Leila
101
我今晚會同佢傾，呢件事我都擺喺心好耐
話佢防我，其實我係有呢個感覺
但好似而家，要佢過幾十萬畀我佢又唔會拒絕
咁所以佢係因咩原因覺得唔可以畀我知佢人工
但其實問佢攞錢，只要我唔怕羞開口講個數佢又肯畀… 其實佢係咩心理，我今晚會問清楚
唔係受人影響而想生，我講緊嘅係，我自己一直抗拒生的其中一個原因係驚自己能力唔夠，我將所有嘢諗到好差同好難，但見到身邊有好公主病連自己都照顧唔到自己嘅朋友，一樣生左做媽媽，情況又未去到佢湊唔到咁差，我就會覺得自己的擔心可能係多慮左，其實應該畀多d信心自己，唔好睇死自己做唔到，將呢個憂慮降低左後，自然對生仔冇咁大抗拒，呢樣同見到人地生所以自己又生埋一份係兩回事嚟。
唔係36歲叮一聲突然想生，係嗰刻喺生理時鐘/年齡死線嘅迫切之下，迫到我再認真去諗呢個問題同做最後決定，當中當然係有好多思考因素同過程… 我都唔想詳述太多，因為寫幾千字都寫唔完…所以點解我會一開始就長篇大篇，就係驚呢d，畀人誤解左又要解釋，一解釋又有人話我搵藉口…
Anyway… 唔緊要，上嚟出post都係一時睇唔開呻下，最重要都係我同老公溝通清楚同有共識，尋晚攤左出嚟傾，明白佢下個月8至10號請唔到假的原因同難處(無奈地咁啱我係有可能嗰幾日取卵)，而當佢知道5萬蚊唔夠我去一次台灣做IVF時佢都即刻過返錢畀我，可能有人會覺得我喺度幫老公搵藉口(?)… 但我覺得係解開左我尋朝出呢個post背後的心結，當然仲有好多問題要傾要解決，但係咪要再諗再傾到覺得100%搞清楚左同解決晒所有問題，所有嘢大家100%確定會做到100分，先可以生仔呢？如果係咁呢個世界根本冇人有資格生仔…
Leila
102
Exactly, 而唔係聽人講幾句潑幾下冷水就連試都唔試…
我覺得你唔好deep talk得咁密會好啲，有時反而會適得其反。好似三日唔埋又有啲不滿咁，因為人工呢樣野已經發生左一排。你自己搵下有冇good timing 講啦。
4個讚
Leila
104
唔係睇唔起，我講的能力更加唔係指學歷，我係有個朋友本身真係公主咁要人照顧，但佢都生左做媽媽… 當然一開始佢有狂呻慘又怨天怨地，又話生完全身痛抱B都冇力跌左個BB落梳化(佢賴係個陪月對佢唔好害到佢整親BB)… 但佢以前試過自己去樓下超市買嘢，拎住兩袋嘢上樓好短路程都可以話太重整親條頸，然後瞓左兩星期床，成3x歲人話第一次自己一個去超市買成兩袋嘢咁多咁辛苦，話以後都唔做呢d嘢喇叫返老公幫佢做… 佢真係好誇張地有好多好簡單嘅嘢去到佢手上都做唔到，到而家做FTM都係唔識做家務叫佢做少少都好似叫佢去死咁… 我係講緊佢啫，我冇話其他媽媽，你又唔使講到我好似歧視埋你d朋友咁，你d朋友係好犀利我都respect… 只係當我見到我呢個朋友最後都係做到媽媽湊到小朋友, 對比起自己自理同照顧別人的能力都比佢高，就會覺得如果因為睇死自己做唔到而就算想生都唔生，其實未免太杞人憂天，因為有時都係船到橋頭自然直，同埋靠自己不斷努力同學習成為一個好媽媽，就好似你d朋友咁。
呢度都有人問我係咪sure自己到時做到，係咪sure老公到時做到，唔sure就唔好生… 我之前就係一直咁諗，所以咪搞到而家高齡，但而家會覺得係咪一定要100% sure先可以踏出呢一步呢？其實做父母嘅都係邊學邊做，唔係100% sure自己做到先可以去做，因為呢個世界根本冇方法令你可以喺事前100% sure，最多只能去預視件事去做好準備… 好似你講，知自己有不足咪不斷去令自己進步，呢個都係我而家想生小朋友嘅其中一個原因，就係畀自己去經歷去學習去成為一個更好嘅人
Leila
105
你講得啱，你做女人真係叻我好多lol
我過一排先再同佢傾，thanks~
Leila
106
