老公一直想生小朋友，我一直好抗拒但到36歲先突然改變主意，之後我都有認真同佢傾過，想確定大家真係ready去做呢件事… 決定生之後我地去做身體檢查，知道大家的底子都唔太好時，好快就決定去做IVF，上年中我地開始做去台灣做。由於我本身係freelancer可遙距工作唔使請假，我地覺得全程由台灣醫生直接跟進會比較好，佢亦唔想我飛來飛去咁辛苦，所以我係留台完成整個療程。我好appreciate佢寧願花多D錢畀我住酒店，而且做IVF的開支都係佢負責，我都好體諒佢搵錢辛苦。
但上年中第一次去做，安排行程時佢就已經話自己好難請假… 但我係希望佢喺我取卵當日喺度可以留鮮精，我亦係第一次做全身麻醉手術，真係會驚同緊張，而診所亦規定麻醉手術後要有人嚟接。我覺得呢D嘢唔使講都應該要識得考慮，但佢似乎完全冇諗過，淨係話請唔到咁多假，話佢可以weekends時飛一飛過嚟(已經好似好大付出咁)。由於我取卵唔會係weekend發生，當時我發脾氣話：「最critical嘅日子你唔過嚟，我唔知你weekend飛過嚟做乜！」之後我衝入廚房一邊洗碗一邊眼淚就流，之後佢先走入嚟話佢會請假陪我一齊取卵同植入。
嗰次初覆佢同我一齊飛台灣，我仲叫佢留定精雪起，in case到我取卵時佢飛唔到過嚟都仲有plan B，當時雪起左一管精子(如果底子好其實唔止得一管咁少，可想而之質量係麻麻)。好彩後來照計劃佢有再飛過嚟，用到鮮精嚟受精，植入都成功bingo，可惜5w冇左… 之後我休養一排，到年尾12月再試，由於上次得一個胚胎用左已經冇存貨，就決定嚟緊連抽幾個cycle卵，儲起多D胚胎先植入。
當時推算自己聖誕節左右會嚟M，plan定飛台灣的行程，佢都一早請左大假(由聖誕放到元旦)，但後來經期亂左，我諗住cancel成個行程，之後再安排，叫佢同公司消假，但佢話唔會消假，因為一心諗住放假去個旅行。我本身覺得如果佢成日話難請假，咁D假就留返我取卵植入先請喇… 但佢好堅決照飛，咁我自己都想放鬆下嘅，就當去個旅行，不過都約左去到台灣一齊去見多次醫生，同埋叫佢再留多次精，呢次佢留到兩管質素比較好的精，之後一齊玩到元旦佢就飛返香港，我就留台繼續療程。因為之前已經做過一次，打針嗰D我從來係自己搞掂，取卵手術、全身麻醉，做過一次覺得冇咩唔舒服，行得走得，覺得都唔使佢陪我接我(診所話簽左「切結書」免去診所責任我就可以自己走)。
到今個月，我係由頭到尾自己一個人飛過去完成療程，亦已用埋佢第二次留的第二管精，即係而家得返佢第一次留嗰一管質素最差的精仲冷凍緊。由於醫生話抽埋下次卵應該可以鮮胎植入，所以我希望老公下次可以喺我取卵當日喺台灣留鮮精，就算佢一直留到植入埋先同我一齊走，其實最多都係請4-5日假，但佢又話請唔到，話只可以請到一日假陪我植入後回港(因植入後我不能搬行李)。我同佢講我想用鮮精，但佢都係話請唔到假，好似寧願個胚胎質素唔好，寧願植入成功率下降，都唔寧可請多日假咁，個priority好有問題… 我又唔明喇，之前聖誕到元旦請兩星期假就請到，上個月佢無lala話想去日本旅行又請到7日假，但要佢去陪我取卵去留鮮精佢就請唔到假…
