嘩，totally agree with you. 打字理論上已簡略左，如果現實中講出來，好似唐僧咁長氣，應該更難頂（先唔講內容）
1個讚
我睇完兩大段，已經頂唔順。
喂其實想講好耐…
你用Icsi技術解唔解精無咩分別囉…胚胎師都係揀一粒最靚嘅嚟用
我唔知你的身體狀況如何,除了情緒,身體健康才有條件生育出健康的小朋友, 所以請調理好身心,健健康康孕育新生命.
我會叫人生完第一個
再諗清楚先好生第2個
生第一個可以話未試過點知呢
生第二個就真係堅諗清楚了
根本上一代好多女人都係咁, 做家務煮飯照顧人就係佢既精神寄託, 其實佢精神上就係需要呢d 事情去肯定佢既存在價值, 所以你唔俾佢做佢又唔滿意。例如有d 老人家根本就想幫手湊孫, 但又要一路湊一路怨辛苦, 扮唔想湊, 但你話屋企請左工人姐姐湊, 佢依然係都要"上黎幫手", 然後話你工人湊得唔好
但佢地又想唔承認自己係咁樣, 又要怨辛苦乜乜物。仲要覺得自己好獨立呀, 自己住無問題等等
可能你朋友已經無同佢一齊住, 所以開始變成完全精神無寄託?
1個讚
其實前者同後者都可怕的
所以成日話生仔(女)要考牌咁解
生完一個應該都好清楚咩料
但係有啲第一個係天使bb，第二個唔係會崩潰都聽過。
同性格都會遺傳既。
我奶奶就係咁，但好彩佢唔會係咁怨。
1個讚
想用同路人身份俾少少鼓勵樓主～
從來我以為自己成世都係咁焦慮架啦，爭在幾多歲先開始有抑鬱架啫。
到到依加原來自己其實離開緊果個方向，已經覺得好好。老公/身邊人每次嘅提醒，我都唔defense住，真係停一停諗一諗，倒底我想要點嘅將來。
身邊仍然有朋友間唔使講啲無心但串咀+想踩低我嘅說話。每次同老公分享，佢都可以一笑置之，就覺得我老公嘅心態係我好想得到嘅嘢（樓上都有幾位嘅留言都係好識接呢啲咀炮，同埋心態又係好好，我都好欣賞，覺得大家轉數快又好識保護自己）。而我父母到依加都仍然係間唔使會冷暴力+否定我，我爸直頭會質疑我點解有咗，佢接受唔到（明明我3x歲結咗婚幾年lol) 仲搞到我喊，好似我有咗係錯事。
呢啲經歷雖然係條刺，但同時可以提醒我要堅強同保護自己。有朋友提醒我「你做媽媽都唔保護個bb，咁邊個保護佢呀」，更加覺得我為咗bb將來，要好好放鬆，我唔想佢同我一樣充滿焦慮同壓力。呢個世界啲人唔會因為你係高敏人/焦慮人就溫柔啲，唯有你自己改變心態去面對～
1個讚
因為佢地冇得簡，又放唔下身段出去做一啲基層工作
細個果陣，我媽成日笑我個鄰居去做麥當勞，話人地掃地婆，其實我不知幾羨慕人地呀媽咁「上進」，後尾呢位鄰居仲供到個女去澳洲讀書
1個讚
物競天擇，精弱理應無後代
中間發生咗咩事我真係唔清楚，因為我同呢位朋友都斷咗聯絡。
其實都做咗十幾年朋友，係好可惜。不過可能真係關遺傳啦，佢都俾佢阿媽影響得好深，佢呀媽經常否定佢，佢都會經常否定我，又鍾意周圍批評人，見到人地過得好就唔開心。後生嘅時候我就冇呢個意識，係我識咗老公之後呢個朋友單單打打我，俾好多說話我聽，明明我經常迎合佢，但佢成日都暗示我得罪佢。可能我過得比佢好就已經得罪到佢啦（佢認為咋，我都唔明比較黎做乜）。拍拖結婚後都忍左佢幾年，後尾我都頂唔順。
都係果句，兩母女本性係幾好既，但情緒上真係出哂事，身邊人真係會頂唔順。
2個讚
呢類人心地唔一定差，可能係好嘅
係成長環境，有 d人好受父母影響
唔關你事，佢地係要不停揾人批鬥。會向成日接觸嘅親朋埋首，跟住到家人。一定有一至兩個目標
唔可以比佢地知道你有唔同思想，意見。
佢地憎人時會周圍唱個個人，家人都唔放過，要其他人一齊攻擊佢地憎嘅人。明明個個被攻擊嘅人唔係咁差。
但唱一排，啖氣落左又冇事咁，又可以出雙入對。
朋友就疏遠算，家人就冇法。
同呢類人一齊，係長期精神虐待，會痴線
2個讚
咦係喎，你令我諗起啲auntie輩，唔做嘢嗰啲好鍾意擴大自己犧牲，情緒勒索，最差嘅就係搬弄是非笑人哋，明明自己係唔做嘢懶嗰個
另一個auntie做校工，兩公婆死慳死扺，三個仔女都去澳洲讀書
3個讚
做嘢嘅會更加擴大，會講到另一半好似完全冇錢拎返屋企咁。其實都係公一份，婆一份，只係邊個揾多d
1個讚
我只講我認識嘅上一輩aunties
我知
但主要係性格問題，做得越多講得越多
2個讚
以前上到中學
見到其他同學親戚媽咪出啲做嘢
好多都係基層工，真係清潔，貼街招，惠康執貨果啲好基層同低技能嘅工作，你見到人地呀媽有接觸社會，待人接物講嘢係正常啲
但有啲人有經濟壓力但放唔抵身段出嚟做嘢，咪揾照顧仔女做藉口、又怪個男人揾唔到錢
4個讚
不過我哋都冇辦法，上一代嘅性格…雖然個陰影的確比較大
雖然咁講好老土，但我覺得上一代唔出嚟做野，成個生活好狹窄，好容易諗埋一邊出問題
3個讚