我諗真係要咁… 好似我尋晚將喺台灣IVF的單據攞晒出嚟，計畀佢睇過去3次每次用左幾多錢，同佢講呢度係未計我另外睇中醫，同埋機票酒店的錢，問佢覺得咁樣5萬係夠唔夠，佢就話：即係唔夠錢要我再畀喇？
我唔係好鍾意佢咁樣講，我話我唔明點解你唔會自己去諗下，好似覺得畀左5萬就搞掂晒所有嘢，但我買機票已經$3000(因為預計唔到邊日回港，避免要嘥錢改機票所以要分開兩張單程咁買會貴d), 住兩星期酒店嗰度都近$10000，我當我唔使食飯又唔睇中醫，都係得返$37000，你自己諗下做IVF會唔會咁平？！今次做IVF時要加額外療程要畀多$10000費用同左你講，但你又唔會自動自覺再補多d錢畀我去埋單…
我係覺得佢一直以為5萬已經係畀多左我，夠有突，我而家就成條數show畀佢睇係唔夠，佢就話：我諗住你唔夠錢會同我講…
可能只係我諗多左，只係我自己唔好意思開口問佢攞錢，希望佢會自己知唔夠主動畀我，但其實我唔講佢真係唔知，搞到大家都誤會左對方，之後佢即刻過左錢畀我…
你老公對你好有保留
連搵幾錢都唔肯講
兩夫妻洗唔洗咁秘密
如果係我
我唔會同佢生仔
五萬就以為比到好多，一個月諗住比七千，你老公有幾叻？一個叻嘅男人點會咁天真？佢似係何不食肉糜
其實你老公係咪想你喺香港公立醫院做IVF, 冇預計去台灣做要洗幾多錢？
佢又唔係搵唔到，結左婚都計住哂，明明自己有閒錢養車。真係頂佢個肺！
尋晚都問左佢，佢話下個月係10號前請唔到假因為佢阿姐放大假，佢係dept head唔可以走埋冇人睇住條team… 但我有可能係10號前取卵… 所以咁都冇辦法，我地決定左今次用唔到鮮精就唔植入，雪起個胎先… 或者我到時問醫生意見再決定…
有問佢點解之前請個幾兩個星期假去旅行就咁容易，佢話就係因為嗰段時間有空間請到假，先請多d，同埋話之前有一次飛台灣IVF個假，佢阿姐一直唔肯批，但佢照放左，搞到返公司要跪玻璃…
佢講完我都明係我誤會左佢，我冇諗到大公司加上佢係dept head，要請假又要等批又唔可以同阿姐撞假，係麻煩好多… 佢唔係唔緊張IVF件事，只係都有d身不由己…
好多老公都話會湊，會幫手，會乜會物，天花龍鳳
到真係要湊就唔好搞佢
講吓啫，到時佢乜都唔幫手咪又係個阿媽做晒
所以生小朋友真係要諗係咪自己一個可以handle 到
當然咩都有例外，有男人做咗爸爸突然父愛泛濫，跌眼鏡
而我覺得樓主個case, 就咁睇真係唔睇好
佢好想有小朋友，似係’人有我有’果款
唔好怪我講得咁直，我覺得你成個感覺都係自欺欺人，不斷用理由去合理化老公嘅行為。而且你同網友嘅傾談當中，都係處處有錯誤嘅引導，引導網友覺得你老公仲係可以點醒到，教育到，唔係佢做唔到
其實你哋兩個人已經開始唔同步，只係你唔肯承認呢個事實
如果你有咗小朋友，呢個唔同步只係會越嚟越大，越來越多爭拗，你會越嚟越多埋怨
如果堅持想要小朋友，你就要接受呢一種唔同步，預咗乜嘢都係自己嚟，冇得怨先好生小朋友
唔好再自欺欺人
可能我自己都大洗，我每個月卡數都唔止7千 lol… 所以生完仔得7千家用點會夠… 就算我唔再大洗，淨係食飯for survival, 平時落街食個lunch都$60, 一個月都食左$1800, 剩返$1700, 咁夜晚煮到幾多餐？冇錢買送就唯有係碌佢卡晚晚deliveroo囉… $3500真係搞唔掂喎…
托賴，卵係少，但好彩係靚，so far d胚胎都係A級B級… 其實喺台灣心情一直好好，係前晚佢一話請唔到假去留鮮精，我先唔開心，唔想咁辛苦抽卵但配d唔靚的精浪費左…
不過尋晚同佢傾完，而家叫大家明白左，我諗我以後係要將所有嘢講到好明，佢先會明先會諗。
都已經做左一半冇理由而家放棄
尋晚同佢傾完，叫做化解左d誤會
其實我尋日出post時都覺得同佢傾完可能就唔需要出呢個post, 但因為當時鑽緊牛角尖又想宣洩所以都係出左post… 當然而家除左IVF都仲有其他問題未講清楚，會再慢慢同佢傾
佢話驚我同佢比較會唔開心
當然我都覺得佢唔肯講好似係驚我知佢有咁多錢會狂問佢攞錢咁，但我唔係會要老公買幾萬蚊名牌袋/亂使老公錢嘅人，係會狂使老公錢嘅女人就算佢得兩萬蚊人工都會狂使，佢應該明知我唔係呢種人，所以我唔知佢驚乜
我諗我真係要畀張list佢，佢先會明，佢係食米唔知米貴，去超市入貨唔係叫佢畀錢佢都唔知原來買日常用品同食糧係咁貴，但佢嗰刻驚訝完又會好快冇左件事，可能我唯有係每日講一次講到佢記得為止
尋晚我都係將做IVF d單據攞晒出嚟計畀佢睇要幾錢，畀佢親眼睇住d數字親手揸住d單，等佢記得，有時齋講都冇用，要visualize件事，佢先明
傾完大家明白更多，有共識係好。
我睇哂你reply, 你老公連搵幾多錢都要收埋，依點值得考慮你地應唔應該生B。
生活上既柴米油鹽，小朋友成長，真係唔講得笑! 如果佢工作真係咁忙，唔好預你老公會幫到手，而且你要比現在更識體諒佢，你唔可以時時搵到心靈上依靠，為做偽單親作準備，遇到大小問題你都依然要好好愛護小朋友，你要問自己做唔做得到!
