以為已經跨過了早年的婚姻的難關(不是第三者)，原來沒有，當日已經埋下雙方的心病。
因為移民問題，今日老公終於開口講出對我既麻怨。
一直都知佢唔想移民唯一原因係因為奶奶，佢好鍚奶奶好孝順，這個係由我同佢拍拖時已經知道。由我開始提出移民直到開始申請前一刻，我都不斷重覆問佢係咪真係可以放下奶奶? 我因為唔想佢為難，亦唔想將來奶奶有咩事佢會怨我，大家商量過程中我提出過太空人方案，佢可以留港照顧奶奶，又可以繼續搵錢，只要定期飛過黎探我同小朋友就可以了，但佢拒絕，話會一齊走，而且對此方案反感，佢覺得我只想帶走小朋友而已。
我已經遞交左移民申請，可能佢感到一切逼到埋身，酒後吐真言了! 佢真的很不捨奶奶，覺得自己有多不孝。在這年事上面，佢感覺唔到我對佢既體諒同支持，看不到他的難處。反而覺得我笑他，看不起他。我聽到後，心真的再次裂了! 原來佢係咁睇我!
原來大家對大家都咁多不滿同怨念，我再次提出分開，今次我不再執意要小朋友跟我，只要佢答應小朋友永遠係佢首要考慮就可以了。今次佢也很冷靜，沒有像上次一樣求機會。
我地冷戰幾天了，大家都好平靜。我真的不知下步應該怎走。
移民都可以返黎香港架姐
咩「唔捨得」咁誇張啊
又唔係生離死別，依家仲有internet
可能最後係你同小朋友行落去
勉強冇幸福
由佢自己做決定
乜野都唔好講，廢事話你迫佢！
去、唔去，一句
你同時都做決定，佢去同唔去會唔會影響到你
定係佢唔去，你都會去？
諗自己
其實係唔係一定要依家走？等奶奶百年歸老入土為安先走得唔得？
我覺得為左呢啲事而分開有啲唔抵
我同老公都想帶小朋友去外國讀書，但我哋傾嘅期間發現其實我老公好驚我哋離開咗香港時佢父母有咩急病自己唔可以陪伴。我都有講我可以帶住小朋友係外國讀書先，佢又話想一家人一齊，所以都係再等吓先…
佢唔係拒絕左太空人方案，咁確定左一齊走係咪？
樓主應該唔係想討論移民問題
佢口話為小朋友會去
我唔想小朋友接受香港的教育，怕到佢夠歲數可以單獨出去讀書都冇咩用
係, 佢口話會一齊走
我地係有哂共識，我先申請一家移民
唔關移民事，係關你個老公扭屎忽花又唔坦白，又怪你事。淨係呢樣都應該要分開，好乸煩
係。就算最後係唔係一家出發，我唔知夫妻可以點行。佢將佢埋係心多年既說話講出黎，我要時間消化。
唔離婚，繼續共同一一簷下，扮夫妻?扮親人?我應該做唔到，家庭氣氛亦唔會健康愉快。
離婚，小朋友跟佢? 我萬個不想，我想小朋友跟我，跟我一齊去英國。佢要留港做孝子我唔會過問。但唔好因為自己做孝子而放棄小朋友將來。小朋友同爸爸感情好好，生活好多時我做醜人，爸爸係好人。我地分開，小朋友一定好傷心!
係。所以我好冷靜提出分開。
佢今次都好冷靜，冇求機會亦冇回覆。
如果今次佢肯分開，佢一定唔會放小朋友跟我離港。
佢醉後吐真言，清醒返有冇再傾過，有時飲醉左，將負面野放大，例如佢覺得你笑佢嗰啲只係誤會，可以開心見誠拎出黎傾返？
定你自己其實都覺得無咩心機行落去？
有時唔傾，誤會係愈積愈大。
係佢角度, 你眼中佢完全無家庭地位, 可以輕易被放棄與犧牲掉, 佢應該有想過妥協, 但又覺妥協左, 只會更無地位, 而你明顯都唔想改變呢種家庭地位排位, 佢明顯已對你心淡, 兼唔想再輕易妥協, 你睇下邊D方面可以/你願意提高一下佢地位, 否則真係分
佢清醒返後我地冇再有任何交談
我自己好心淡好失望，佢冇睇到我多年既付出同包容，由拍拖開始我都冇一刻要將佢同佢呀媽分割
我只係今次為我小朋友將來而企硬，但佢將我放係一個衰人位置，我唔係好接受到，我需要時間消化。
大家咁話啦，自己有頭家就日日搬個老母出嚟，學乜人結婚生仔呀當初
係，所以當我提出太空人方案時，佢好反感，佢覺得我只係想帶小朋友離開香港，離開佢。
佢又唔想唔理奶奶，奶奶又唔可以跟我地走，香港又加速惡化，係我眼中太空人都係其中一個方法。
我都用左好多年時間將佢係我心水地位慢慢降低。我唔能夠再好似以前拍拖時傻傻地愛著就可以，什麼都無所謂。我都要為自己同小朋友打算，唔能夠成為佢原生家庭既犧牲品。
我當時都講左這句說話。
真係唔應該結婚生小朋友。我都可以話自己揀錯人，但小朋友真係好無辜。
所以我覺得要傾返，有時大家有盲點，或者咁多年大家都理所當然，如果想行落去，唔好俾情緒主導，試下揾解決方法
暫時我唔想做主動。多謝你意見
咁睇落去大家都唔係好愛大家，明顯大家既priority 都唔係對方。
咁無所謂啦，當roommate lor暫時，又唔係憎佢憎到唔想見，只係心淡，變返普通人關係ji ma.
但其實，佢呀媽88之後，佢自己會點？呢家先識反省覺得自己未盡孝道，咁之前做咩唔做？一切都借口啦！
要盡孝，一早就做緊啦，移民先識孝順，講經咩。