都要睇個男人既性格. 我同你一樣,結果係培養出一個大小事都不顧的老公.之後還要埋怨我乜都要管 
但我200%同意做女人一定要自強,唔可以無左老公唔得.
2個讚
係。因為唔想聽講幾多都係唔會聽, 唔會做
1個讚
之前同佢傾家用問題時，我老公有話不如開張附屬卡畀我，但我拒絕左，原因係我唔想個感覺好似我會亂使佢錢冇節制咁(而且剝卡係會比較容易使大左唔知)…
其實佢有講過，唔鍾意每個月一定要畀一舊錢人嘅感覺，佢覺得好似自己欠左人要還好冇尊嚴咁(佢成世人連畀家用父母都未試過，佢父母唔需要佢畀家用)，畀家用呢個動作對佢嚟講係好奇怪同唔合理。當然我都同佢講左如果我生仔頭幾年要做FTM佢一定要畀家用我，而佢都話ok，但佢冇concept問我畀幾多，我答唔到佢(唔好意思講)，佢就問我7千夠唔夠… 大家應該都係覺得我幫佢搵緊藉口，但我識佢十幾年對佢的認識，同你哋睇完我抽佢d缺點出嚟講後對佢的印象去判斷佢係咩人一定係唔同，我知佢當時真係冇concept唔知應該畀幾多而咁問，對於一個一蚊家用都冇畀過屋企嘅人佢可能覺得7千已經好多，或者我即時話唔夠然後話起碼兩萬喇，佢未必會拒絕，只係我唔好意思講，我想佢自己識得畀我，寧願畀多都唔好畀少，好似你老公咁。
Btw, 反而係我試過塞錢落佢銀包，嗰時同居，食佢嘅住佢嘅，我有時覺得唔好意思，但直接畀錢佢佢一定唔會收，所以間中會塞一兩百落佢銀包。而家結左婚，我收入都不如前，加上知道佢原來搵咁多，我當然唔會再咁做，但我有同返佢講，想佢知我錢少你咁多都會塞錢畀你，你而家都要識做喇！但唔知佢明唔明，我唔想又要我講到咁白…
咁佢易地而處嘅能力係低我唔否認，唔係d嘢就唔使要我畫公仔畫出腸佢先明，而家個矛盾位係，我唔想畫公仔畫出腸，我想佢係我肚入面條蟲知我諗緊咩，但佢其實係要你引導佢去｢著你對鞋｣、引導佢企你角度諗，講到出晒面都要講幾次佢先真係明/記得嘅人。
好似之前發生過一件事，佢家姐姐夫想移民想喺嗰邊買大屋退休嘆世界但自己afford唔到，所以用一d奸招氹我6299一齊過去，其實係想呃身家同啃老(6299都有d錢)，拉埋兩老一齊移民咁大件事佢家姐姐夫從來冇同佢商量過(因為唔想佢加把咀插手壞佢哋好事)，我睇到嘅係兩老會畀人陰乾晒後踢返香港然後乜都冇晒，到時我老公就要獨力負起供養兩老到老死的重擔，如果到時我哋生左小朋友，變相小朋友的生活質素都會下降，所以我一定唔可以畀呢件事發生，叫老公出聲同插手，但佢乜都唔肯做唔肯理，仲好似唔明我擔心d咩點解要咁大反應，覺得我咁緊張6299的錢做乜，佢係覺得佢自己唔需要6299的錢，其他人要謀咪由得佢哋… 後來我要捉住佢傾，傾左幾次，分析成件事，繪影繪聲同佢講左好多個唔同嘅悲慘下場同埋對我哋有咩影響… 件事發展左三四個月，佢家姐姐夫都就快呃到手時，佢先至明我講咩，先去勸阻兩老… 要佢明白一d事情的嚴重性，要佢企我角度去理解我擔心同唔開心的原因，係真係好困難嘅事，我真係要講到好明講好多次，佢先會take action，因為佢係好怕煩想咩都唔理、唔需要佢理嘅人。
1個讚
所以要學識簡而精
其實我幾enjoy獨處同自己處理事情，所以佢話下次頭幾日陪我飛台灣(但不是取卵日), 我一口就話唔使，因為真係唔需要佢喺度，我唔開心嘅係佢唔喺critical的日子出現(取卵當日留鮮精，佢個人唔喺度點留？我要佢出現唔係陪我呀，係留精呀)。｢幫｣我，係講緊，本身做IVF以至佢話唔想我飛來飛去咁辛苦畀錢我留台住酒店，所有支出係應該佢負責，係佢｢幫｣我畀晒，我｢｣住個幫字，係因為件事係我出力去承受身心的痛苦同壓力時，佢出錢去support成件事，我唔覺得要講成｢佢幫緊我｣，我都唔會話我｢幫｣緊佢去打針做手術同生仔，件事係兩個人嘅事，兩個都要付出，所以當佢畀唔夠錢又唔知，仲好似以為已經畀夠有突唔會主動問我一句夠唔夠，我先唔開心，當然我開聲問佢，佢會再畀，但我就係想我唔開聲佢都會自動自覺去做，我係唔開心呢樣，當然而家知道，佢唔係懂得易地而處/自動自覺嘅人，我去expect呢樣嘢其實都係自己玩自己，所以我以後有咩需要會直接同佢講，唔會慢慢等佢意會，因為佢係冇呢方面能力。