學其他JM話齋試下自然懷孕，又可以俾多D時間你同老公做心理準備。養育小朋友係件困難而漫長既project，當中要有好多愛同耐性。
其實一開始係佢話要做IVF，而且冇考慮過公立，我哋一嚟就係去仁安，坐底15萬一次，佢仲要同我講唔好預一次就成功，佢自己本身都預會做多過一次，幾十萬佢係預左要畀同有能力畀。當時仁安個醫生有問使唔使寫轉介信畀我地排公立，我老公係即刻話唔使(我當時喺隔籬房剛剛照完陰超仲著緊褲，叫都叫佢唔住，心諗有轉介信點解唔攞定先！), 但佢就係覺得點都唔會去公立，假如生仔佢都一早就話一定畀我去私家醫院生，所以佢唔係唔肯使錢喺我身上，但有時有d嘢佢就會會食米唔知米貴。
後來係我話要去台灣做，因為睇仁安的experience唔太好，同埋發現台灣平好多而且技術好好多。之後佢話畀錢我留喺台灣住酒店唔好飛來飛去咁辛苦，因為佢覺得本身喺仁安做一次，喺台灣做到兩三次，覺得好抵，唔介意使多d畀我住酒店，只不過係之後佢唔知其實畀5萬蚊我，係唔夠畀晒IVF+機票酒店，唔知點解佢以為夠。不過尋晚我同佢講完，佢有即刻過返錢畀我，佢話諗住我唔夠錢會同佢講(而唔係自己屈埋唔開心), 所以我以後一唔夠錢會即刻問佢攞，唔會自己貼，lol…
我覺得我超級唔係香港女人特質
我又唔係扮，係真心細膽同嬌的的咁。我老公同以前既男朋友都好錫我，連碗都唔會要我洗，當然我屋企人都對我一樣。
所以我覺得女人真係唔洗咩都攬上身既，示弱你會得到更多。
如果想生既係樓主老公，我會同佢講，我已經盡咗我既努力嫁啦，之前流過產已經身心好痛，只會試多一次，如果你都係唔留新鮮既精咁其實佢內心都唔係咁想要，無盡全力，咁就當同bb無緣，最好可以喊下等佢知你唔係真係咁堅強。我係好易喊既。要求安慰個種
唔知，唔到嗰日都唔會知，好多選擇都係一場賭搏，起碼我知自己唔係咁先
例如？
你有時睇戲都有呢啲劇情啦，大家有問題放係心唔講出嚟，對方係唔會知。可能你老公都一樣，有野無講體諒你。
你試吓唔好長篇大論但撒嬌咁講下自己難處啦。
呢件事到而家都係我心中刺
我而家決定會再問多佢一次，睇佢肯唔肯講
唔肯講我就直接同佢講其實我知
問佢有冇覺得我亂使佢錢，問佢驚乜唔講得
我自問自己可以獨立處理好多問題
如果到時佢花唔到好多時間喺小朋友身上
我自己都會撐住
我地之間好大的問題係溝通不足
主要係我自己有好多想法同感覺，係唔敢講出嚟
然後自己屈埋，自己死頂，自己唔開心
好多嘢係到我攞出嚟同佢講
先發現係自己鑽左牛角尖
當然亦有d嘢係我講極佢都唔會明
咁男人同女人本身就係differently wired
正如佢都唔明點解我會咁諗嘢，諗到咁複雜
我就覺得佢諗得太簡單
呢個都係我唔會做ftm既原因，我老公養得到我，姐係屋企開支，俾飯我食。但我想要既唔止呢啲。想有買嘢既自由。