其實都可能係… 上年第一次做時情況好唔同，所有嘢都係大家一齊做一齊決定… 到而家我自己過去取卵，唔需要佢陪，佢亦都行唔開，所有嘢就我自己一個handle，冇咩特別嘢我都唔會煩佢，可能在我角度係覺得係唔為佢添煩添憂，但在佢角度就覺得冇乜角色同冇癮。
我尋晚有同佢講，診所都話可以用鮮精一定係用鮮精最好，同佢講我唔想浪費左咁辛苦取返嚟的卵(講到喊…)，之後大家決定下次用唔到鮮精就唔植入住… 然後佢都有話到時頭幾日係公眾假期可以陪我一齊飛台灣，但我一口就話唔需要佢陪lol… 睇返你講嘅嘢，我發現自己的確係令到佢好冇癮。
1個讚
你睇佢舒服，但乜都做唔到要人湊做人本身都冇乜意思
我一定要做嘢自己顧掂自己，甚至孭起頭家，否則啲男人唔會收聲。收男人皮最佳方法就係唔好冇咗佢唔得，未必關錢事
6個讚
你講左我心中果句
樓主，其實我從來都唔撒嬌，屋企好多野都係我獨自處理，我老公連買條褲都要靠我。但我老公真係好尊重我，好體諒我，而家我FTM，一要佢出錢時佢永遠問：夠唔夠架？然後次次都俾突一截，怕我唔夠。所以我覺得重點未必係撒唔撒嬌之上。
7個讚
你呢句好型! 而事實上女人都係靠自己, 豬隊友幫到手或唔搞亂檔就係 bonus
3個讚
我都係，其實香港女人大部分都唔係好撒嬌架嘛我估？如果仲要撒嬌氹佢攞錢出黎做ivf相關費用，我應該會激死，女人生b已經對身體好傷，佢仲要gigi吉吉咁真係好煩。你講到佢人工高又買車買樓，應該都唔係蠢人，點會唔知價？
3個讚
我阿媽由細教落：唔好靠男人，佢以前嗰袋冇得揀，所以佢對我哋呢代好有寄望，佢成日話嫁得唔好唔好嫁
我而家嫁咗都唔會痴住個老公，冇咗佢絕對可以，我打死唔會唔做嘢。我老公唔叻就真嘅，但佢有其他優點
不過咁，有啲位我識做，都會嗲下個老公，但唔需要佢照顧，我兩對手買晒一星期餸唔揸車自己搞掂，我去邊都自己嚟
香港男人係賤嘅動物，個個媽寶底，唔使千依百順，唔使冇咗佢要生要死，我唔會日日同佢柴米油鹽，我自己人生一樣精彩。你係好嘢佢一定痴住你，佢唔痴咪由得佢，踢返佢去佢阿媽度，慢慢做寶
2個讚
Kini
112
我覺得係睇男人性格，有啲男人見到女人軟弱會突然責任感強左，有啲就希望自己女人可以幫手打理頭家。
以前睇過網絡文章分享，話男女關係係要有等價交換，聽落好似好攻心計，但我認同，唔一定係一啲物質嘅野，男女各一方都要有值得對方想繼續同你一齊嘅條件，可以係錢，可以係某啲能力、美貌，溫柔，互相有「等價交換」關係先平衡到。可能每個男人想要嘅野都唔同
4個讚
小至全屋衫褲鞋襪，旅行機票行程，大至傢俬電器維修，甚至睇樓買樓，都係我負責。（我地曾經係同行，所以事業上我都幫佢處理過唔少事）結婚初期，老公事業搏殺期，我唔舒服入院都冇通知佢，之後佢先發現我入左院。
我老公講過曾經因為我太獨立太強勢，佢搵唔到定位。因為我地係坦誠相對，冇任何秘密，好快就解決到定位問題。我感受到佢既信任，佢感受到我既支持。而家各自係擅長既領域努力，貢獻頭家。
5個讚
我覺得有好多野都唔會係做唔到，例如做家務一定唔會做唔到，但係咪做到就要自己拎哂去做呢？
(^o^)[quote=“Chibimaruko, post:107, topic:77409”]
甚至孭起頭家，否則啲男人唔會收聲。收男人皮最佳方法就係唔好冇咗佢唔得，未必關錢事
[/quote]
同我覺得樓主case係要生小朋友，佢搵唔到老公咁多，自然就係唔可以代替老公孭起頭家。
最尾一句同意，唔可以無左男人就唔得。
其實咩都靠自己又覺得對方係豬隊友點解要結婚呢。
我覺得女人要有能力，但唔代表有能力就一定要攬哂上身。
3個讚
我覺得唔係攻心計、無論友情愛情親情都要經營，唔應該一味失衡
2個讚
識得delegate就已係一種能力。
有人會用撒嬌，有人會用自身能力點返個男人做野，有人會用娘家財力，其實大家都各施各法，但做緊嘅都差唔多，就會想係頭家取個平衡
4個讚
