呢啲有啲似啲人養港孩咁。咩都幫佢做哂，搞到佢家務都唔識做。
同埋老公家人企你老公個邊都正常，佢哋係家人同只係聽你老公version。就等於你係呢度講，我哋都係覺得你老公有問題。
1個讚
你迫佢結婚生仔
共識嘅嘢，要大陸自己去傾
最錯係呢度
唔知兩個人人工一開始差幾多。如果唔差太遠，一開始就唔應該男嘅放棄事業 /轉 pt 湊仔。
唔請工人叫男人湊仔我覺得唔適合
一來男女對育兒要求不一，二來發現好多男人惰性重過女人定唔知怕事過女人。慢慢變得唔踢唔郁。移英group 聽唔少。
對住軟皮蛇，軟肯定唔得。硬同經濟封鎖會令感情變差。唔硬又肯定無改變。
呢鑊真係睇個男人重有冇一點點自尊同上進心，同你要自己拿捏收放
男家幫住男嘅正常。事實係外人睇個男人已經為左頭家放棄事業，你叫佢做佢就做，唔做就唔做。又肯湊仔又肯做野。人地會覺得你重想點？
就咁睇最大問題係你當佢工人/下屬, 冇respect
長期咁樣有你講冇佢講
反正最後又要經你approve所以唔會主動揹責任
變成好似上司下屬咁乜都睇你頭
攪唔掂/唔滿意就彈返俾上司
所以你應該幫佢建立返自信
俾D責任佢揹, 唔好幫佢執手尾
當佢揹返多D野, 喺屋企有返D地位
自然大家關係平等D
2個讚
係
佢應該從一開始已經唔想做湊仔公
不過冇得揀，因為佢搵得唔多
其實我願意去付出我嘅時間比屋企
不過我唔想見到嘅，係另外一個好多嘢都唔理
小朋友病，探過熱都懶，要我提出去做
都係
好多時我係忍唔到先出聲
Anyway
不吐不快
最近都係同返自己屋企人吐心聲
個人舒服左
1個讚
試吓唔好當佢工人/下屬
D野試吓一齊做, 一時教下佢做, 一時問吓佢點做, 一時幫佢做, 一時扮唔識叫佢幫你做, 讚下佢, 慢慢建立自信. 多D互動, 而唔係單向指令式叫佢做.
如果你要圍爐(例如D男人廢架 blah blah blah) 可以ignore我
2個讚
男人多數懶得就懶，你一幫佢做咗佢就唔會做
你同佢講佢唔做家務，佢仲大返你話屋企乜都你話事佢好委屈，都係男人嘅通病
叫佢做返嘢啦，佢而家係唔使做嘢嘆世界，照打機出街，仲要你幫佢做晒，佢仲有光環，邊有咁著數嘅事
男人一定要比佢負責任，人都係嘅，但男人就更甚囉
但唔使鬧交，慢慢傾就得
識人係英國冇鬧交，但傾左幾年都搞唔掂
情況一樣，女揾多過男，係香港已經女養男。
好多男人都係踢一踢，先郁一郁。
好似掉垃圾咁，垃圾桶滿，要女人叫先去掉，掉完又唔會套返個新嘅袋入去（只係比喻）。我想講嘅係，女人做完一樣嘢，會一條龍咁做哂佢，但男人唔會，做完1 佢唔會主動做埋2。
4個讚
男人做細微嘢冇可能夠女人咁叻，不過大嘢又不見得佢哋特別好
1個讚
你話公司財政唔好，人工cut左，俾少d 你老公，佢如果唔夠洗係咪會番番工？
呢兩個月我叫佢送完小朋友返學就揸uber
已經俾少平時30% 佢
不過我請緊工人，工人到咗佢就要全職，就算揸車都要搵到佢以前嘅人工，我係唔需要佢俾錢我
啊
講真，佢要搵嘅一早就會搵，唔搵嘅就點都唔會搵，同埋佢之前做邊行？ 而家搵嘅可能比之前人工少唔肯做
服務行業
咁佢肯工作都係好事，佢都係懶得就懶，老婆孭起晒啲嘢仲有得食玩當然唔理，你好好同佢溝通下，氹下好迫下好，話自己辛苦好，冇理由個老婆開到聲都唔孭返啲責任
非常好嘅解決方法！
希望你順利請到好工人！
就算佢依然踢唔郁，最少
1）你家務同煮飯可以完全外判，放工淨係陪小朋友同睇功課（都好辛苦
）
2）大條道理家用轉手比工人，無錢過老公手，佢做唔做嘢自己決定啦
你唔好激心。（抱抱）
再進一步先再開口叫佢share bills.
1個讚