移民不簡單，大家一條心也要適應很多，何況你有刺，他對母親有心結。過去之後遇上什麼不順，大家會埋怨的。
我覺得，現階段可以先處理而家問題才移民。
樓主，其實我覺得你丈夫在母親的不放心下，仍然肯移，他的行動已經說明他很重視太太和孩子。
說話不好聽 ，但係睇一個人，係睇佢做乜，唔係講乜。
講真，我唔覺得要因為呢件事離婚。先退一步，代入他。
唔好介意，我覺得你比較focus 他的真言令你受傷，失望。但如果你代入他，其實佢為這個家放下了他很珍視的，這不值得欣賞嗎？
1個讚
樓主呢個唔係移民問題，係婚姻問題
如果夠愛老婆仔女，一定係第一時間諗左佢地先，如果第一時間諗起阿媽，即係愛唔夠或者冇愛了
反而要諗諗呢個人係咪仲做到夫妻，大於係咪要移民
解決到夫妻間感情問題，移民問題都會較易達到共識
2個讚
佢老公由頭到尾都冇話肯移，當初俾個老婆搞係唔想俾人煩，而家到埋門一腳就話唔想走，玩野咩，唔想走一早講啦
2個讚
咁你有冇問虧欠d乜？如果純粹養育之恩你叫佢收皮啦，父母養大仔女係天經地義，反而而家生左仔女而不理佢地前途去所謂盡孝先係不負責任
1個讚
根本夫妻關係有問題，就更加唔應該諗移民
就算去旅行，都要揾個啱傾
1個讚
個人覺得個老公唔想移，阿媽可能只係一個最好嘅藉口
1個讚
Exactly
其實唔想移咪唔想移囉，搬個老母出來做乜啫，仲要特登去飲酒扮醉，坦坦白白講唔得嘅
1個讚
好多男人都係咁，模模糊糊
都係文件嘢同三個人十幾萬 (唔記得要幾錢), 錢緊嘅人可能好緊張呢筆錢。錢鬆嘅人，米由你搞。去歐洲玩一次，買個袋都用左
真係 approved 先諗清楚去唔去
其實男嘅已經決定左，而家係女方決定。隔離 post 女嘅為男嘅留
要唔要留真係要睇2夫婦關係
佢老母就緊要，自己老婆仔女冇自由被洗腦就唔緊要，仲要問幾十次ok然後反口玩委屈，當然唔關移民問題唔關婚姻問題，係人格問題
對方想唔想移民，平時傾計相處都會知。
唔想就唔好迫對方，迫到又點？去到係米又要迫對方煮飯洗碗？迫人揸車陪去街？迫人揾工返工？迫種花？
這是我們的共通點，想藉此減低他對我的傷害，但最後還是痛還是失望。
成件事，是移民觸發的婚姻問題。而且問題一直存在，衹是以往未有察覺，所以現在的你手足無措，接受不了。但怎樣解決，就要現在和自己好好商量，想清楚後果，例如撫養權怎安排、能否帶細路仔自己移民等，所有資料都寫在紙上，有助日後做決定。
唔好意思都想講句，個男人要靠飲左酒先夠膽講真係唔掂，這話題正正常常講都易出事，更何況酒後失去部分理智？你叫我做人生重要決定時同個醉酒佬計較定點？個timing 真係差到無人有。
其實有沒有由小孩子嘅角度想過？如果幾十年前香港嘅情況都是這樣的話，然後當年有人叫我揀父母離婚而其中一個帶我去外國生活，又或者一家人留向香港然後我變成一個小粉紅，就算當時我擁有現在嘅心智和思想，我會揀後者。
移民係會有好大嘅轉變，我用了2年時間去說服我老婆, 然後嚟到英國這九個月佢都有好多埋怨，好彩佢主要都係鬧政府而不是怪我，所以我能夠心平氣和咁體諒佢。但是你老公呢？如果佢到時怪你的話你又可唔可以接受得到？咁當然如果佢識得諗，係怪政府的話咁對大家都好。
點都好我覺得你們兩個應該要再認真傾一下, 冷戰時間越長，就越不可能可以解決到問題！
2個讚
睇哂所有留言，覺得大家都講得幾啱。都令我諗到一個問題，點解永遠都係男人結婚或者移民要離開父母有咁多問題？我未聽過女人結婚/移民會拋啊媽出嚟。係因為父權嗎？點解女方既屋企人就唔洗照顧，男方成日都好似未戒奶咁。
同上一代既父母點解咁唔獨立，成日唔想下一代搬走。
不過樓主有冇諗過自己去探路兼冷靜一下。唔一定要即刻決定移民或者離婚。
1個讚
因為女人天性係保護仔女，為左仔女不惜一切，父母都唔理得咁多，就算未有仔女嘅，都會尋求安身立命之所來保護潛在嘅下一代，只在對身處地方感到不安，會立即離開另覓安全地方，但男人天性係諗自己先，邊度最舒服就係邊度，而最舒服最自在一定係自己屋企，所以死都唔想走
1個讚
因為香港男人鍾意聽女人話，一係跟老婆，一係跟阿媽。
香港女人獨立同個人思想強。好多嘢女人話事
男女都有啦、只可以話老來從子既思想太深入民心、呢方面仲嚴重過大陸
同埋香港可能地方細、有啲後生就算好結婚生子後都好倚賴長輩