封電郵又唔係佢出
建議樓主專注做好自己工作就可以，人地無做好係人地既事，當嗰個同事透明就可以。
3個讚
佢俾我既感覺係幾自我 (管家婆 feel 
),一切要依佢既標準衡量之餘仲要跟佢個套行事先正確. 其實就算自己仔女都有自己既個性及處事方式啦,都未必俾你管到,何況係同事,連人哋既生活事都要過問,又真係幾令人覺得煩厭. (從佢以前的貼文睇到) 所以一切都係有因才有果的.
1個讚
係，我都覺得樓主做多咗，雖然對方係唔啱，其實同人事部講或自己阿頭講就夠，要點處理應該係人事部或者兩個部門上司去協調，宜家自己出面就過咗界。
對住依啲人，其實唔好動氣就最好，佢要發爛渣爆粗就由佢喺大家面前出醜就得喇。
講真條友咁態度，我唔會俾佢去接觸我啲客添啦，我會自己接待返。其他部門嘅客就由佢，唔關你事，等佢俾客投訴或者等其他部門炳佢就最好。
1個讚
除左我部門有香港人, 其他都係白人同日本人, 佢地職位唔係低, 唔會做呢d工作. 再講以前未有呢個clerk之前, 大家都相處得好好, 有時同理心順過便幫手, 應該唔係得我公司同事會咁做?
係架, 我今次出聲係我多事, 又或者次次都係我多事. 管家婆呢個稱呼受唔起. 不過事情有一個結果.
尋日個clerk個 Department Head搵我開會, Managing Director 同埋我上司都有出席, 包括個clerk
例牌啦, 高層問前因, 咁我講完之後到個clerk講, 但係個clerk英文差到一個點. 當我提出唔再同個clerk接觸(費事比人話), 個clerk冇啦啦係度笑. 咁高層就突然間好認真叫佢唔好笑, 問佢知唔知點解今日大家要係度開呢個會
中間過程唔講啦, 總之個clerk收到第一個warning. 而我都唔會再講任何佢嘅事啦.
2個讚
順便幫手就睇對像囉,如果對方係麻煩友,咁就唔理好過理了.
恭喜你今次出戰勝利 
1個讚
今次我出聲, 係我多事, 我部門有同事睇唔過眼去幫(唔係第一次, 好多次), 做完佢又同我地放負話點解個clerk同receiptionist成日唔做, 我聽得多個同事呻都覺得好煩. 坦白講我想"解脫"
咁祝你可以徹底解脫 
咁都好d, 起碼都有出warning 俾條友, 起碼上面都仲會開會問番你咩事。
希望你以後唔需要再同呢條友有咩接觸喇, 公私都唔好
你公司都叫做有少少disciplinary action, 我以前做過一份工, 我果team, 有條友, 擺明係日日番工就睇aastocks, 做自己野, 狂用公司printer 印私人野 (係講緊一印就幾十張紙果隻), assign task 俾佢就話自己唔識做, 教佢做, 轉頭又借d 意去廁所, 一去就半個鐘以上。上司見佢做野慢, 有咩urgent 都俾晒我同其他同事做, 結果野就唔使點做, 我地其他人做埋佢果份。
曾經我都做過你做既野, 試過同我老細 (我上司係team head, 上面已經老細, 老細有時都會直接assign task 俾同事) 直接反映意見, 老細都係一句佢知道, 但口頭warning 呀乜都無。我果間公司果陣好多同事都心灰意冷, 試過三個月內已經走左三四個人。我就係其中一個 
2個讚
哈, 下次你教精佢, 叫佢一齊唔好理嘛, 只有咁樣, 個客先會投訴個clerk 失職。
如果次次都有你同事包底, 個客又點會識搵你地高層投訴個clerk 呢?
4個讚
你地個個都有教養好好脾氣
有人話我 CLS ，我本能反應應該係：你先CLS 呀PK!
(仲送多句PK 添
)
對付 old seafood 唔係應該大聲過佢咩乜 (之前試過同 old seafood 潑婦罵街咁鬧交，最後上司分開咗我哋一個坐東一個坐西，去廁所pantry 見到會互 bear)
係呢度開post睇左大家嘅留言, 我都有諗, 係個clerk會心諗, 次次都有人包底, 唔做都冇錯喎. 我d同事係舊人, 一股熱心, 但係做得多都會有說話, 又係無可厚非嘅. 不過我呢個厚多士就主動引戰咁解啫, 其實都係搵個位解決
唔係好脾氣,只係係佢面前採取不放佢在眼內既姿態,真係要行動就搵自己上司處理. 如果自己比佢更高級,就搵佢上司. 個心態係我同佢根本不同層次,不屑同佢對話. 
3個讚
係呀, 所以要叫你同事學識用第二種方式"教育"果個clerk, 咪一齊唔好理
即係好似商場搭lift 上屋苑平台要拍卡, 總有d 自私友企定定響門口等人拍卡, 又死都唔拎張卡出黎, 想等人拎卡幫佢拍。
呢d 時候唔使做好心, 咪大家一齊等下 
3個讚
我真係會咁做，企喺側邊扮傻撳電話
1個讚
係呀
同事話個clerk一定會搵位報仇. 我就唔再出聲啦, 反正有問題嘅人, 就算對象唔係我, 都一定會出事, 到時係佢Department Head受返