後補：諗返起，同佢一齊咁多年，一塊樹葉都冇收過，暗示甚至明示佢送花畀我，一次咁多，講咗我諗都有4,5年，佢都冇表示，覺得我係講下唔係認真… 少至一支花，大至問佢攞家用，佢都係咁，佢應該係要我拉住佢入花店，我揀埋買邊扎花，捉住佢去cashier講｢畀錢喇｣，佢先會做到，但咁已經唔係佢｢送花｣畀我，係我監佢買，用呢個例子套用落其他事，你應該會明我唔開心d咩？
我同老公都係有聯名戶口，同埋佢有俾附屬卡我，limit係佢個limit。但我都唔會隨便用，因為我覺得佢俾得張卡我係信得過我，所以我都係有需要先用。
當然關事，樓上都有提過，好多嘢係trauma response, 我都係近年開始發覺原生家庭令我有好多內在創傷，一直冇正視過，所以而且會有意識地想處理，想heal，尤其是打算生小朋友，更加唔想將d generational trauma延續落去，想小朋友真係健康快樂成長。有人用童年治療一生，有人用一生治療童年，呢句真。
1個讚
我覺得你真係太多內心戲。你要錢，但老公俾錢你，你又拒絕，然後之後仲要成日捉住佢講話其實你有咩cost咩cost。
其實一開始你拎左附屬卡就case closed lol。你驚佢覺得你大洗，你可以用行動證明你唔係，而真係要洗錢個陣佢有哂breakdown睇到哂。你覺得洗多咗可以自己找返卡數。你都唔洗處於宜家呢個苦惱既position。
我唔知你老公係知你性格係咁所以扮俾卡你定點啦，因為我覺得家用等於還債我覺得唔make sense，佢似係唔想長期有個fixed cost多啲，因為家用一俾左就好難話收返。
我覺得你想要就想要，直接啲。唔好口裏說不身體卻很誠實。同我都覺得你係美化同信哂你老公講既。
10個讚
其實冇所謂，有心機就睇，冇心機就唔好睇
我自己係有心機寫、睇、聽人長篇大論嘅人，你同朋友傾心事係咪淨係講重點？我同我d朋友都唔係，情緒宣洩難免長篇大論，當然我有心理障礙會over-explain就更長篇，所以唔好意思…
所以就係要學下，明明自己做到都唔做，要佢去做，去take responsibility, 唔好畀佢太舒服，唔好培養一個咩都唔想理因為慣左你會處理得好妥當的老公。
其實係架，所以而家諗返起，我又唔好意思問佢攞錢，佢又唔鍾意現兜兜畀錢/過數呢個動作，其實簡單d開附屬卡就解決晒所有問題，所以下次同佢傾，就還原基本步，叫佢開張附屬卡畀我就算(可能係我好抗拒｢附屬｣呢兩隻字，不過算喇，呢個應該係最簡單的解決方法)
我冇大家咁陰謀論，如果佢真係咁奸，就唔會成日畀人踩到上心口都唔知，要我提佢提防佢家姐姐夫。
唔使浪費時間係佢身上了, 因為已係過去式. 現在只需要訓練仔女 
好多時我會扮到好弱智咁乜都唔識,要佢哋幫我做/教我做 
如果係，我諗我一開始就唔會出呢個post，我一開始就係唔信佢真係冇辦法請到假去留精，都係到攤出嚟同佢講，佢開埋公司leave application個app畀我睇，真係嚟緊兩個月，我取卵嗰d日子，都已經畀其他人block左假。
而家係差佢人工嗰件事，我要再同佢傾同搞清楚，我會話畀佢知，呢幾年我其實一直知佢人工幾多，我都冇"謀害"佢冇吞佢d錢lol，所以佢驚咩都好喇，其實可以放一萬個心。
