可能同社會經濟唔好關係大 d, 成世人係咁做，冇娛樂。平衡唔到
我有時都覺得自己衰，成日怪佢哋，真心佢哋自己都未必知問題所在
原來咁多人都係咁，
以前老母成日周圍講我喺屋企懶咩都唔做，
日日唔返屋企，
我家姐當時已搬出去住，信哂，
搞到我同佢關係都差埋。覺得我不孝
佢無得救了，惟有最後我真係咩都唔做俾佢睇
係呢種家庭成長，兄弟姐妹感情都唔會好
因為阿媽對住大講細，對住細又講大。
明明唔係冇錢，但最鐘意講錢。呢樣你出呢樣佢出，你出幾多佢出幾多。
好時乜都買埋比你，唔好時逐樣數。所以最好唔好接受。
2個讚
佢哋真心覺得自己好辛苦好偉大，所以冇乜好講
唯有另一半好可以幫下，但另一半本身要好正面同有堅強意志先得。
你真係講中哂……佢話完我，啖氣落左又會繼續做朋友
其實每次諗起佢既好都覺得好可惜，每次難關時佢都會伸出援手，只係我處境好過佢時（佢覺得啦）佢就唔會見我。初時真係冇意識到，以為係佢間唔中會唔理人，慢慢先發現有呢個pattern……
（唔好意思騎劫左樓主post）
佢地好時唔介意出錢出力做蝕底嘢，但又好黑人憎
我都唔識講
敬而遠之，保持距離，係最好嘅維持關係方法
1個讚
樓主，覺得我哋經歷有啲相似，我都試過流產，一次化學，一次做刮宮，一次做藥流。之後去咗台灣做ivf, 抽咗三次，嚟緊會再去。
你所講做Ivf嘅辛苦，我完全明白，因為我全部都經歷過，但其實呢啲情況真係最基本，先唔好講唔知做幾多次先成功，好多人同我一樣，有免疫問題， 要食藥吊針打肝素直至生。當初我覺得打排卵針好痛，又吉唔入，吉入後又推唔到。點知見到人地研究緊樣打肝素先至唔瘀，因為成個肚都瘀唒唔知點落針，仲要支針係每日打，即時覺得自己嗰啲唔算啲咩。
明白你可能講呢啲都只係想呻俾老公聽，令佢著緊呢件事多啲。但如果佢本身唔著緊，無論你點逼迫、撒嬌、陳述利害，都好難霎時間改變，始終和性格及價值觀有關。
如果你唔係太想生，只係為咗老公想生而生，當然會覺得受咁多皮肉之苦好委屈。
建議你審視下你同老公想生小朋友嘅意願有幾多。如果10分滿分，你想生嘅意願係7或以上，佢只係得3-4分，代表住無論懷孕期間甚至bb出世，有機會你都係會付出最多最著緊嗰個，你有能力𠄘受同會接受仍然選擇生？
如果係嘅，你就改變心態，做Ivf係你追求緊自己想要嘅嘢，無論打針食藥幾辛苦，都係為咗將來嘅BB努力，咁無論打針抽血幾痛都容易接受好多。至於老公方面，只係尋求佢最大嘅幫助。
當你心態改變，唔再以受害者角色自居，唔再強求對方同你一樣著緊，你就會比較理智，能夠冷靜地表達自己要求，接納被拒絕同尋求方法達到目標，當你比較穩定，老公亦會比較願意溝通同協助。
可能你會覺得好唔公平，生仔明明係大家嘅事，點解著緊嘅係自己付出比較多，但無奈做Ivf定懷孕過程都係女人負責95%既事，男人付出嘅只有精子同金錢，針唔拮到肉唔知痛，佢可能知同見到你辛苦，但真係得嗰知，要佢感同身受就好難。如果你因為佢唔夠著緊而勞氣，你好容易情緒不穩。
你老公起碼都算支持做Ivf，肯付出金錢，如果真係唔夠，你可以再同佢表達，期望佢會自動加碼就真係唔使諗。
請假方面，我老公都係工作至上嘅人，你嘅疑惑我都有過，例如明明話驚冇假唔請咁多，點知一個月後話要清假要留喺屋企一星期。但無論係咩原因，著眼點應該係點解決件事，無謂再同佢請假嘅理由糾纏，既然你想集卵，可以先雪卵集齊先再受精。事實上，幾時抽卵都好難預知，臨時請假的確有難度。
另外其實好多人都係自己一個嚟，即使自己一個喺台北到可以好好享受。上次我去咗中正紀念堂睇櫻花，士林官邸睇鬱金香，全部有send相俾老公，喺佢角度睇，可能覺得自己好辛苦做嘢，個老婆就嘆世界
但我覺得，好好enjoy係台北除咗Ivf之外嘅旅程，心情放鬆啲，都對ivf有幫助。
就算老公真係好心痛你，覺得你好辛苦，但有啲嘢始終都係要自己面對，打針係打喺自己度，食藥喺自己食，對自己好啲都好重要。
12個讚
真是可悲呀，要自己去IVF.我嫂找何x超時每支排卵針也自己。晚上等到零霄就比款，反而老公早收工也自己饭局。你這境況就算+月懷孕，希望你先生轉性。奉告年紀太大，有機會開刀或胎兒生產有特殊情況。香港十五年前，陳x慧收費也三+萬起。當時李KY也同時懷上，你要自強！咪等男人過款呢