咁就唔易搵，何況咁多年無做
1個讚
其實你有四個小朋友
老公係大仔
我諗一開始應該都想比啲野老公做
但佢做唔岩你要求
你就自己做返
慢慢你就愈做愈多
但調返轉
又未必個個男人就到你性格
4個細路，定3個 
我睇漏左，以為得一個細路
3 or 4個，有時真係好混亂，一個男人或女人看都未必掂。咁多個我都看唔掂，我寧願返工了，返工重易啲
其實係你縱壞左老公。
1個讚
我最初都咁諗。
但睇清楚樓主因為唔信工人，要求老公轉 pt, 冇工人，一個看三個. 我覺得樓主係一個要求好高嘅人。
除非啲細路全部好似阿呆咁坐晒係到，否則由朝看到晚，好煩厭。3個又要車出車入，星期一至五根本冇晒私人時間。
唔講病時要照顧，如果冇長老幫下眼，真係由朝望到晚等個老婆放工返黎幫手。自己先可以鬆下。
可能我冇愛心，如果日日都咁生活，我頂唔住走佬。寧願老公比錢請工人，唔好比錢我
2個讚
其實我同你類似，不過我有工人姐姐，同老公有出去做嘢，小朋友、屋企事無大小所有嘢都係我理
我覺得呢個就係男人同女人嘅分別
如果係男嘅出去做野，女人湊三個，佢一定唔會覺得唔抵，係女人先咁計較
我覺得要改善呢段關係，樓主先要「放下」
唔好再去睇大家是否公平
若你覺得佢做得少，咁佢問，逼我做湊仔公，公平嗎？
你只做你認為佢做唔掂／你有空閒／你想做嘅野
你唔想做嘅全交俾佢
例如我唔識又唔想教仔，我會次次都交俾佢同個仔傾
我知佢唔識跟功課，我就會自己嚟
其實男人內心好矛盾，佢錫老婆想幫你，但唔想被當成下人（佢哋好敏感的，你要當佢神咁拜佢先會唔覺得你唔gur佢）
你要記住呢一點
最後，唔啱聽都要講句
再逼佢跟你果套只會令大家越行越遠
呻完就好好同另一半修補關係啦
我覺得主要係樓主話小朋友功課學業爸爸唔負責，要樓主放工跟。
如果係湊低齡幼稚園既未好識聽指令，係會辛苦d，但小學生其實一般放學番黎都差不多4pm，跟學業係最煩最曬時間個part，如果佢唔跟，咁情願去番工賺錢，然後補習外判。
其實無做野咁耐，搵唔搵到10年前既人工？
係湊3個，最大先 10歲。由 covid 開始冇工人，即男人已經自己一個看左4-5年。重要返下 pt
呢個情況，根本冇可能重要煮埋飯。以前有工人，我地都自己煮飯買餸。等工人可以專心湊仔。工人都唔會跟功課。
小學一般已去補習，自己放工返黎對下手冊。
如果我，自己一個日日咁湊，都會要求老公放工放假細路有病要幫手。返工揾錢唔係大晒。生左細路要幫手湊，否則唔好生或者唔好生咁多
其實冇經濟問題，以現今香港社會標準，3個細路係2個大人湊。
我以前識個香港媽媽生3個，小學到幼稚園。佢都全職湊仔 + 有一個工人
女人都未必頂得住自己一個睇3個
成件事如果男女掉轉。
即係老公覺得自己揾到錢大晒，返屋企已經幫手煮飯，又比時間老婆出去見朋友。生仔後要求老婆留家湊仔同返下 pt。開頭幾年有工人，之後4-5年就獨力看 3 個。
老公眼中 : 平時老婆一個看3個細路，只係車出車入同被要求返下 pt. 啫。細路有病又唔理，照同friend 出去玩，又唔跟好細路功課，要自己幫手跟
10年過去，老公嫌棄老婆唔揾錢，乜都靠個老公。個老公寧願請返工人，叫老婆出去做野同做乜都好，要揾返做湊仔婆前嘅人工
就咁睇表面，大家會唔會話個老婆冇上進心，比老公蹤壞，唔理細路
錢銀嘢邊個付出多，兩公婆自己傾。如果婚前已知收入差好遠，另一半根本冇可能負擔起家庭，重一齊嘅話，咁揾得多嘅好多嘢係預左
湊細路應該係大家有份，唔好諗揾到錢就可以對家庭付出少d。自己揾到錢，要求另一半要 take care曬屋企大部份甚至全部嘢
另一半唔係下屬同工人，唔係收左家用就應該被搓圓禁扁的
5個讚
其實湊細路，有幾多個男人唔係靠老婆包底？我冇見過一個唔係
老婆係ftm當然包底，老婆要工作又係包底，我個fd個老婆直情係女強人要周圍飛開國際會議，個老公有排冇嘢做（炒老闆魷魚再搵）都係個老婆包底
都唔係嘅，唔講極端例子，男人喺屋企都係好重要嘅角色，只不過女人，尤其做阿媽嘅要求好高，有陣時睇開d，欣賞下佢，男人都有好嘅一面
1個讚
咁講啦，老豆就算盡咗全力，都唔會達到阿媽嘅要求，即係好似有d 細路唔係讀書材料（家庭case 老豆就唔係湊仔材料），佢幾努力都好，都只會得70分。所以阿媽一定睇唔過眼，然後執手尾呀怨個老公呀。
1個讚
講中曬其實決定邊個唔做嘢
除咗睇邊個搵錢多
仲要睇埋邊個啱照顧細路
係就係，但係香港地養細路真係好貴，生三個，照顧嘅時間成本同住宿已經係天價，好難唔睇錢行頭。
如果本身睇錢咁緊要，更加應該兩個人揾錢
咁就兩個人揾錢都長老加工人睇小朋友
不過樓主老公應該都係冇乜事業心
又或者樓主本身叻，揾多老公好多
因為好多男人本身標準係
佢湊細路，睇住個小朋友安全就得，食得飽著得暖仲唔夠… …？
當年我老公係屎上背都唔換片
1個讚
咁又係，女人要求高
我朋友形容佢老公湊仔：只要個仔唔死就算 
2個讚
唔係純粹錢問題，現今社會如果女人好有事業心，都唔肯生咁多
而且湊一個時，應該都已經知道大家係米湊仔嘅材料。唔使生3個先知
除非愛心爆炸，否則一個係理想，兩個頂盡，三個好煩厭
見d 英媽好多3個，成日一拖三返放學
大個個可能一年級，細個個重手挽籃。真心佩服
有時小朋友細個好照顧，而咁啱父母又真心鍾意小朋友，真係忍唔會再生，但上到小學又係另一回事
次次考試，實有人講早知生一個