我明，我都有朋友好似你咁，因為喺原生家庭都已經係嬌嬌女，十指不沾陽春水，到自己拍拖結婚，都係搵一個可以照顧自己嘅人(唔好怪我咁講，但我朋友個老公真係｢湊女咁湊佢｣，幾十歲人仲講BB話)，我唔係呢種人，講真我見到係會反白眼lol，但認真，好似你哋咁樣嘅女人先係最幸福，係覺得自己應該被照顧，願意被照顧，咁做人真係舒服開心好多。我係相反，好多嘢自己頂，係我照顧人多過人哋照顧我。
我都覺，佢老公擺明就係度縮好驚老婆問攞錢個種人，連人工都唔講冇信任，但樓主俾網民講2下就會幫佢老公講說話揾籍口。關於生b到連一開始都咁唔配合，妄想第日佢生左肯湊咩唔通？第日咪一樣係話我好忙請唔到假湊唔到。
個老公咁樓主仲諗住做ftm, 第日實好似要乞佢咁攞家用。做ftm係要老公揾到錢之餘仲要肯主動俾錢你，先叫有條件做ftm.
不過睇樓主覆既嘢咁自欺欺人，我決定尊重他人命運，放下助人情結。
2個讚
我笑左 
我都頂唔順
岩! 搵到值得依靠既人，要學下被愛被照顧，唔洗下下自己付出哂
我覺得你做嘢太直女。你咁樣拎哂出嚟計，given你老公似唔多想洗錢係你身上，好易變左嘈交。
你會唔會可以扮放啲單據係枱，佢唔覺意睇到知要咁多錢，你又再扮苦惱唔夠錢用會好啲？
我尋晚同佢講時有喊，唔係扮，係真係講到自己取左幾次卵，逐粒逐粒咁取返嚟，真係好艱辛，過程面對好多打擊同失望，喺台灣時都係自己一個人面對，諗起就爆喊…
我同佢講，而家做緊嘅嘢都係攞緊我身體去教飛，打針同全麻都係傷身，我而家行得走得唔代表問題之後唔會浮現，講真我3個月前去照過，照到有新生出嚟的肌瘤，擺明就係打針打出嚟，所以我唔想因為精子唔夠好而失敗而令我要再取多幾次卵… 我要佢明白我冇呻過唔代表件事係好輕鬆容易。
當然傾完知道佢請唔到假係身不由己，我之前係誤會左佢同唔知佢的難處，咁都冇辦法，我地都決定如果今次用唔到鮮精就唔植入住，佢寧願畀多次錢雪起個胚胎同取多次卵，去確保鮮胎植入嗰次係用到鮮精。
不過我係衰嘅，尋晚佢話下個月可以一開始陪我飛台灣(因為應該會係紅日連weekend嗰幾日)，我一口就話：唔使你陪喎，嗰幾日都唔需要你喺度，慳返d機票錢喇。佢就話：話陪你又唔畀人陪，成日潑我冷水，唔係一定有需要先出現，我純粹想陪你得唔得？
我諗我真係要學下撒嬌同示弱，我諗我成日拒絕佢都搞到佢好無癮lol…
其實我一直寫話我會做FTM係因為想簡化去講件事，因為我已經好長篇lol… 其實我就從頭到尾都唔想完全唔做嘢冇收入，我而家freelance接job都係在家做文字工作，其實如果生左小朋友後仲有能力handle到的話，我都想繼續接job，只不過想像到一開始照顧初生B的階段會吃力，而文字工作係要超專心完全冇distraction先做到，我先覺得好大可能頭一兩年會係FTM, 之後可以嘅都一定會繼續接job，因為男人心目中的｢養你｣只係包畀飯你食，唔包其他lol… 其他嘢都係要靠自己
同我覺得你都似係易俾人影響既人，你只係習慣咗自己處理好多，並唔係真心自己處理到同唔想要另一半既關懷/幫助。
因為如果真心可以自己handle all，你唔會有宜家既hard feeling。嘗試接受其實自己係想撒嬌，唔係想像咁tough會好啲。
2個讚
我只係講返我尋晚同老公傾的結果出嚟
人工唔講我都覺得係心中刺，所以我決定今晚會再同佢講，因為尋晚嘅事令我知道溝通係最重要，我唔會再收埋屈住或估估下，攤出嚟同佢講
上個reply答左不重覆
多謝你，辛苦晒
我唔識咁樣… 我真係好直女咁同佢講，而佢係真係唔知IVF埋單幾多錢，因為次次佢都不在場畀錢，所以畀返晒d單佢睇，我咁做係因為我想show畀佢睇，我問得佢攞錢都係有根據，唔係亂使佢的錢，唔係報大數打虎頭。佢見到d單次次埋單都近5萬，未計機票酒店中醫飲食呢d洗費，就知畀5萬我係唔夠，佢話諗住我唔夠錢會一早話佢知，而唔係自己死頂，之後佢即刻過左錢畀我
身為一個39547既過來人+ 大你差不多10年既姐姐真心同你講句：妹，唔好搏，遇見你既將來會好辛苦，請三思 (尤其你依家未有BB，簡直成個project 停咗去及時止蝕。)
我既性格都好獨立咩都自己做到唔駛煩任何人
自己任何事我都處理到；但原來當涉及一個新生命並唔係可以想像得到會有既困難和擔憂
有D嘢係需要一個好既隊友一同面對及處理。唔好高估自己…
最後，我都明人生就係咁，明知山有虎
偏向虎山行 只能講多句 good luck!
