同意，女人要有冇左男人都生存到嘅能力，但有時互相依賴都係一種關係嘅經營方式，當然每一對嘅方法都好睇個人嘅。
2個讚
咁我當然唔會想要人湊，好似我樓上有提到我個公主病朋友，就算咩都唔使做有老公有阿媽照顧佢，我都唔會想好似佢咁成個廢人咁，好簡單嘅事都做唔到，係冇自理能力…
你太強，我冇能力孭起成頭家，一直以來係自己顧掂自己唔使問老公攞錢，只係而家做IVF，冇理由我出左99%力仲要我出埋錢，佢連錢唔付出的話就真係冇乜involvement，打個飛機太便宜左佢，一定佢負責畀錢。嗰日自己唔開心屈埋，後尾同坦白同佢講佢畀唔夠，佢都即時畀返。大家都要有付出，唔可以一個人受晒，要兩個人一齊努力去做呢件事。
路過～
我第一次都化學懷孕咗，之後揾到原因係因為子宮肉膜有好多息肉～切走咗啲息肉就成功自然懷孕
希望你之後都順利
另外見你打字打好多，講嘢偏長氣，再見到其他人提點咁係焦慮嘅表現先覺得你呢方面同我好似 
（離題）
想講我老公都提咗我好多次要講重點，講太長佢會開filter，然後就聽唔入耳。你留意吓你平時係咪太長氣所以佢聽唔出重點呀～見你老公之後咁爽俾返錢，感覺佢真係唔知價，你俾個breakdown佢睇佢就明架啦（唔洗太詳細）。
詳談deep talk繼續可以做，但唔好太密，唔係佢頂唔順。
1個讚
其實我都類似，底褲都係我幫佢買，屋企d傢俬都係我砌，呢樣嘢我叻過佢，好多粗重嘢都係我做
我唔會話我老公唔尊重我唔體諒我，只係唔夠，好多時d嘢要我開到聲講佢先察覺，但通常到我開聲講之前我係屈埋左好耐，我唔係一有唔妥唔順就即刻出聲嗰d人，因為怕conflicts… 但其實佢真係好後知後覺，好多嘢我唔講佢唔會知唔會諗，我都想訓練到佢出錢時係識得畀鬆畀突，而唔係畀少左都以為夠有突，又要我出聲… 變左好似係我不斷苛索咁…
其實係要，但我小小都唔識嗲，我老公有時都開到聲叫我讚下佢叻lol，因為我講嘢好倔… 其實冇男人鍾意個老婆下下咁強勢，或者我識嗲下，佢就唔會覺得我咩都自己搞掂唔需要佢幫…
1個讚
我唔知咁講岩唔岩，我絕對唔係訓練我老公俾突我，從來都冇，而係佢真係愛我呀！
呢份愛唔係講鍾意對方擁有對方，係做好多事都會先代入對方既角度諗一諗。只要代入對方角度，你想為對方好，就會寧願付出多一d、犧牲多一d。
咁岩wor，我組裝傢俬又係ok，牆身滲水、水喉塞左都係我處理
但我唔會一路做一路屈左係心，唔gur既話我會唔做，或者直接出聲。
千祈唔好咁矛盾，又要獨立又要屈住屈住，一係揀獨立，一係揀做小女人撒嬌，會容易好多。
3個讚
我都試過，都幾大件事入左院，但嗰時我老公同佢屋企人去左日本旅行，佢仲要揸車，我唔想佢擔心同分心影響駕駛安全，所以冇同佢講，到佢返左香港先話佢知… 但我諗比在其他女人，可能有大部分會覺得個老公應該要即刻飛返香港睇佢照顧佢…
你地傾到有共識就最好，我仲未完全有晒共識，每次都係逐少逐少同佢傾，講太多太耐佢消化唔到，佢都唔係好handle到serious conversation，我一認真佢就好驚lol… 其實佢都有講過唔要求我經濟上貢獻到d咩，我有心機打理得屋企井井有條就足夠，生左小朋友佢都唔想我做嘢可以專心湊仔，事實上未結婚前當時我份工一日做十幾個鐘，經常連踩埋weekends試過連續踩足48日，做到我崩潰，佢已經叫過我唔好做，話佢養我，但到而家，佢對｢養｣嘅定義都係覺得一個月畀幾千蚊我覺得養起左有突lol… 之前冇認真傾呢個問題，但而家真係決定生小朋友，呢個問題又再困擾我，一定要搵方法同佢傾清楚…
