樓主要強啲，決斷啲，人生掌握喺自己度，有啲文字太多我睇唔切，但我知道你而家一定要先搞掂夫妻共識先
你講左我心個句，樓主呢種性格真係好煩，任何人都唔係你肚入面條蟲，唔講點知啫，你做到哂咪你做囉，我點知原來你唔想做啫，夫妻之間要坦誠就係因為呢個原因，你唔講個老公都唔會知你想點
根本有冇人錫好唔好命同撒嬌完全冇關係，係關個人性格事
人地講個事實出來，唔岩聽，又話唔係咁，佢只係想聽到想聽嘅野
你好叻、睇晒咁多字
我自問好睇得字、都睇唔掂
我好多時係睇大家回覆去估樓主講過的內容
似乎你夫妻倆的相處模式有點疏離，要加強溝通喔
其實養成紀錄所有支出是良好的習慣，一目了然對大家都好，你老公又不是不捨得，你又可以慳番d口水不用逐項解釋，更可留時間同心力去溝通其他重要事，無端端為錢嘈好無謂
基本上你老公話放假去台灣，我立即就去估原因係放唔到，但你兩個都要較長時間才了解到
你老公講到明寧願俾附屬咭多過家用，我覺得比較 flexible 同容易接受，但你自覺貪錢而拒絕，引申去其他事情的處理手法，其實你的自我感覺良好discourage 了你老公，根本佢都無incentive 去再進一步對你對家庭付出，此事與你會否撒嬌無關
要獨立自主無問題，但可以再 revise 條底線，再諗下如何改善溝通，簡單事情不要複雜化，保持良好的心情去共同面對，good luck
3個讚
你講得好啱，正如我都已經多次寫咗我知係我嘅問題，多次講左我會改同檢討，我老公冇錯，我唔應該開post話佢，應該坦白同佢講自己感受同需要。更加冇理由期望大家單憑我情緒化地講嘅一兩件負面事情而得出嘅想法同結論，係能夠完全冇誤解同反映到事實嘅全部。
我承認我offensive左，同相關網友講聲對唔住。因為我認真考慮左廿年終於有勇氣同決心去做嘅事，被人用｢為生而生｣去否定左我覺得唔公道，但其實我都冇必要去爭論呢樣嘢，大家認知同理解唔同。同埋我真係覺得自己怪錯左老公，所以當有人仍然覺得我老公有嘢隱瞞我防我呃我，我就覺得都係因為自己當日鑽牛角尖說他的不是而令大家咁睇佢，所以想幫佢解釋同澄清返。
其實成件事最錯都係我因一時意氣出咗呢個post，我做完手術明知自己身心狀態唔太好就應該好好休息而唔係去亂諗嘢挑起事端，花咁多時間喺呢度解釋令自己狀況更差。呢個平台一向大家係比較溫和同supportive，我唔希望因為我令呢度變左批鬥大會，所以呢個話題可以到此為止，唔再浪費大家時間同心力。感謝。
你好多個point都講得好啱，我會跟你建議去做同改善，現階段我都要好好處理自己身體同情緒，繼續之後嘅路。謝謝。
如果一件事要花廿年時間去考慮先決定到，我諗哩件事應該係可有可無先可以咁樣浪費咁多時間去思考。
Sorry 樓主，明白你只係想有人呵呵，但個個留言都同你背道而馳，係難受嘅。
希望樓主未來日子順順利利，得償所願。
5個讚
生啦！我都生咗兩個，係辛苦，但係我冇後悔
祝你一切順利！
2個讚
係因為關乎另一個生命，唔想魯莽而為
記得好好處理內心焦慮，放鬆去做一個開心嘅人，當你開心幸福，你個小朋友都會俾你感染到
1個讚
樓主千其唔好生，仔女辛苦你又辛苦。
我老母同你差唔多，
自負自憐，唔聽人講嘢要話事但又唔係樣樣做得嚟（好正常姐）。多嘢諗，少少嘢咁又唔係，咁又唔係，兜兜轉轉，問人答唔出理想答案又當人無到，繼續諗。
用一生時間去醫治童年就係因為有咁啲源生家庭。而家一年見下幾次面都好夠了。
1個讚
唔講樓主，講媽子
我媽子都一樣，明明就享受做照顧者角色，但就強求受照顧者要識感恩，如果唔係就一咪自怨自艾兼情感勒索，話咩咁辛苦都係為咗你乜乜乜乜
3個讚
上一輩好多係咁
乜都攬曬上身做、跟住話全世界乜都唔理
得佢一個辛苦…
最鍾意講「前世欠咗你地」
4個讚
真係好驚呢類人
叫佢唔好做啦，佢又要繼續做，繼續怨
3個讚
其實佢冇得做先唔自在
2個讚
我以前有個朋友個阿媽就係咁，乜都攬哂上身，但又乜都怨。我成日上佢地屋企，都相處左十幾年時間。
佢心地幾好既，但日日嘈嘈嘈怨怨怨真係幾煩。朋友叫佢唔駛煮飯，佢點都要煮，煮完就怨咁辛苦之類。
呢幾年冇同呢位朋友聯絡，最近係街上遇到佢呀媽，冇見幾年成頭白髮，最可悲係變左個癲婆當街周圍鬧人，見人就追上去鬧，唉。
1個讚
呢度好多老一輩阿媽係咁，做做做但又想人地自動明佢想點，唔明佢又怨，怨又唔肯講咩事，一日到黑得個諗字，好煩
同埋人人好命嘅定義都可能唔同，我覺得好命係生活開心有經濟能力，家人健康，唔使下下睇人面色，但樓主就想有人主動獻殷勤唔出聲都有人錫，或者嗲下就有人自動takeover哂所有野，但我覺得呢d唔係叫好命，叫仰人鼻息，成日諗住點先令人地知我想點
有 d 會 pass落下一代，搞到下一代都好陰暗，表裡不一，負面。
同孫一齊相處，又會潛而默化 d 孫
要遇到一個好有耐性，積極，正面嘅另一半先可能改變到。但好易又復發。因為已經係本性
2個讚
上一代受嘅教育、見識冇我地呢一代咁多
資訊又唔發達，呻可能都只能對住啲三姑六婆呻
好容易諗埋一邊
我哋呢代好少少，有事起碼可以上網揾唔識嘅人講、睇書睇片選擇又多咗
1個讚
佢地會揾身邊朋友親戚鄰居講足幾十年，講到身邊人都怕左佢地
反而係上一代唔知放負呢樣野，聽個個好易信晒講個個，但聽足幾十年會覺得唔對路
1個讚