所以我要學下你囉，我係就算知道自己deserve、知道FTM的價值、知道自己做freelancer又搵到錢其實好叻，但畀人講兩講我就會開始質疑自己(仲要我嗰個曾經真係好close我以為可信賴的朋友，佢唔係講兩講，係講咗5,6年不斷講，係gaslight我，我嗰時唔知，睇唔穿，好易畀人manipulate，咪中晒毒，以為自己係零)
而家知喇，識得分到人哋的manipulative言行，會冇咁易受影響，但都唔係一時三刻可以變成另一個人… 改變同改善都有個過程嘅，何況講緊嘅係由原生家庭開始累積落嚟嘅心理創傷同障礙…
不過已經絕左交，我而家都想自己有喺絕交之前咁樣嗆返佢轉頭，以其人之道還治其人之身，畀佢自己受返晒先，就咁絕左交真係便宜咗佢 (btw佢就係我樓上有提嗰個公主病女子，而家都做左人阿媽…)
就係原生家庭令到我哋成為people-pleaser，要透過討好別人、為別人付出好多，得到別人的肯定/讚美，先覺得自己有價值，所以會好介意人哋點睇自己，亦會容易畀人影響。
你嗰六隻｢唔自覺｣，好銀眼呀！你仲為父母辯護緊，一兩次冷暴力/否定，可以話係一時情緒影響，無心之失，但長年累月的話，唔係｢唔自覺｣就可以合理化。長期講同做傷害人嘅嘢但都｢唔自覺｣，即係冇自省能力，一樣唔要得，唔可以normalise。一直覺得｢自覺｣好重要，有樣嘢叫conscious parenting，做父母一定要有自覺，當然而家同兩老講呢d就嘥氣，明白佢哋知識同認知有限，過去咗嘅嘢發生咗都改變唔到，但我哋呢代絕對可以educate自己heal from the past，將來做得好d，be a better parent.
Over-explain, over-think, over-empathise… 同一系列嘅嘢，走唔甩… 我哋呢類人，諗得比人多、感受得比人深，做人係會做得比較辛苦，而且往往旁人唔會理解，只會覺得你個人咁矛盾、咁長氣、諗嘢諗到咁複雜、睇嘢睇到咁入微、十幾廿樣好似冇關聯嘅嘢你會"lung"得埋一齊去睇去觀察去分析、唔高興又唔出聲(因為太care人哋感受亦唔想人哋覺得自己係個difficult person)，然後搞到自己咁辛苦為乜… 但我哋每一秒鐘都千思萬緒好難控制到… 如果控制到、拿捏到、善用到，絕對係優點嚟，呢個世界，我諗寧可有多d over-empathise嘅人可能搞到d嘢複雜少少，都好過個個都冇同理心個個都唔諗嘢冇人識得為他人設想。當然唔好畀自己走火入魔係重點喇，我都知自己走火入魔咗，要努力走返出嚟…
你兩公婆都好幸運遇到對方. 
要一直幸福呀.
縱然另一半冇欣賞你既付出，但料理一頭家真係十分十分唔容易，我明白你既用心同苦心
好唔容易！
樓主，雖然我哋素未謀面，但係從你嘅對話當中，我覺得你係一個好容易為人著想，和善，體貼既人
你係值得被愛架
希望你快啲走出陰影
TLDR
樓主我粗略睇咗下你啲回覆，身為一個乜都自己黎嘅Ftm想同你講，生養小孩並唔係你想像中咁簡單。
唔好覺得話你朋友比你廢兼公主病都生到養到，自己咁tough 應該唔難。
首先每個小朋友都唔一樣，A君好湊，唔代表B君一樣好湊，再難啲俾你遇著個勁敏感嘅bb, 再加一大堆bb身上煩人嘅問題⋯⋯然後你老公覺得自己返工已經好攰，返到屋企仲要照顧你同bb兼冇得訓並俾你埋怨，到時實又會一大輪拗撬。
唔排除樓主老公重好想有細路，但好想同樓主有細路嘅時間應該已經過左。
兩夫婦如果冇經濟問題，但都係金錢上咁多猜忌。
兩個人1x 20年都習慣左冇牽絆嘅生活，米繼續囉
自然懷孕，有就有算。
不如花多 d時間修補兩夫妻關係，如果重想同呢個男人到老。關係好，唔使互相提防猜忌自然乜都會講。
咁多年相處，點會唔知大家性格。
唔係佢唔識提防人，可能佢覺得最要提防嘅的人係自己老婆
你講嘅全部考慮左
我知好多生咗嘅媽媽都會勸人唔好生，如果當年有人咁勸你，你係咪都會唔生？
應該都係，我咁得人驚
或者諗下點解相處左 1x 20年，自己做過乜令個男人晚晚瞓隔離都甘提防自己，instead of 放大自己乜都做
諗清楚其實自己係想要細路定想要返個老公。
不論之後有定冇，呢件事可能以後係雙方關係嘅大裂痕。可能時不時拎返出黎嘈
睇下要唔要去下婚姻輔導
未生前當然係唔聽勤，同你一樣未試過又點知呢，生完先發現原來唔生真係會好過好多
但我會提倡 有就有 冇就冇 順其自然，唔會特登去花一大舊錢，打一大堆針去為咗生而生
咩意思？
十幾二十年
咁而家畀你揀係咪寧願冇生？
咁講對所有辛苦做IVF的人都好唔公平
你冇聽過佢哋嘅故事、經歷、背後原因
唔係個個都為生而生
又或者問，咁你係為乜而生？
其實好多時，都冇d咩驚天地泣鬼神嘅偉大原因，亦唔應該有，如果有d好偉大原因、覺得自己好偉大的話，個小朋友嘅成長應該會好慘好艱辛。
有咁耐？
我諗可能因為我貪錢喇
唔知，見你寫十幾年
呢到只係可以呻下，冇人真正幫到你，因為冇聽晒兩邊講嘢。
如果真係咁困擾，可能兩個人一齊去婚姻輔導傾
係呀，我呻下架咋
未必。
男人冇錢直接唔比，但有錢嘅一般比多唔會比少。
但明顯見到佢有都唔想使係你身上，但又冇可能唔使。
咁就只比一小部分自己根本冇所謂嘅錢比你
我反而覺得男人完全唔介意使錢係女人身上，只要佢地鍾意就覺得值。
所以冇所謂貪錢的。