我會提醒同警惕自己，或者我ego太大，我都要學放低d, 要人幫就出聲，接受人幫，就冇辛苦，冇咁多牛角尖鑽。
我同自己講，唔好入媽媽谷，少好多煩惱lol
我自己係連屋企group都想quit嘅人，我應該唔會入媽媽谷，真係唔可以入，尤其是我仲係易受人影響時，入呢d谷係自尋死路
呢d都有諗有傾，例如生仔一定去私家生、生左要請陪月、就算唔請工人都請鐘點上嚟幫輕家務(佢話請工人嘅，係我唔想屋企多個外人)… 呢d講好左，佢預左要使呢d錢。我會學識，有需要就坦白直接同佢講，寧願一開始講多d講大d，我嘅問題係我通常一開始會講細左寧願自己包底，但包包下又發覺自己唔想包lol…
有好有唔好。好處就係會有好多資訊同有咩問人，佢哋都好快覆。但如果你身邊有有經驗人士，唔入都得。
我幾鍾意吹水所以我有入
不過我都明點解成日有人叫人唔好生，因為做啊媽都算係一件苦差，同結婚一樣，嫁得好可以改命，嫁得唔好就喊三聲。同就算男人出幾多錢都好，痛個個/挨一刀都係個女人。
不過我同意有錢可以解決90%問題，除非有病痛。
我都覺得我係有幾多貴人，就算老細都對我幾好。不過我覺得一黎係因為我好outgoing同會成日笑，好多人都鐘意同我玩，咁男朋友更加，多數佢開心又會對我好，一個循環咁。另外我都好理智，對我唔好既人同事我都唔會接觸。
再加上我唔係易唔開心既人。基本上每日都幾開心
真係同你完全相反
我係照顧人嗰個，同朋友出街食飯/去旅行etc.，99%係我決定/帶路，同我一齊可以唔使用腦，因為所有嘢我會諗晒解決晒，又唔介意做多d付出多d… 嗰時個公主病朋友，約去旺角唱K喺neway等，佢遲到兼喺地鐵站打嚟話唔識路，我係會行返去地鐵站接佢嗰d… 之前返長工，我係超照顧新人嗰d，我老闆一定交新人畀我帶，然後其他同事唔做嘅嘢我攬晒上身，久而久之培養到其他人卸膊將d嘢推晒畀我做，我之所以轉做freelance呢個係其中一個原因，我唔可以有同事，唔可以teamwork，因為我會好蝕底，我而家所有projects係one-man band，就算有teammates都係分工好清大家做唔同類型嘅嘢，等我冇機會發揮｢照顧者｣嘅角色，可以自顧自各有各。
通常我呢類人就係會吸d需要人照顧嘅人埋身，that’s why你都從來不缺人照顧你，照顧者會自動吸左埋嚟。
請教你，點樣先唔係為生而生？
唔鍾意小朋友就唔會｢想｣生，咁｢想｣生係唔係為生而生？拿，｢想｣係一個個人欲望嚟，咁你覺得因個人欲望而生係咪為生而生？定係要為左世界和平、造福宇宙而生，先唔係為生而生？或者要未來個B向你報夢，話喺天堂揀左你，you are the chosen one，先唔係為生而生？
搞清楚一樣嘢，生仔從來係一個個人欲望、可以話係自私嘅決定，我覺得所有想做父母/已為父母的人首先要有呢種自覺，有呢種自覺先會懂得為一己私欲嘅決定負全責，考慮過後果，打死無怨，不求回報，同時要尊重子女係一個個體、一個獨立於你的生命而唔係附屬品，佢已經喺冇得選擇嘅情況下滿足咗你成為父母的欲望，佢冇責任再滿足你其他需求或保證你開心唔失望，你嘅角色只係帶佢嚟到呢個世界同佢一齊經歷同成長，走人生嘅歷程，原因係因為你想經歷呢一切，不論好壞，冇人迫你。
而家唔係呢個世界需要你生，唔係你個小朋友好想出世好想你做佢父母等你救贖，如果咁樣諗，你會覺得係自己偉大犧牲去成全同賦予佢生命，佢係你嘅附屬品，簡單嚟講係佢｢欠｣左你，咁係好危險嘅事，好多悲劇、好多人要用一生治療童年，都係咁樣嚟。
當然你可以唔生，因為喺你角度應該冇一個legit reason去justify生仔呢件事，如果有我願聞其詳。其實所有原因都可以被解讀成為生而生，我只可以講生唔生係個人選擇，但選擇生就要有自覺，承認自己自私係第一步，然後先能夠學習真正無私。
(1) 同 (2), 你講得好啱，我會自我檢討，係我的矛盾令人無所適從
(3) 佢唔係個個月都難請假，係咁啱下個月撞左佢阿姐放假。同埋佢白痴，成日覺得一請要請4,5日陪我由取卵到植入整個過程，我同佢講，請唔到咁多日的話，佢其實係可以即日來回，即係前後請兩日，佢之前係完全冇諗過有即日來回呢個option… 只不過下個月佢阿姐放假嗰幾日係踏正我取卵到植入嗰幾日，佢係一日都請唔到，所以我地都決定成件事順延。台灣平同好香港太多，如非必要唔會揀喺香港做。
