係呀，我聽過好多好自私嘅男人咁做，老婆仔女走晒，喺香港成個皇帝咁。
所以樓主老公一開始拒絕咗，我覺得唔係單純只係為仔女，其實佢都好緊張老婆同屋企。
6個讚
係緊張就唔會搬個阿媽出來啦，唔捨得有免費工人服侍咋
呢個男人我唔覺得佢有當過老婆仔女係屋企人囉，佢屋企人只有佢阿媽
無錯，佢係咪真係會照顧阿媽，幫阿媽煮飯？做家務？佢阿媽係行動不便之類？如果係，咁我就會理解同體諒佢想留低
男人可以有一百個原因留低，我哋做阿媽只係為咗一樣野走，就係小朋友。如果留係香港日日對住呢條刺係會唔開心嘅，好容易影響到小朋友，佢日日睇住父母冷戰嗌交唔通又好咩？父母感情係點，小朋友係感覺得到架
隔空俾個抱抱樓主先
明白你呢段時間既付出同委屈
我都做過申請人(雖然不是英國) 一大堆文件要睇要處理，搞好晒先話唔去，我 xyz 佢呀真係
其實小朋友幾多歲？我覺得年齡同性別(or 性格) 都有唔同影響
佢一早話咗一齊過去？只係臨走前有感受都好正常呀。
我嫁前都試過喊住同未來老公講唔捨得離開屋企父母，其實都係想老公開解下，唔等如要留返喺屋企唔想嫁。
3個讚
即係佢講完一堆說話
你就話要離婚，小朋友跟老公都冇所謂，只要放在小朋友喺第一位就OK
咁其實你係咪真係想離婚㗎？
如果唔係就唔係就唔好意氣用事
反之亦然，如果係想離婚，諗吓小朋友如果最後唔係跟你的話，咁你仲去唔去英國
我同佢相處多年，佢有多孝順我怎會不知。
但原來佢睇唔到我多年處處讓步係出於我對佢既愛同包容，現在我為我小朋友作打算，竟變左分割佢同佢媽既罪人，我真係失望至極！
無錯！種種因素我覺得佢唔夠愛我，好自私。佢話會按計劃行，會同我同小朋友一齊離港。但大家都心存不滿同怨念，我唔知可以點行落去。
我經常話快樂童年好重要，我唔希望小朋友係單親環境長大，始終佢同爸爸感情好好。所以我好爭扎，為自己分開？為小朋友繼續將自己放最低點，保持家庭現狀？
你留言中哂我心，多謝你
2個讚
小朋友讀小學
多謝你的抱抱
1個讚
我會的。多謝你
單親並不等於失去父/母的愛, 小朋友在和諧的單親家庭成長會比在嘈吵或冷淡的雙親家庭成長更為健康.
是否離婚, 應該從心, 不要為孩子勉強維持婚姻關係, 孩子都希望與真正快樂的父母相處. 你不快樂,總會有負面情緒, 你的孩子是知道的, 他們也不會快樂!
如果經濟可以負擔到, 離婚後一樣可以移民, 爸爸可以長假期飛去探小朋友.
小朋友是否已有個人判斷能力? 如是, 將目前情況如實告知, 與他們商量未來如何計劃.