15個讚
係，冇辦法，原生家庭upbringing對一個人嘅性格有太大影響，慣左咩都自己面對同解決，唔敢將自己感受講出嚟(因為往往都被人否定被人invalidate我一切想法同感受)，但其實我老公同我父母唔同，我肯同佢講的話，佢係願意聽同嘗試去理解，即使都總會有講極唔明嘅情況，但我要學識起碼要講，唔好再屈死自己
我冇話因為老公好想要我幫佢生，係我去到36歲過唔到生理時鐘嗰關，同埋覺得自己而家ready做呢件事，想體驗呢個人生歷程，所以我都想生，係試呢幾年，過左40就應該唔會考慮。我諗冇人forsee到之後會點，我之前一直唔想生就係因為所有嘢我都諗到最差，覺得自己冇能力對另一個人的人生負責。但好衰咁講，當你見到能力比你低嘅人都生完又生，你就會覺得其實自己未必做唔到。好多嘢唔試過唔知，there’s only one way to find out，你好難100%確定自己一定做到100分你先去做嗰件事，如果係咁嘅話應該成世人都一事無成。至於FTM，我係簡化件事先咁講，其實我一直都覺得只要我有時間空間，係一定會繼續接job，上面有個reply我答左不再重覆。
唔好咁諗。每個人standard唔同
咁你又慘d… 做IVF身心已經承受好多痛苦，仲要自己畀錢，真係講唔過… 我係覺得女人出力，男人就出錢，佢哋淨係打個飛機真係太容易喇…
其實我哋由同居開始，佢已經買左樓，一直係佢一個人供，燈油火蠟都係佢畀，所以我一直唔會問佢攞錢，自己搞掂自己d嘢，其他洗費我會分擔，去旅行嗰d一人一半甚至我畀大份都ok，因為一直都覺得佢已經好好，自己已經好幸福… 但好似你講，到某d原因自己冇左收入，真係需要佢全力support時，佢就好似弱左智咁唔識計下要幾多錢先生存到，屋企平時除左燈油火蠟其他我負責的洗費其實有幾多，佢完全無概念，好似覺得畀一兩千你乜都夠。唔知個腦咩構造，識唔識計加數…
我之前reply有講，其實我唔係諗住一直做FTM，可能生左仔頭一兩年真係冇辦法兼顧工作就要FTM, 但只要一有空間我係一定會繼續接job, 點都要有自己收入。
希望你喺外國生活得好，小朋友最重要，加油！
其實我都知架，唔係我就唔會諗咁耐諗到高齡先決定生，唔係我之前就唔會咁抗拒… 所以我係有認真同佢傾過，要佢有心理準備有幾難，要佢應承要做一個好隊友… 但傾還傾，d嘢都係要去到嗰日你先知係咩一回事，如果所有嘢都因為驚難而唔試唔做，咁其實你咩都唔使做。其實好多嘢，做同唔做都有可能後悔，睇你揀自己比較願意後悔邊樣架啫。
You only live once，人生就係咁
有幾多人到死嗰日真係覺得無怨無悔？
點都有遺憾架喇，但我相信要live life to the fullest.
1個讚
D男人結左婚同未結婚係二回事
盡人事，惟有得就得，唔得起碼盡力過
我覺得佢咁大個男人唔會唔知，只係有冇係你角度諗過。
我覺得佢係有啲闊佬自己。因為佢幾年就full pay換車。佢priority係自己。我無話佢咁做唔啱，畢竟錢係佢搵既。
只係你要認清自己既男人係咩人，你先可以對症下藥。唔好自欺欺人覺得佢唔識計數。
講真有養車，入油都去唔止一兩千啦，佢點會覺得俾幾千咩都夠？
同講真，你係處於劣勢，你要認清楚你老公既性格。唔係話佢真係好衰好似人哋個啲會出軌咁，但我覺得佢好多行為都小小自私，例如唔話你知人工。姐係佢都會有小小機心防你既，你自己唔好咁直女。
同埋你都真係好易受人影響，咁有啲人中學就生仔
唔係人哋係咁你就係咁。
同做得到，同舒服咁做又唔一樣。想生仔應該唔會叮一聲36歲就想生架嘛。
2個讚
我都覺。所以樓主真係生B，要預情況更壞，除非樓主真心接受佢老公既小自私
樓主希望你停一停，諗一諗。
2個讚
哇，呢句咩意思？！咁睇唔起人？
我學歷都唔差，之前工作都唔差，自己FTM有樓收租，從來都唔會睇唔起其他媽媽。我好欣賞身邊既媽媽們，用盡方法俾做好既野仔女，都從佢地身上見到好多過人特質，例如有個媽媽自己英文都唔識多隻，為左小朋友搏命自學phonics，只為可以同小朋友溫習。又有個媽媽平時一打二，老公闊老懶理，佢擔得抬得做得，日日煮n咁多餐（兩個女食既野獨立煮，佢自己同老公又分開煮），家務做足，仲接送兩個女，係我眼中厲害到一個點。我係真心同佢地做朋友，覺得佢地真係好厲害！
我從來冇聽過上面果兩位媽媽怨，默默耕耘。
你如果生左，冇老公幫手，預左能力要咁高先得啵。
你都仲未明，言語溝通對於男人嚟講其實無關痛癢，佢會表面上應承你，實際未必會行動。
我老公極級錫我，極度遷就我，但係小至亂咁抌對臭襪，如果佢唔想做，真係可以應承左十年都唔做（我就係結婚十年）。男人就係咁，口噏噏當秘笈，所以我從來都唔睇言語承諾，係睇行動。