啱啱諗返起，其實過去十幾年，由我辭職轉左做freelancer之後，我身邊都會有人assume我唔使做靠老公養，包括有一個識左廿年嘅朋友，佢直頭係不斷passive aggressive地暗串我廢，串我攤大手板問老公攞錢，日日喺屋企屌屌揈唔使做，仲成日捉住我唔使幫老公一齊供樓但佢有幫老公一齊交租，去暗串我係寄生蟲，點似得佢日日咁辛苦返工孭起半頭家幫老公分擔分憂咁賢良淑德…, 但事實係轉freelance後我收入係多過之前，我好努力工作賺錢，一毫子都冇問我老公攞過… 但畀呢d朋友屈我同奚落左我好幾年後，我開始懷疑自己價值，覺得自己廢，搵錢唔夠多… 總之有段時間我係屈死左自己，為左證明自己有努力搵錢仲做到過勞入左兩次醫院… anyway… 人哋呢d誤解同奚落，對我影響好大，所以例如我抗拒附屬卡，好介意開口問老公攞錢，都同呢d經歷有關，唔想好似畀人講中左咁。但其實咁樣睇我嘅都係d外人同嗰d所謂｢朋友｣，我有同老公哭訴過，佢都叫我唔好理人哋點睇點講，我哋兩個人點生活經濟方面點分配，係我哋兩個嘅事，佢亦都從來唔覺得我應該要幫佢手供樓… 所以好多嘢，係我過唔到自己嗰關，我都要催眠左自己好耐，先覺得接受老公嘅金錢support唔係d咩甩架嘅事，但可能我以往拒絕得我老公太多，而令到佢覺得我唔需要佢support…
（抱抱）
因為我老公係一個好勤力既人，對家庭其實參與度好高。基本上，除左返工，佢其餘時間全部貢獻屋企。但佢返工真係太忙，佢處理屋企野又唔叻（即係呢，我叫佢買pack新底褲俾自己叫左成年都買唔到返黎，煮個飯俾個仔煮左成粒鐘都係一pat野，仔仔唔食）同一時間，我又獨立處理到，所以都互惠互利，互相幫助
一個家庭，唔係得d瑣碎事，仲需要有情感support。我成日都讚佢呢點做得好好，永遠俾好多愛呢頭家。而且我一需要佢時，佢第一時間會蒲頭幫手，縱然唔識都會頂硬上。
陀細B時我突然產前抑鬱，生完後又產後抑鬱，都係靠老公安慰同補位。細B好難湊，我更加崩潰，係餵夜奶最難捱既日子，幾乎都係佢包辦夜奶時段，主動同細B同房訓，俾我身心靈盡快復原。（前題係，大B佢冇湊過初生階段，唔識湊，佢肯頂硬上，一頂就頂足2個月，直至細B戒夜奶）
如果我老公係懶懶閒既人，唔識感謝另一半付出，我會乜都唔做，大家鬥懶，你奈我唔何我都唔會嘈你。
1個讚
通常聽到呢啲說話我會答：
「下？我奶奶都未開聲話我喎。」
「係丫，我真係日日都唔駛做，唔好妒忌我。」
其實你朋友本身都可能心理不平衡要通過奚落你去發洩
1個讚
所以我一路都話你太介意其他人既意見，自己亦都好矛盾。
你自己上面識同人解釋ftm點樣都為屋企付出，但自己同時都好介意自己金錢上付出得小。
講真我有返工但我都唔會要俾屋企開支，但我覺得我自己deserve this，如果有人話我，我只會覺得我老公錫我，你咪葡萄我啦
請參考路人騎盧既故事，到你真係咩都要自己出/AA所有開支，就會有人出嚟同你講，你老公咁高人工都唔俾哂，唔錫你blablabla。酸民酸語。
你一日性格無改變，其實你都係唔適合做ftm/freelancer/低人工既工。
5個讚
所以已經絕左交(但絕得太遲)，之後發覺自己自我價值冇咁低，少左好多唔舒服同被傷害嘅感覺。當然佢咁多年對我嘅貶低奚落、gaslighting、潛移默化去令我覺得自己好差(可以追溯到讀書年代已經係咁，而佢係慣性咁做去從中獲得優越感)，我都唔係一時三刻可以恢復過來… 讀書時期我有咩成就佢已經係會潑我冷水，諗返起我一開始轉做freelancer多job多到接唔晒又搵多好多錢時，明明係好自信自豪，好開心，覺得搵到最適合自己的位置同生存方式，但佢唔見得我好，又妒忌我老公有車有樓，就開始發攻，畀佢gaslight左5、6年後，我係冇晒之前的自信同自豪感，我畀佢影響得太深，甚至係影響埋我對自己喺婚姻中的自我價值，因為佢一直講到佢呢d先係好老婆，而我係對婚姻/家庭冇付出、幫唔到老公的寄生蟲… 所以我唔接受老公照顧以至金錢上support，與此都不無關係，因為覺得自己已經唔係一個好老婆，仲點可以再諸多要求…
學樓上咁講，唔好比人影響咁多
好多人自己過得唔好，都唔會想身邊人過得好
係要揾嘢話下你
通常我會順著佢講，佢話我唔夠駛就問佢擺錢，佢話我老公唔錫我就話係啦可能佢就嚟唔要我啦，人無恥便無敵，咁佢就好快冇癮