尋晚同佢講完真係好唔開心，我已經卵少，真係粒粒皆辛苦，而家咁樣連取兩三次卵，其實打排卵針、做全身麻醉都好傷身，我喺度諗係咪就係因為我一直都可以自己handle所有嘢，打針自己打、做完麻醉手術自己走、淩晨4,5點起身打針食藥、禁水禁食成12個鐘先等到入手術室… 我都冇同佢呻過痛呻過辛苦，佢就覺得我去做IVF係去玩咁？(我剛剛呢次飛佢有話：「你就好喇又有得去台灣」，我禁緊食時佢仲影自己食緊個燒味飯send畀我，好似完全唔記得我喺呢邊係受緊苦咁…) 我喺度諗我係咪應該好似我識的其他IVF媽媽一樣，打針唔可以自己打，要老公打，唔可以一個人飛台灣/住酒店，要老公陪，打幾支針抽幾滴血就叫晒救命，又話痛又話盛，講到慘絕人寰咁，不斷情緒勒索，咁先可以令個老公著緊D，體諒自己多D？
btw，其實佢每次畀5萬我過台灣(一蚊都唔會畀多，一定加多句話自己就快冇晒錢)，只係剛剛夠畀IVF，但我另外要睇中醫同埋機票酒店錢呢D一直都係我自己畀緊我都冇出聲… 我一直體諒佢辛苦搵錢，體諒佢陪唔到我，但而家發覺好似只有自己單方面體諒佢，而佢係好似完全冇察覺你的付出，覺得你好輕鬆好舒服，就係因為你冇呻痛呻辛苦，冇撒嬌撒野情勒佢… 但我想話，我忍得捱得、我唔呻唔怨，我忍耐力驚人，唔代表嗰件事就好容易，我真係想佢自己試下銳自己一針睇下痛唔痛嘅？有好多人係連自己打針都做唔架！Just because I carry it well doesn’t mean it’s not heavy… 為左生小朋友而辛苦努力左咁耐，到呢一刻突然好質疑呢個決定係咪正確…
1個讚
仔都未生已經有咁多唔稱心
8個讚
做人梗係唔好乜都自己拿上身頂晒
1個讚
Sailorlily:
呢個男人唔太值得你為佢生
你呢個講法，左膠女權會話生仔唔係為男人，女人都有責任
Sailorlily:
呢個男人唔太值得你為佢生
我今晚會同佢傾，如果唔ready冇時間就不如唔好生喇… 樂觀係好，但我而家覺得就算經歷左一次流產，佢都仲係諗得一切太簡單… 呢段時間佢除左出錢，好似得我一個喺度努力咁
我係會over-explain… 因為驚講得唔清楚會畀人誤會，之後先解釋又會畀人質疑，所以會too much details咁講嘢… 我都知係焦慮嘅一種…
HK女人特質
446b8bb600ba6e5fd524:
最多咪讚你一聲好叻囉
因為我個人唔識講大話，咁我唔驚自己打針，唔覺得好痛，做完手術可以自己走… 我就唔會話自己做唔到。其實今次做多左一個療程，要喺取卵前用比平時粗好多的針抽兩管血，當時已經禁水禁食左八個鐘，d血都唔係好運行架喇，姑娘都搵左好耐先搵到血管，之後都抽左幾分鐘先抽完，同時喺同一個針口幫我種埋豆for之後做麻醉，然後我插住支針等左3-4個鐘先入手術室… 雖然亦唔係我忍受唔到的痛，但我都特登同佢講好痛，就係想佢知囉，但感覺佢好似唔係好信咁… 其實第一次做時，我係抽親血都搵唔到血管(嗰時身體差d), 我係抽到成隻手臂瘀左好大撻，影相畀佢睇，佢都係冇咩反應，一兩句氹下我嘅說話都冇… 可能就係因為我平時太強…
Leila
2024年03月18日09:17
10
近一兩年，佢升左職，job duties多左好多，然後又有好多人移民離職，請唔到人，佢workload係大左好多，經常OT，忙起上嚟難請假我明嘅，好似啱啱呢次佢講明3月有大project一定請唔到假，我都冇要求佢同我一齊飛台灣(講真亦唔需要佢喺度)，但下個月如果係要植入了，用鮮胎的話我真係希望可以用返鮮精… 係咪請多一日假都咁難(可能佢自己冇諗過自己可以亦唔想即日來回)… 重點係上個月中佢突然話去日本旅行係真係好突然，一星期前先請假就請到7日，我嗰時都有問佢請得咁密得唔得(佢12月先請左兩星期假), 所以我唔覺得佢真係咁難請假…