其實係架，我身邊朋友，或返工時d同事，都叫我delegate唔好攬晒上身，識得delegate真係一種能力嚟，係要學，唔係咩都自己頂晒先叫好
恭喜你！我有照過，好乾淨好靚仔，冇瘜肉冇異常，到而家都唔知咩原因，唯有再接再厲，下次再小心d再做好d~
勁驚你串我長氣lol… 原來係同類 (hug)… 我係over-explain得好嚴重嘅人，都係d trauma response嚟… 睇左好多心理學嘅嘢，知道係咩問題，但未改善到…
你突破左盲點，係呀，我講太長，講好多back stories同side track嘢，有時講得太遠連自己都唔記得重點想講乜，佢聽到頭暈lol，有時都知佢zone out/mentally shut down左… 但要我簡短好難，因為我每一個point都會explain同elaborate… lol… 我會留意同搵辦法改善…
係，另一位jm都有提我，所以我會隔多一排先同佢再傾
你嗰個唔使"訓練"，我呢個要lol… 咁我都知佢愛我，但真係太遲鈍同唔細心，好多時唔知我實際面對緊咩困難或者有咩唔開心(咁我自己成日死撐唔出聲都有責任，佢會以為一切安好冇問題)… 我就想唔使我出聲佢都觀察到會主動幫我，但事實上佢係你唔同佢講到好明佢就察覺唔到，就係粗支大葉…
你都突破盲點，我係咁矛盾lol… 可能我其實能力冇自己以為咁高，應該唔好成日逞強死頂，要識得ask for help要接受畀佢照顧畀佢幫，就唔會咁多鬱怨
完全明白呀哈哈哈 老公話我想佢take action 時直接講就得，佢唔明就會追問。唔洗解釋咁多架。
我工作上都俾人話過我講太長氣，唔知我想表達啲咩 笑死
我哋一齊加油啦!
2個讚
Over-explain係因為太驚畀人誤解，太介意人哋點睇自己… 可能都係以前的經歷(例如長期畀人誤解/否定)所以令到自己有呢個習慣/trauma response… 但其實有時d老公係需要你畀最簡短最清晰的指示，即係可能我直接同佢講：｢唔夠錢畀，過數畀我｣就已經case closed, 唔使同佢解釋咁多，但我解釋咁多又拎埋d單出嚟計畀佢睇就係因為我怕佢誤解我係獅子開大口貪得無厭亂使佢錢… 但其實可能佢未必會咁諗，係我自己的trauma response嚟…
咁我覺得又可以多2句嘅 例如主要係多咗啲咩咁
我諗我係因為爸爸唔自覺嘅冷暴力+媽媽唔自覺嘅否定，令到自己覺得冇人愛錫，然後就焦慮人哋點諗我，要點先得人中意。成長一直揾唔到定位，要有人俾個角色我，例如「學生」咁，我先知每日要做啲咩，如果個角色係「女兒」，我就完全唔識應對。
17/18歲時已經有人問我點解諗咁多嘢，我仲以為自己咁係細心係優點，但其實果時已經開始走火入魔停唔到。
同老公相讓處上佢好包容我好接納我，溝通上都冇大問題，但身邊各人提點/睇好多文章先知道我已經變咗慣性焦慮，咁就想開始改～始終個人咁大壓力都真係好唔健康，身邊人見你咁壓抑都會好辛苦。
太長氣冇睇，只睇其他人留言當了解左，
一句講完，唔好用結婚解決問題，更唔好用生仔解決問題，勉強結果只會製造更多問題
3個讚
其實唔係咩強唔強，係人根本要有照顧自己嘅能力，要有自己頂半邊天嘅能力，呢個唔係教育嘅目的咩？
結婚之後就依賴老公，去個超市都驚整親手腳（不指樓上case ），成日痴住個老公，老公死咗想跟埋去，有冇需要？冇人會想個女第時咁痴個女婿啩
