係，我都覺得湊new born-幼稚園既細路好惡搞，湊咁細冇工人的話好痛苦，我當年都係情願番工，去到高小先做ftm跟學業。
但跟學業有跟學業既痛苦，好似呀媽重讀咁，佢唔專心溫完唔識內心又好勞氣，但表面又要鼓勵佢，以前要番工放佢地去補習社甩左好多，而家盡追中，我真係盼望捱多1,2年細既都升中我就甩難
bb 好湊就好，唔好成日扭計你冇佢付。
又限時限刻要食嘢。幾歲學前個 d 一日4餐，計埋下午茶。
又唔可以比公仔麵佢食唔健康。食日要煮呢樣個樣營養均衡外表可愛嘅食物，要五顏六色擺盤吸引佢同滿足自己嘅要求
高小好溝通好多，但又好快去到青春期。
升中都唔會甩難，但可以比下公仔麵腸仔佢食。唔使再煮得咁辛苦。一樣要催執校服冲涼食飯
成日呢埋房要去睇下問下佢做乜。男仔掛住打機，女仔掛住減肥呢樣唔食個樣唔食
初中都重要陪讀，以前考試季，好多同事會請半日假返去陪讀。啲細路一樣有去補習社
根本生一個就讀多一次書，兩個兩次，三個三次
咁讀法，自己去讀個博士返來可能重易啲
所以生一個算，兩個已經想死
樓主快啲好好溝通解決，唔好令到個問題影響婚姻同家庭關係，而家都未遲
真係好勁
放長假期我姑奶兩個仔會嚟我屋企住幾日
間屋三個高小細路
我係由朝早不停煮洗到夜晚
雪櫃啲嘢好似俾人打劫咁
啲鮮奶同橙汁係一盒盒咁唔見咗
垃圾桶一日換三四次垃圾袋
七點食完飯就逐個叫佢哋沖涼，之後洗衫
已經就嚟十一點
三個都叫做聽話，講緊係唔使返學，唔使出街學嘢，由佢哋喺屋企玩，幾個小朋友已經有返咁上下自理，識自己入廚房叮吓點心，夜晚老公會幫手家務，都好癲
每次送走啲細路俾姑奶，我同老公都話，好彩生一個
2個讚
我聽啲本地阿媽係開罐頭粟米撈意粉，焗麥樂雞，薯片。又一餐
唔會香港人對煮食營養咁高要求
放學 4,5 pm 開飯食完算，唔會好似香港細路放學食少少嘢，6,7 pm 又煮一餐
我小朋友放學有時都係牛油粟米下午茶，佢餓就加多塊雞扒
快手搞掂做功課
外國人極hea就一餐，呢個係真，大人食嘢都求其一餐，得閒先 fine dining
其實有時會唔會咁諗，就係因為由細到大都照顧到咁周到，所以香港男子先咁冇責任心？
1個讚
我都有咁諗過，我成日話香港男人又驚比人打頭，事實上香港男人冇用嘅多
我同啲女仔fd都唔明：我哋呢輩好多女仔本身都冇做開家務，成家立室之後咪一樣料理到頭家，煮嘢由地獄變廚神，仲大部分要工作
港男就總係唔長進，我身邊叫做肯做家務做得好嘅男人，唔超過三個
都係鬥邊個睇唔過眼，但女人多數輸
4個讚
香港男仔唔算特別冇責任心？
香港女仔都係咁養大
反而諗香港人對食物要求係由細養成
英國人啲味覺都係由細養成
係架，男女都係咁養大，但就反而女點都比男多幾分責任心。
婚姻中抵唔住頸嘅多數都係女，就好似樓主為例。
4個讚
我而家都極 hea, 但每星期都豬牛羊雞鴨魚輪住煮同食。盡量每日唔同菜或者煮法。一星期兩三次湯
呢個係最低要求
一啲都唔hea
1個讚
男女根本唔同
港男算普遍就得人，好過大男人日日要你 5am 起身煮早飯佢食。呢種就算每個月比家用，港女都未必肯做
又好過英國啲男人，十個有9.9個都離婚，生低啲仔女留比女人湊
1個讚
我煮簡單嘢，炒下煎下炆下。
唔會煮中菜個類咁麻煩
好勁啦！我屋企無人鍾意飲湯，㷛完要獨力承擔，攪攪吓都費事㷛
香港男人幾有風度又唔大男人，的確不錯。但持家方面…
英國已經唔算多離婚，法國呢如果喺完整家庭長大嘅係少數，會好odd
我想食糖水，屋企冇人食。
試過自己一個人食晒，怕怕
湯可以每人迫飲一碗
離婚就唔使持家
英國女人好好，肯自己一個帶住幾個細路
我見好多英國女人，－個人帶住三、四個小朋友生活！佢哋好勁，如果我係咁已經顛左！