我都係咁諗。
如果今日係個爸爸當初要求太太轉PT繼續搵錢，但同時要湊三個細路、又要做家務；到十年後嫌太太湊仔湊得唔好、掛住同朋友出街、又要佢返嚟教仔功課；依家細路大咗，佢想太太出返做全職搵返以前個數… 我諗呢度好多JM反咗枱鬧爆咗。
有時將心比己，日頭一個人湊三個細路仲做家務真係好辛苦。返工可以玩手機、同朋友出去食飯、偷懶同同事吹水；點解湊完成日仔，到有人接手先出去搵朋友食飯反而會變成比人怪嘅一點？
我全職返工，都自覺工作輕鬆過屋企個姐姐；如果當初傾過要我為細路犧牲自己工作前途，我會希望老公appreciate 我嘅付出。
十分認同, 我有時麻麻地尼類圍爐post, 感性大大慨過理性嘅討論解決唔到問題
所以唔係做媽媽永遠是錯，而係媽媽要其他人跟自己要求做，做唔到就埋怨，本身就已經存在認知同溝通問題。
希望樓主自己都反思下，男家親戚講嘅嘢唔係錯晒。
但係樓主個case唔係老公平時有做只係間中叫樓主幫手，如果佢冇誇大，講緊既係一般ftm會做既佢老公都冇做到，連3餐/病左/學業全部樓主做，咁咪變左樓主做哂ftm同wkm咁？
我自己都係做ftm, 講真如果唔洗跟小朋友學業個part會輕鬆超多，我自己都唔會推哂所有嘢俾我老公淨係做接送。
幾時都講做ftm同ftd係需要另一半真心認同先好做，之前都有ftm上黎話老公唔認同佢做既嘢，大家都係勸佢情願出番黎做嘢。
係香港生仔，除左錢，重有黎自各方面壓力。
好多人係4個長老 + 工人去湊一兩個
識人兩公婆返工，係兩個工人湊兩個
返工算係me time, 有同事傾計食飯吹水
同大人溝通點都易過細路同 bb
試過坐月冇工人，真係望穿秋水老公放工返來幫手湊
坐完月，工人黎左。返工時真係覺得一天光晒
呢啲都係等老婆放工放假先做到，老婆未放工米又係老公做。
湊3個真係唔會煮3餐，至多煮一餐粥同煎蛋開 bb food 比細路食。另一半有要求就自己煮
細路有病冇可能一拖三帶去睇醫生，會要求另一半請假幫手
佢啲細路年齡應該係一級級咁落
睇歐倩怡講佢之前十年湊仔讀書每晚訓4個鍾，每日西貢九龍咁車細路出入8次。
透唔到氣暈低失禁到成床都係，老公係隔離剩係比個痰罐同片糖水佢都唔報警
明佢點解離婚，真係唔係有錢就忍到
呢個係樓主講，仲有樓主仲要煮埋幾餐，我相信調轉個老公出去做嘢，個老婆唔煮唔跟功課，我哋一樣會鬧個老婆
樓主冇講清楚要煮乜。煮個麵煎隻蛋整塊多士老公應該肯做嘅。
但好多媽媽，包括我，對煮飯材料好有要求。所以我全部餸自己買，一係自己煮，一係寫好餐單比工人煮。會叫工人唔好做家務，weekend我地自己做返。
功課一般出去補習社。媽媽放工對下手冊問題不大
我估樓主唔會又要求老公跟晒功課，唔去補習社掛？
死局黎架喔。
依家係睇邊個狠心啲，就咁睇老公就做到啦。點解呢～因為老公夠狠心，有老婆包底，煮食功課都老婆做。
反觀老婆就唔夠狠啦，返完工見到小朋友冇啖好食餐餐外賣公仔麵就唔忍唔住自己做多啲想佢地身體健康；見到小朋友功課學業唔識，又唔忍心見住自己小朋友碌碌無為，自然放工返黎都要照跟功課。
樓主，長遠落去，個老公存唔存在，相信工人可以取代到
但小朋友會唔會咁樣就覺得媽媽好就未必啦，因為阿媽掛住返工少理佢地，放工難得見到阿媽就俾阿媽迫學業。
冇計，死局，冇得怨。
我試過做幾個月ftm, 中間有段時間工人返咗家鄉，我由有姐姐響度時煮精品，到佢走咗之後hea煮；由最初堅持要日日拖地，到後來兩日一次… 等姐姐返嚟之後我即刻積極搵工。
果次之後我唔敢再同老公講想做ftm
分工出了問題，是雙方都有責任，一個唔放手，一個又依賴偷懶。日子一久，雙方必定有好多不滿！
現在趁著老公返全職，要做好分工，但樓主都要妥協放手，再觀察下，前事就呻多一陣子，再向前進
精警：就係大部分係女人扺唔住頸
仲有最近聽一個名句：所有男人返到屋企都一樣。個訪問係個女人同過一個好出名嘅教授一齊，又靚仔又學問高，返到屋企都係一劈屎 
睇完歐倩怡訪問，更加明白（當然知道都仲係片面之詞）
睇樓主描述唔似係咁？係講到佢完全冇跟過。
我覺得如果ftd係有做部分，但只係能力同時間有限真係跟唔哂，咁就冇得blame既。
但誰是誰非都好，而家個情況證明呢個安排係唔work，樓主放左工仲要煮3餐同跟哂學業功課，自己代入下都想死。
大部分雙職家庭會選擇請工人+學業外判即係補習，如果經濟唔許可，想另一半出番黎幫補家計我覺得都幾合情合理。
樓主唯一唔合理既係想ftd揾得番之前份糧，我覺得期待過高，話哂冇番ft咁多年，啱啱出番黎人工應該會爭一大折。
我老公都試過，我出去一陣個女條片啲屎上到上背仲話冇味
我估男人唔至於完全唔跟，因為樓主肯定開過口叫老公跟。但有機會跟得完全唔達標
如果個男人係叫都完全唔跟，即係話比你知唔湊
我覺得唔合理地方係完全冇經濟壓力，但都唔請個外傭幫下手
外傭真係港英政府留低嘅德政
我試過幾個月冇工人
阿婆一個都湊唔掂。日日2,3pm 一接完放學，就 call 我要我同公司請假返去。話大個個成日搗亂
結果大個個比錢附近阿姨湊返放學。細個個未返學，我放 99到湊左兩個月，有工人黎先接返屋企一家團聚
講起湊仔就怕
係架
啲細路重係 bb 時，試過有次老公煮好粥，但我不滿佢切食物嘅形狀，鬧完再成煲倒晒，我自己再切再煮一次
個次老公好嬲，好耐冇再煮嘢
係喇我都覺得請工人cp值好高，可以減少好多家庭糾紛。我諗唔請應該就係經濟有d 緊，想慳番錢？如果樓主一個養全家，3個細路再加工人，除非人工好高否則應該都幾吃力。
感覺樓主應該唔係經濟原因，因為佢話唔使要老公錢
反而覺得可能要求好高，工人滿足唔到
同意有工人可以減低好多無謂嘅家庭糾紛
起碼洗切打掃可以交哂比工人做，唔會食物切咩形狀都嘈幾日先
有工人打掃，自己又可以專心湊仔。又可以兩公婆出去拍下拖。
我好怕湊好細個嘅細路，好彩我啲細路大大地。有時見啲移英港人細路重係幼小學，又要返工又要做家務。覺得好驚。
我肯定會有抑鬱症或者燥狂症，成日對住啲細路 out of control 都似