生小朋友係兩個人嘅事 唔應該你一個承受晒….
3個讚
其實佢又唔係寬待自己，嚴苛別人
佢亦唔係唔肯洗錢喺我身上，好似以前拍拖同居，去旅行我地一人畀一半，結婚後，因為某D原因加上之後covid，我接少左job，收入不如前，去旅行全部佢畀晒，佢都冇怨言，佢都會話，佢唔要求我經濟上付出D咩，我打理屋企打理得井井有條，煮下住家飯畀佢食，佢已經心滿意足。
話雖如此，但我覺得佢對於真係「養起我」以至有左小朋友之後仲要供書教學，係要用幾多錢好似冇乜概念。記得covid嗰兩年，我有段時間真係冇晒job零收入，同佢講我連買送食飯的錢都冇(除非動用自己儲蓄)，問佢攞家用，佢會覺得我講笑，唔知佢係覺得我收埋有大把錢，定係覺得我根本冇需要使錢(佢覺得已經養緊我)，我講左幾次佢都無動於衷，到後來我特登等到weekend先拉埋佢去親超市入貨，撓埋手唔畀錢，發窮惡叫佢畀，佢就次次都話「嘩原來買少少嘢就幾舊水咁貴…」我就係想話佢知個實際情況係咁，當我冇收入時每星期買幾舊水日常用品同食糧其實係一個負擔嚟，但佢都仲係好似唔明白，佢一樣都係冇畀家用我，所以之後我盡量少自己去超市買嘢，全部喺hktvmall買碌佢卡…
我有同佢講過生左小朋友之後，佢畀家用我唔係淨係for餵飽我同個B，佢都要考慮我地有其他需要，佢唔可以覺得我地有飯食有地方住就代表足夠，唔係淨係for survival，我話我唔想到時想買件靚D嘅衫都要逐次問你攞錢，好似要得你approval好似要乞咁，佢話佢明但之後問我一個月畀7千我夠唔夠… 咁你話佢係咪真係明？有時我真係唔知佢諗緊咩，條數佢點計，總之佢係覺得供樓+燈油火蠟佢已經畀晒，我係唔會有其他開支，但佢每日用緊的食緊的其實我都要用錢買… 我唔知要再講幾多次佢先明…
你老公唔係想像中咁差，只係男人通病，當你太叻，你take over 晒成件事，佢就好似變到係呢件事冇乜角色，佢就會覺得冇癮
一開始佢好有熱誠係因為覺得呢件事兩個人一齊去參與，你同佢大家都唔知發生咩事大家都係聽醫生意見
但而家所有嘢只係你清楚佢唔知，啲嘢都冇挑戰性，佢就冇乜樂趣。
過咗去嗰啲唔好提，你直接同佢講返話見完醫生醫生同你講咗幾樣嘢，你唔知點算好想問佢意見，你話其實你自己一個好驚，好多嘢都唔清楚
例如醫生話如果用差嘅精會點樣浪費咗啲錢同埋時間，你自己好被動咁講醫生講嘅嘢，但係就唔好吩咐佢做啲咩。
嘗試講啲嘢去氹佢做你想佢做嘅決定，等佢自己開口話咁no啦，我一定要飛過嚟啦
而唔係你去叫佢，”你一定要飛過嚟原因係點。”
將自己個位置擺返後d，扮晒好驚都唔知點做決定等佢自己扮返大男人參與多啲。
佢其實唔係肯唔肯俾錢嘅問題，而係佢都開始同呢件事脫節唔知俾錢做乜，所以先至會有 hard feeling。
4個讚
我唔會，因為真係怕陀twins…
佢就話係twins就正喇! 但我先唔會攞自己身體同下半生(要一打二)去搏…
1個讚
都灌輸左好耐… 但過一排佢又好似從來冇聽過咁，你又從頭講過，自己都覺得自己長氣…
你真係生完有排煩
你直情俾個數佢問佢每個月俾唔俾到好過
呢啲冇得唔好意思
好現實
一係宜家做醜人
一係第時慘過乞
2個讚
年齡嗰D我未諗到咁灰，40歲之前我都仲會畀自己試，早期流產(化學懷孕)其實係IVF同自然懷孕都有機會發生嘅事，只係一次失敗我又未去到覺得唔應該再試…
-
我係覺得自己應付到先決定生，當然大前提係老公要配合，講過的要算數
-
