真心我覺得佢哋係自私。
佢哋父母為仔女做嘅就偉大，我哋何嘗唔係為仔女付出？何嘗唔係做返佢父母要做嘅嘢什至更多？而家又雙重標準，根本冇人為小朋友諗過，口講幾錫都冇用
最後無論點都好，發覺女人要多個錢傍身、有工作能力同惡過佢哋，唔好比佢哋支支左左
佢只係唔想離開comfort zone，就攞孝順做借口呃你囉，同佢分開啦唔使恨，你移唔移民都好都應該分開，唔將老婆仔女當係家人嘅老公要來做乜，做同屋主咩
4個讚
其中係傳統觀念，上一代一心老來從子，然後小朋友天生天養，觀念冇進步過，對住小朋友仲用父權觀念，老咗就困在身邊照顧自己。
相反，而家走咗見到世界咁大，更加想小朋友有自己一片天，做自己鍾意做嘅事，照顧到自己，可能咁樣諗好天真，或者將來好可憐都唔定，可能病咗但仔女係第二個國家唔係身邊
1個讚
我唔會以男家為先，佢捧佢阿媽出嚟，我可以比佢孝順十倍，我要隔日返阿媽屋企，佢要跟埋，否則日喊夜喊，睇下邊個死
其實而家嘅老人家，講緊都5 60年代出世啦，唔係以前古老18代個d啦喎，識上網識自己周圍搵野做啦
不過樓主，唔好諗住放低小朋友比佢，呢個最壞嘅結局，犧牲左咁多最終小朋友都係走唔到唔值，諗吓其他方案
你最尾點解決？
我十萬個唔想小朋友跟佢。如果結尾真係離婚，我會爭小朋友！
好坦白同佢分析 同埋 攤牌，點樣一齊走落去，重申小朋友嘅人生先啱啱開始
有啲仲係勁傳統，家務粗重野女人做嗰啲
我覺得個男人冇擔帶
成件事應該一齊面對, 唔應該將個波推俾你, 然後怪你迫佢. 明白佢不嬲孝順, 但亦都要對自己家庭負責.
我唔一定話要走或留, 但當魚與熊掌不可兼得就要取捨. 唔好話男唔男人, 果斷D做個決定, 一路拖係唔會有出路. 要諗嘅係選擇完之後再補賞返另一面
咁即係唔係為小朋友移民，係自己想移民？自己一個走都 ok?
講真，就算樓主一個走起碼都係為個細路鋪條後路，漁村有乜事成家唔使攬炒。叫奶奶彌補母愛囉
有細路唔係咁諗
咁要睇下個男人適唔適合湊細路。會唔會虐兒，唔理細路，有左第二個女人之後唔理個細
萬一以上情況發生，樓主係米接受到？
可以唔帶小朋友，自己走嘅，移民決心都好大。咁就走，唔走留係到埋怨對方都唔係一件好事
我想帶小朋友一齊走
咁要同佢講明小朋友跟你走，如果細路細，要正式離婚，佢要簽紙放棄撫養權。係走就搞清楚晒 d手續，否則影響入藉就煩
真係唔明啲男人點解唔一早講
唔走咪唔走
一早講清楚啦
浪費晒人啲心機時間去準備
我覺得你老公好自私
冇諗過你
自己唔捨得得走
就連小朋友都唔比個機會佢去一個好啲環境
樓主，我明白你而家又嬲又心痛，等過多一排再同佢傾啦。如果離婚，佢係會爭撫養嘅，即係佢都care 小朋友嘅，而你更係為小朋友著想。既然當初大家移民係想小朋友好，個重點應該放返係小朋友度，平靜d問佢而家係咪想小朋友留港讀書，定仲係未忘初心先？咁條路要點行？如果佢仲係覺得要帶小朋友走嘅，咁你問佢可以點？除非佢顛到為咗佢阿媽而放棄小朋友，咁我諗就真係冇嘢好講了。重點：大家冷靜理智咁討論。
BTW 小朋友幾歲？
p.s. 其實如果真係要行太空人計畫，可以提出試行半年先嗎？奶奶身體如果ok，可以當旅行咁，頭兩個月帶埋佢一齊去體驗吓？
1個讚
感覺你都唔捨得，你想用離開去睇吓佢仲愛唔愛你
我覺得佢唔係真係唔想走，佢只係唔知點面對阿媽同個內疚感，所以發洩咗喺你度。如果佢真心覺得係關你事，就唔會喺醉酒嘅時候先講呢啲嘢。
睇得出佢其實好愛你同埋都好愛屋企，所以佢先唔贊成太空人計劃。對男人嚟講，太空人計劃其實好爽。
我都覺得你好愛佢，但你哋相處嘅方式，大家都要面，講嘅全部都唔係真心話，都係拋出嚟試探大家有幾愛。
如果真係想繼續行落去，不如大家敞開心扉，直接問佢係咪當日嘅說話只係有啲無助，感覺對住媽媽好內疚，不如一齊傾吓點幫佢減低內疚感。可能可以同理下佢，始終嗰個係佢阿媽佢只係唔識面對咁解。你係同佢最親同唯一比到意見佢嘅人。
感覺當時大家講嘅都係氣話。如果為咗咁樣而分開，大家都會後悔
。
以前我覺得做女人一定要個男人要先主動示好，呢啲係矜持。而家學識咗溫柔都係武器嘅一種。
8個讚
自私