我覺得越刻意帶一個B黎呢個世界越係為生而生。順其自然有就有，無就算個啲我唔認為係為生而生。當然呢啲只係我諗法。
咁因為鍾意小朋友，所以唔避孕，順其自然，係咪為生而生？因為你話鍾意小朋友而生都已經係為生而生。
你可以將件事簡化成咁嘅，不過如果你知多d IVF父母嘅經歷同心路歷程可能你就唔會咁諗，不過你冇接觸過可能唔明。順其自然有就有，冇就冇，咁可能都唔係真係咁想生。
係架，但抱住唔得就算我唔認為係為生而生。
我大仔我係刻意生，就算只係試左兩個月，自然受孕，但中間經歷高計算生理期又用啲clear blue, 好堅持要有，我覺得係為生而生。
雖然唔係好明你logic，但根據你logic其實所有人都係為生而生，就算唔計排卵期嗰d去協助，唔避孕嗰下就已經刻意左，萬一中左就已經係為生而生，唔中就梗係唔係，因為都冇得生。
跳返出嚟，其實｢為生而生｣都唔係咩罪大惡極嘅事，你自己都係，所以應該冇理由因為覺得人哋｢為生而生｣而批判人。
嗱我細女係無諗過佢出世，咁佢唔屬於「所有人」都為生而生。我自己都係意外，我媽話我同我女都係追住黎出世黎陪阿媽。
我無批評過你喎，請你睇返上面文字。
即係只有意外懷孕唔係為生而生。
我哋對｢為生而生｣嘅definition同睇法都唔同，似乎你嘅睇法唔係好似其他人咁負面，批評criticise同批判judge係唔同，我冇話你批評我，但你問我咁辛苦做IVF唔係為生而係為乜，咁簡單d喇當我係為生而生喇，咁其實都係冇問題架係咪？
都係嗰句：未生已經咁多問題，生咗你後悔莫及
我比較怕未生之前咩都冇諗過，覺得完全冇問題，生左之後先話冇諗過係咁，然後逃避同推卸責任
男人同你講會湊，佢話一半end up有20%已經萬幸
佢唔刻薄，可能係我自卑，佢畀左好大份，我就自顧自，覺得自己付出唔夠多，所以到我失業或做IVF呢d要問佢攞錢，我自己問到出口都覺得心虛，好似有人留言話我唔得理直氣壯，係架，因為我覺得自己好冇用
佢從來唔使畀家用父母，所以會更加鬆動，我粗略去計佢每月扣除開支後，其實淨返嘅錢可能有我一個月人工或更多。所以我問佢攞錢佢會畀，但你唔問佢就唔會主動畀，唔似得樓上有其他jm個老公知個老婆失業之類，會主動畀錢/問夠唔夠錢使/寧願畀多都唔畀少，可能都關我平時太唔使佢幫又太硬頸事，佢咪覺得我唔出聲即係搞得掂… 但我都講其實我自卑心虛嘛唔想成日開口問呀嘛，但佢又唔係人哋d老公咁敏感體貼，所以咪會有矛盾位… 我以後有咩會直接同佢講架喇，原來講完傾完就冇事，上嚟開post呻搞到大家又搞到自己真係好無謂lol…
但事實上生完一定有好多你冇預計嘅問題
作為一個生個小朋友嘅呀媽，既然你都察覺到自己自身都有問題要面對同改善，不如搞掂咗自身問題先迎接一個新生命
就算個老公話會幫手會比錢，信一半都比多，更何況你未有bb佢已經咁多嘢令你唔開心
因為養大一個小朋友就算兩公婆同心合力都係一個艱巨工程，如果你係唔覺唔覺乜都攬晒上身做，只會好痛苦
都知十個有九個男人係咁，所以之前已經有拎住呢個point同佢傾，捉住佢睇左套法國片<<快樂孕記>>就exactly係講個老公唔幫手湊又唔體諒老婆，搞到痴痴地，又搞到差d離婚，然後同佢影後討論，話如果會搞成咁就真係唔好生喇lol… 佢嗰時話唔會咁，當然我都係信佢一半喇… 但呢d你諗一世傾一世都冇答案架，我都諗左廿年喇…
明白呀，會再諗再傾，盡量解決多d問題有多d共識先，而家下月植入都on hold, 而且講真有得植入都唔一定中，仲有好漫長嘅路
上面已經好多網友講左，你個人真係極度自相矛盾，睇到人火滾
又自憐又自負，成日會覺得自己慘，一係覺得自己唔夠好or做唔到，同一時間又覺得自己叻過人，好獨自乜都自己黎，又會攻擊網友
覺得自己唔好，但唔受人安慰；覺得唔夠錢，但又唔拎錢；覺得自己做到，但又怨另一半冇做
自己想人地咁做但又唔出聲，人地一冇咁做就覺得人地有野屈住屈住
好痴線，好怕同呢D人做朋友，因為我做乜野，你都會無限放大，又會覺得我好多不是，自己又不斷輪迴自憐自負中
一班網友真係好唔話得，又俾建議又俾安慰又俾提醒你，你一個唔岩聽就變offensive，咬文嚼字追住人黎話
網友講俾你聽婚姻應該係坦承，你又話呢個唔係金科玉律，自己同另一半係不過問對方事；同一時間就話人地冇諗到你開支有幾大
真係睇到人好火滾