我地未結婚佢已經話想生，佢冇迫我因為知我唔迫得，佢係一直等緊我改變主意… 到我過唔到生理時鐘嗰關，同佢傾生小朋友，佢係好開心，而且當初去做IVF係佢的主張，佢好心急(因為大家年紀都唔細)，佢唔想慢慢試自然，係佢話要做IVF的… 如果咁佢都係唔想生，咁我唔明點解佢要咁做喇，同埋上次流產，佢有同我一齊喊到崩潰，佢都好傷心。我唔懷疑佢想生小朋友的心，但想生係一回事，佢似係冇諗後續甚至個過程係可以幾艱辛，將件事諗得太簡單。
-
去旅行嘅嘢，我要去的都去過，自己流浪一年都試過，我已經考慮晒先作呢個決定，至於佢，我就唔知喇，我假設正常人都係有諗過同知呢一點
係… 我係唔知點解佢覺得我係唔需要用錢，之前同佢傾如果生小朋友我做FTM佢就要開始畀家用我，佢問我一個月7千夠唔夠… 如果我淨係為生存係夠嘅，但就冇生活囉… 其實有時錢佢唔係唔肯畀我，但佢條數係唔知點計嘅，好似當我係活係1960年代，5毫子一碗雲吞麵咁…
又冇咁dramatic… 係同我去，但當時我係覺得剛剛先去完台灣旅行，一個月後又再請假去日本，我唔係好大意欲去，同埋覺得佢有假有錢應該留返做IVF… 咁可能佢工作壓力真係太大，可能佢forsee到之後幾個月難請假，所以先咁突然話要放假去日本… 但在我角度，我會覺得IVF咁重要的事，冇可能你請7日假去日本就得，請多一日假去台灣留個精就話唔得，係priority問題，我覺得佢搞錯晒。
1個讚
簡單啲，詳細列晒有咩錢要用，話俾佢聽一個月要用幾多，問佢俾唔俾到，再列埋意外支出，例如睇醫生之類，我自己會每項寫多少少，預自己儲啲錢。
再唔係你地開個聯名戶口，叫佢而家放一筆錢入去，再每個月入一定數入去當家用又好，儲定小朋友基金又好，俾佢有啲概念。
好老實，你老公好似好想要，但感覺唔到想付出，即係啲人好鍾意玩人地個小朋友，但自己湊就咪搞
佢份工係咪逐個project計？咁做完一個，下個project未開始，先偷到啲時間放假
生囝唔係純粹多個小朋友喺屋企熱鬧啲
去到佢青春期更加嘔血
到小朋友終於大，自己年紀都大，長老年紀仲大，都要預錢醫吓病
2個讚
咁好好多
咁你老公應該同樓上所講，有一般男人嘅通病再加唔太體貼。要educate下…加油
1個讚
一個月七千學人做老豆養家？你比返佢，你出去做嘢好過
2個讚
住屋同燈油火蠟都係佢出，佢可能真係以為另俾7千蚊係夠日常開支。我覺得你可以同佢講由而家開始試行每月日常開支用3500 （假設其餘嗰3500係俾B B用），俾佢感受下要幾慳先至搞得掂
希望樓主唔好介意我咁講。
睇完覺得即使你抽到卵，以你嘅情況黎講，啲卵應該都未必靚，為抽而抽，搞到自己心情又差，情緒又低落，咁又點會有靚卵。
睇完成個故仔，你老公係得把口話想生，但佢做嘅野就話左俾你知佢唔想生，有時最重要唔係聽佢講乜，而係睇佢做乜，有可能係後生個時好想生，但你唔生，到而家已經習慣左冇小朋友嘅生活先來話生，當然係唔會想放棄咁自由自在嘅生活啦，所以事事會以自己享樂為先，我就覺得你試都係o徒錢o時間，年紀又唔係細，不如留返d錢自己享受下仲好，有時冇仔女未嘗唔係一件好事
14個讚
我經歷過樓主既情況。