咁講，兩個人喺埋一齊，如果所有嘢都唔可以分擔，唔可以畀人照顧畀人幫，所有嘢分割開，你還你我還我，咁點解唔索性自己一個人？
我諗好多人未生仔之前，經濟上自己照顧自己係冇問題，但生左而想自己湊，FTM又好FTD又好，總之就會變左其中一方搵錢其中一方冇左經濟能力(本身大把錢或咁叻已經有層樓收租就另計)，咁經濟上要依賴另一方係必然，但FTM/FTD一樣用緊另一種方法撐起左半邊天，孭起左半頭家，其實係一個分工同互相依賴嘅狀態，唔係搵錢嗰方就係強另一方就係廢就係冇能力。當然搵錢嗰方變強勢，另一方變冇地位，係恆久以來嘅問題，原因係有一方冇尊重過另一方的付出，覺得對方冇能力冇作為。
如果｢照顧自己｣唔係針對經濟上，係其他自理能力、解決問題能力等，咁我好同意每個人必須要有，所以我都唔buy d人要成日痴住老公、咩都要問老公、唔能夠獨處同自己解決問題。
但如果係回應返｢撒嬌｣呢個主題，｢依賴｣嘅人係一定會｢撒嬌｣(因為自己做唔到/想咩都唔做，就一定要用呢種方法去令身邊人幫佢做晒所有嘢)，但｢撒嬌｣其實唔一定代表依賴，可以係一種相處方式，撒嬌要老公為自己做某件事，唔一定係因為自己冇能力做，而係畀機會老公照顧你，因為好多男人(其實女人一樣)係透過照顧人而得到成功同滿足感，咁樣雙方都開心，係Win win situation, 又冇話有咩唔啱。好似我老公其實都想我溫柔d soft d多d畀佢幫，但我個人太起"剛"，佢唔開心冇癮得來，我有時又會因為自己一個人撐得太耐太辛苦，一鑽左牛角尖就會覺得佢唔體諒我而唔開心，咁係咪攞嚟搞？
2個讚
唔係特登分開，係根本唔會預對方幫自己做，等於我都唔會特登幫佢做啲乜嘢
你咁都信？自己老公搵得多錢唔係會更開心咩？
睇哂全部本來唔覺你老公有問題，佢本身肯捨得洗錢，只要你同佢溝通得好D你就唔會有七千同兩萬呢個唔開心位，不過佢唔肯講人工呢個位我覺得有保留，你要感覺吓佢對你嘅愛有幾多/關係係咪對等
我無返工幾年想休息吓，老公驚我唔好意思問佢攞錢，佢選擇科水去聯名戶口等我用得自在，近來佢發現我唔係點捨得用戶口D錢佢開始塞現金去我銀包…
1個讚
Yes！我老公都係差唔多，唯一唔同只係我哋冇聯名戶口，而係佢直接入落我戶口，有入多冇入少。我老公絕對唔係多錢，但係佢寧願慳自己，好捨得俾錢我。例如冇撳atm問佢500現金，次次打開銀包，都會變800-1500。我重視既唔係錢既多與少，係背後佢為我設想既心，擔心我唔夠寧願俾多d，愛既其中一個表現。
你講中咗我心中嘅質疑。
樓主，你咁樣既諗法係唔健康，處處維護老公，但現實老公行動上未必如你想像中咁好。男人一定要睇行動，唔係聽言語。你老公唔係細唔細心嘅問題，而係冇企喺你立場角度諗。
你都一定要重新審視自己，你既未必係獨立而係逞強，真正獨立既人係好enjoy自己去處理事情，正常唔會有委屈屈係心。你係又要自己做但又會怨老公唔陪你唔幫你，我覺得好奇怪。
多口問句，會唔會關你原生家庭事？因為生左小朋友後，我重視建立小朋友健康既「依附關係」，你呢種想親近但又逃避（拒絕）既做法，有機會係黎自童年陰影？
8個讚
我以前做野都鍾意長篇大論
因為怕講唔清楚，出事會入落自己度
但其實又發現我講得幾多幾清楚、接收嘅人其實都唔會接收晒你講嘅嘢，都係會出事
就好似你每個回覆都花心機打咁多字，未必人人都會詳細睇晒
學習「講重點」呢啲「學校唔會教」、「出嚟做嘢冇人教」其實都係一個幾重要嘅課題
2個讚