我都知佢辛苦，所以好多嘢會體諒，如果我地生小朋友，我會做FTM，一定唔可以冇左佢份人工，佢仲要供樓… 佢份工對佢對我嚟講都緊要，我搵錢少佢太多… 所以好多其他嘢，我可以自己搞掂嘅我唔會煩佢，唔會要佢擔心…
我今晚會同佢傾，我唔想成日都係我自己一個擔心一個承受一個瞓唔著，然後佢仲覺得我好輕鬆自在… 如果唔ready就唔好生喇，決定生之前已經認真同佢傾過，嗰時咩都話得，而家我唔覺得佢真係得…
對唔住，你太長篇，我只睇你呢幾句來俾意見
唔係要你講大話，但夫妻相處就係要有柔情火花，下下機械人咁黑白分明，同朋友或者係生活partner有乜分別
1個讚
Leila
2024年03月18日09:22
12
Sorry我咁長篇，但我之後有寫 “雖然亦唔係我忍受唔到的痛，但我都特登同佢講好痛，就係想佢知囉… 手臂瘀左好大撻，影相畀佢睇，佢都係冇咩反應，一兩句氹下我嘅說話都冇…” 我都有嘗試"撒嬌", 但都冇用
446b8bb600ba6e5fd524:
自己做啲，人地又做啲咁先係
生仔呢件事上係好難, 如果係自然懷孕, 男人只係貢獻一粒精就得, 但女人就陀足八九個月仲可能好多唔舒服。
宜家可能樓主老公覺得, 我都已經次次有俾五萬蚊你飛台灣做ivf, 我仲額外請日假陪你飛番黎香港呀, 我響生仔呢件事上都一樣有付出架
有d 人會傾向覺得自己付出左金錢就等於偉大, 尤其是樓主老公係屋企經濟支柱, 唔知樓主老公係咪呢隻。
5個讚
Leila
2024年03月18日10:55
17
首先，如我所講5萬係cover唔晒成件事，有時就算勉強cover埋我睇中醫同針灸嘅費用，機票同酒店都係我自己畀緊，已經唔係佢一開始話唔想我飛來飛去咁辛苦畀錢我留喺台灣呢個版本。佢覺得5萬蚊乜都夠，但佢唔知其實唔夠，我冇同佢講係因為我體諒佢，覺得佢畀左大份，我畀返機票酒店都ok，經濟上我肯分擔，但我身心上嘅痛楚、付出同折騰，係我一個人受，佢唔使受。
我唔係要求佢陪我來回香港台灣，我啱啱呢次全程自己一個都冇問題，我唔使人陪，但我想佢下次喺我取卵時飛台灣係因為想用鮮精，提高胚胎質素同懷孕率，需要佢喺我植入後陪我飛返香港，係因為植入後唔可以拎3kg以上重物，我係唔可以搬行李，要佢喺度唔係純粹要佢"陪"，係必須。如果植入失敗或好似上次咁流產，每次都係搵緊我身體嚟教飛，我取多次卵、全麻多一次，都係對身體嘅傷害。我唔明點解佢唔會諗呢幾點，淨係諗自己。
佢係經濟支柱，而家已經係因為佢搵錢多我幾倍，如果生左小朋友，我做FTM，都更加一家大細靠晒佢，我亦因此好擔心好多FTM日怨夜怨嘅問題到時會喺我身上發生，所以一早已經同佢傾，講明佢唔可以因為覺得自己搵錢就係付出左最多，我要佢明白呢點，同埋要畀家用我，當時佢話明，咩都話得。
但而家呢，講真，去台灣做IVF，每次要我提佢，佢先過數畀我，5萬係僅僅夠，好似我呢次加多左一個療程，一開始報價要畀多1萬，我同佢講，問佢做唔做，佢話點都做，但講完就算，唔會話自動自覺過多1萬畀我，佢係唔記得定覺得本身5萬已經夠畀定覺得我要包底？即係好多嘢，佢唔知實際情況，佢唔知根本唔夠，佢唔知我身心煎熬，覺得我去度假咁，得佢一個辛苦返工搵錢… 其實佢兩三年就換一次新車，次次full pay，講真呀，5萬蚊就算我做4次，相比佢買車都係小數目，我有叫過佢唔好換車留返d錢嚟生仔，佢最後都係會換車，但之後就同我講冇晒錢… 我覺得點可以富貴自己窮養老婆？生仔係大家一齊嘅決定，而家唔係我迫佢畀錢我去生仔…
樓主，辛苦你！
唔洗擔心，係一定會變成咁
9個讚