我地婚前婚後都無避孕, 但從來都未試過bingo, 結左婚一年就去睇私家生育科, 醫生話老公D精唔好, 建議直接做IVF, 老公話想試多一排再算, 咁當然無功而回。後來我話我已經39歲, 唔知你想拖幾耐，不如快D做IVF, 得就得, 唔得就以後唔好再提生仔。佢無反對, 但成事好唔積極。我無再同佢係呢個問題上糾纏，直接約番個醫生並開始個療程，都係個句，快快試，唔得就死心。到左取卵個日，佢只係請左半日假送我去診所順便留精，我麻醉完醒番之後要一個人暈暈地去搭車返屋企，之後又因為不適住院半個月，佢當然有關心我，但我覺得真係唔夠，叫佢幫我帶野去醫院好似要麻煩佢好多咁。同埋當時佢唔係賺好多，亦都唔係儲好多，所以成個療程十幾萬都係我出！我相信除左鬼掩眼之外，係解釋唔到點解我都會嫁佢同埋生小朋友。呢次IVF好彩都成功左。
我地屋企所有開支（包括屋租）都係一人一半，後來佢搵錢多左先至俾多D，同樓主老公一樣，食米唔知米貴，成日以為我每個月都剩好多，好多時都係因為慳住用先至有錢剩。
我有一排因身體問題無返工，問佢獨力支持屋企開支得唔得，佢話可以甚至養埋我都得，但係佢所謂既養埋我咪就係平時D家用囉，無額外俾錢，所以當奶奶知道我無野做，話老公要好辛苦養家，我話其實我一直都繼續有支付屋企D洗費，佢無養我。我曾經試過叫佢俾多D，佢唔係唔肯，但回應我個種態度令我覺得同乞求無分別，自始我寧願自己出都唔問佢。
而家我同小朋友移左民，佢留係香港打工同埋照顧老人家，貫切佢既孤寒性格，移民既錢全部都係我出。佢都有繼續俾家用我，again 又係要慳住用。佢大約半年先至黎一次，少黎既原因不外乎機票貴，其實佢唔係俾唔起，只係唔想俾。我都心淡啦，佢會唔會移民過黎我都唔問咁多。
p.s. 純粹呻下，唔需要俾comment.
至於樓主，你真係同老公傾清楚先決定係咪真係生小朋友。同埋你最好繼續搵錢，即使數目唔多都好，總好過攤大手板問人攞同埋睇人面色。
10個讚
你老公未必唔明，係唔想明。非常同意樓上話 「有時最重要唔係聽佢講乜，而係睇佢做乜」。
之前老公好想有bb 已經過左啦。 而家，佢表現出來就係唔願意付出到你期望嘅程度。 生仔之後可能你同佢嘈多兩次，老公可以不情不願地加多幾百蚊家用,嘈一次又比些少錢你。 呢啲男人踢一腳郁一下，你唔好期望佢會付出太多心力時間。 BB 出世之後你地只會更辛苦，更多磨擦。你老公而家連去台灣都唔肯，你唔好一心靠佢啦
你解釋講因為老公好想要，你先幫佢生，咁你自己有幾想？生養育子女係兩個人嘅責任，即係你都有責任。你老公冇付到嘅嗰份責任，你要揹得起先得。 生完之後如果做一個唔夠錢洗嘅FTM ，要節衣縮食，或者你要返返工，而你老公只會玩B 唔幫手，你接受到？
如果你自己好喜歡小朋友，我好明白襯最後幾年爭取機會IVF. 只要你接受將來老公冇你咁積極 ，而你又可以積極樂觀心情面對，咪當借佢精，為自己生仔。 不過如果我係你，應該就唔會。生左未必開心，自由享受人生更好
6個讚
我就係覺得唔好意思，所以一直冇講一個數
當時佢問我7千夠唔夠，我冷笑左出嚟，話唔夠
但我都冇講一個數，因為我自己都未計
後來我有問一個FTM朋友
對方話起碼係老公人工的一半
(朋友未生之前，佢老公已經係全份人工上繳)
我冇諗住要老公畀半份糧我
但我都同佢講我朋友咁樣講
佢聽完係覺得攞佢半份糧係好痴線
覺得自己冇晒尊嚴
我同佢講我唔會咁要求，但話佢知其實有人會咁
所以我已經好reasonable
但之後大家都冇再就呢個話題傾落去
Btw 佢係從來冇話過畀我知佢月薪幾多
我曾經有問過佢幾次都唔肯講
後來我知係因為佢將d糧單周圍pat畀我睇到
而我係超驚訝原來佢搵咁多
其實佢畀1/4我都夠使，我都成日同佢講養我平過佢養架車，但唔知點解每次講呢個話題佢都逃避然後不了了之…