1個讚
正正係佢孝順，你當初先會揀佢做老公？
你寫嘅字𥚃行間都俾我感覺到你知老公一直好愛錫同遷就你，唔捨得你嬲，你亦都好 appreciate 同好愛佢，因為有左小朋友嘅夫妻仲有愛情係好難得。
問心，你一定知佢責怪你嘅呢堆說話唔係真心話，佢只係想表達佢好無助。
認真，你應該proud of 你自己係佢最信嘅老婆: 佢喺你面前飲酒，再喺你面前坦白講佢面對佢媽嗰種不孝感，係因為佢當你係最親嘅人，佢feel safe 喺你面前 break down。佢知你會幫到佢。比著其他男人，寧願同兄弟或者搵個妹妹仔呻。
男人可以遷就女人所有嘢，但講到對阿媽嗰種虧欠感，係好需要老婆體諒同support。
我都好信佢為咗老婆仔女揀好咗去英國唔會變，只係求老婆安慰。
男人諗嘢好單一，佢跌咗喺虧欠阿媽嘅 mindset，就無力氹你。
4個讚
小朋友仲細，未有判斷能力。小朋友好愛爸爸同媽媽，因為雙職好小時間陪到小朋友，小朋友好鐘意我地一齊陪佢。佢既世界爸爸媽媽佔好大。
我好認同。所以我一直問自己，為小朋友繼續保持現狀可唔可行? 我地唔係因為背叛鬧翻，我地之間冇恨，暫將大人感情放埋一邊，一切順其自然。
唔好意思，我打完都覺得自己好自相矛盾。
多謝你意見。
首先你仍然愛老公嗎？如果唔愛，離婚係合適，日日鬧交都會影響小朋友。
如果你仍然愛你老公，你可能從佢角度諗下呢幾條問題，佢嘅睇法是否合理？
- 丟低老人家在港 - 我真係見過唔止一個case，後生嘅移民一年左右父母有急病需親人照顧（腦退化，癌症），結果兩公婆要輪流返香港照顧老人家，仲要已經搵到工，為咗返港唯有quit job / work from home（有時差架喎）
- 唔想小朋友被社會塗毒，有咩options？讀國際學校可以嗎？國際學校小朋友真係不問世事嘅，老師亦好open，喺屋企可以大講特講CCP啲衰嘢，我屋企就係咁。
- 佢會唔會都擔心唔適應外國生活？有一次老公同我講真心話，佢話佢驚聽唔明外國人嘅英文，所以想用多幾年學英文先走。而佢又真係努力緊。
我同老公都有類似嘅分歧
對佢嚟講自己父母佢錫，小朋友也錫
佢都好矛盾做唔到決定
最後我話13歲送小朋友去boarding
佢竟然offer一個人跟小朋友去英國一年，等佢容易適應啲
雖然我哋唔係移民，但我唔覺得佢自私…
3個讚
既然係咁, 以維持和諧的雙親家庭或共同撫養為出發點去決定是否移民吧!
但以個人經驗所得,破壞婚姻關係的並非只有背叛, 冷暴力或冷漠也是致命傷. 不要忽視後果. 尤其是已經試過一次危機,但情況沒有改善的話, 不要期望對方會有根本性的改變.
溫馨提示: 不要委屈自己,你快樂,你的孩子才會快樂!
佢有表達對於對奶奶既虧欠，從我身上感唔到支持反之覺得我取笑佢軟弱。但我真係冇，我唔知點解佢會咁覺得? 或者我在計劃移民中太理智? 其實我又何嘗不是萬般擔憂與無助。
我眼中孝順係優點。成為爸爸老公後，唔能夠只顧呀媽，係佢要組織家庭，帶小朋友黎世界，要懂得身份分配。我好努力唔俾佢原生家庭影響我自己家庭，所以我先會對佢失望至極!
1個讚
你先生好成熟
多謝你提議
正因為已經經歷過一次，今次比上次更失望同唔想再委屈自己
多謝你
世事難盡如人意, 希望你找到出路, 愛孩子, 亦要愛自己 
佢咁委屈，我打死都唔會叫佢跟埋去英國，過到去佢有排煩，一陣阿奶奶有乜頭暈身慶賴晒落你度
我都認為就算男嘅一齊過去，可能有排埋怨
女嘅留係到，怨氣都唔輕
雙方相處有問題，最好係原地解決左先。
如果明知有問題，重繼續一齊移民。去到好返當然最好。
不如諗清楚其實係米自己想移民，就算細路唔跟自己都會走
有 d大人一開始口講為細路移民，其實佢地心裡自己都想走。
搞清楚自己鍾意外國生活移民定真係為細路移民先。為自己走都冇問題，最緊要安排好細路之後跟爸爸生活。