自己有三個小朋友
我搵錢多過老公
生完第一胎，唔放心交俾工人湊
叫左老公轉part time 幫手湊bb
每個月都會過$俾老公
屋企使費基本上我出哂
佢繼續有自己既喜好，活動，出街，我無阻止過佢
到小朋友開始讀書
功課考試通告，家長會全部我跟
到小朋友升小，老公可能只係車出車入返學放學
9 成早餐/晚餐/ 午餐都係我預備埋比佢哋
呢二三年，小朋友最大而家10歲
覺得老公為呢個屋企付出好少
唔會緊張小朋友讀書，小朋友病都係我請假陪佢哋睇醫生，病/考試佢都會繼續同佢朋友出去玩
我呢10 年冇晒私人時間
不過老公屋企覺得老公已經遷就晒我，覺得我咩都要話事。
其實係咪真係自己問題？
1個讚
老公脫離職場幾耐性叫佢做番嘢
請多個工人
或者請個鐘點幫手煮飯
其實有3個唔用工人一定辛苦
1個讚
呢一年開始慢慢叫佢做多啲嘢
不過佢就會覺得叫佢唔好做嘢嘅，又係你
叫佢做返嘢嘅又係你
佢哋就係咁樣
其實工人係COVID 嗰段時間冇咗
時期唔同左，小朋友大左喇嘛
既然唔想理功課，又唔會理小朋友病睇醫生
咁懶，咁就叫佢出返去做野啦
怨婦咁
我係FTM, 點可能唔理通告唔理功課考試？！
既然「做得唔高興，就唔好做」喇！
2個讚
通常佢慣咗又鍾意安穩就會咁
我身邊都有朋友都係咁鬧返個老公
因為冇做嘢好耐，就唔想/唔敢揾工
小朋友叫媽咪做嘢都唔想揾
佢地心態係覺得你呢傢覺得我冇湊仔價值你就要我做嘢，你當我係乜….（諗埋一邊）
就係我返工
返到屋企就係要跟佢哋嘅功課溫習通告
佢同小朋友講等媽咪返嚟先或者我唔識啊，你等媽咪教你。其實小一嘅嘢有幾難，就算英文字唔識都可以上網睇。
經驗之談,有些男人比女人更不敢走出舒適圈.
係我角度,邊個支撐頭家既經濟唔係重點,重點係留家個位有無盡到能力負起照顧家庭責任. 如果內外都係你擔起,而你又以為為左小朋友忍讓,終有一天你會忍無可忍爆發.
所以建議你現在便要明確話俾佢知你既不滿,不要死忍.
1個讚
我覺得第一係睇本身個人既性格，你老公轉得part time 同會用老婆錢都係無咩事業心同唔係大男人。
第二，manage老公同manage下屬其實差唔多，我開始一定係要求佢做多啲先，再打七折做到當佢叻。你老公一開始已經做咁小，你之後再點要求佢都會覺得係你要求太高
如果你試左軟唔得(哄下你老公做多啲)，就要試硬，唔俾錢佢。話無錢。再請工人幫輕自己。
講真，你老公prime years無出去做野，宜家叫佢做返野都難搵工。同唔知做唔做得掂。
6個讚
跟本就冇心機
好委屈咩？唔願教咪算囉
同佢講「你出返去做野搵錢啦，反正你唔想教，咁比錢補習啦」
1個讚
問題係，點解你會負責咁多嘢先計早午晚都係你準備？？ 係之前兩公婆商量過？
1個讚
係啦我都唔明, 樓主唔係要番工咩? 點幫佢地準備午餐?
呢個位可唔可以借d 意拋番個波俾老公? 佢自己都要食架? 一係佢煮一係佢買啦
我呢兩年開始頂唔順
而家係我俾老公嗰邊覺得我咩都要聽晒我話，仲想點
唔係
以前bb 時期，我會預備好晒啲米糊，飯，等佢可以蒸返熱就可以俾BB食
而家，你叫佢煮飯，佢唔會煮
除非你預備好晒啲餸，佢只負責翻熱就OK
唔係嘅話就外賣
所以其實叫佢喺屋企湊小朋友，其實係唔辛苦
又唔係唔俾佢出街，玩照玩，打機照打，手機照玩
……
我返shift
返晏嘅話，朝頭早未預備晚餐
返早嘅話，放工咪可以煮到飯囉，
咁係習慣，因為你一直都準備好哂，咁慢慢習慣咗，佢當然唔會做啦，何況小朋友大咗，叫外賣又方便，做咩要自己煮呢？
呢D都係慢慢養成，掉轉諗，你係辛苦，但就有度好，你無咗佢都唔大問題，唔知你老公之前做咩，但相信叫佢而家搵工都未必得，即係係佢要依靠你，唔係你依靠佢
2個讚
其實一開始應該講明佢要學識做屋企野，唔識煮飯咪去學，小朋友食野好簡單，煲個飯，蒸啲蛋都ok,再唔係煮通粉都夠簡單，唔可以俾佢有籍口推左唔做，簽通告，家長會又係，識字已經做到，連啲長老級都搞得掂，有咩可能做唔到，不如揾個機會傾清楚，話你負責唔到咁多野，要佢負責返
另外好奇，男家點解會知咁多野？分工唔駛同佢地講咁多
2個讚
因為男家成日上嚟我哋屋企
咁可能聽到我有啲要求，我又會呻吓咁囉
今時今日既我,如果可以回到過去, 我會同自己講長痛不如短痛,一係另一半修正自我;一係獨立求存. 不要委曲求全;不要委屈自己. 我快樂,我的子女才會快樂.
1個讚
如果係咁我會叫埋男家人幫手
我覺得你諗下你想要咩改變，如果係屋企嘢太多handle 唔到，你做完嘢跟本執唔切手尾，就比錢請人幫手
如果係唔過眼個男人已經冇乜野做（比起你），連簽到告呢啲少少事都唔幫下手，我覺得好難要佢改變，一係教小朋友要提爸爸簽通告，一係發現次好勁脾氣比佢知你因為佢唔簽通告好嬲，你講乜其實都聽唔入腦，只會覺得你又哦佢
如果佢玩嘢、揾份朝9晚9嘅，又大條道理我返工乜都唔理，你都係企喺度
其實唔係人人都啱湊小朋友、做家務、煮飯，或者只係你一廂情願想佢咁，尤其男人適合返工多過做stay home dad，唔好問點解女人可以男人唔可以，只能講天性係咁。
2個讚