其實咁樣已經可以好唔得閒
放學已經三四點
做完功課就沖涼食飯
當唔會溫書、都係玩/睇書一兩個鐘就要訓
如果想「興趣班」咁就星期五晚、或者星期六日，當只係學一樣野、仲要計出入時間，點都要食餐飯掛、除非你話樓下學下畫畫彈琴，但學呢啲你就要時間練習
上面所講仲未計要補習
1個讚
我自己小朋友細個都係咁
出街咪訓車，知道會訓得少就安排早啲返屋企訓
點解要人就小朋友訓教時間？我見講緊係over 1歲以上嘅小朋友都係咁
如果約朋友就要人就，自己要玩就乜都得，咁咪就係自x私（例如就小朋友訓教朋友嚟到都唔比入屋）同隔離post話有bb喺屋企開冷氣要向上吹搞到人地下濕曬一樣
不過佢地因為就小朋友訓教自己唔見朋友，又冇得好講，唯有少約啲出嚟
有d小朋友無訓下午覺，會扭眼訓。旁人會唔會體諒呢？
例如有次我同父家一起去主題幾園，小朋友無得訓下午覺，到左晚上9點才去到酒樓晚飯，我小朋友就開始扭眼訓，講梗只係唔想食太多野同想我抱住佢。我已經比長老話我縱壞晒個小朋友。我同兩老講，你個仔唔夠訓都發脾氣啦！然後兩老就鬧我，你老公唔夠訓返工時有咩意外，你養全家呀？
我唔知其它人，但好多人係唔會體諒小朋友（under 5）扭眼訓依個行為。我作為家長，都好驚會影響到人，所以如果約朋友就唔到時間，我寧願唔約，好過大家都唔happy.
6個讚
你朋友應該未生之前都係遲到精喇，自己冇時間觀念就唔好賴生仔。我最怕都係d人大左肚/生左之後就成日攞呢樣嘢嚟撻你，我之前有個識左廿幾年嘅朋友，本身個人都好公主病好entitled，我3年前有一刻突然醒覺，覺得唔可以再容忍，就同佢講，叫佢講嘢做嘢顧下人感受，尊重下朋友，但佢唔覺得自己有問題，覺得係我有問題，講唔掂，我就決定絕交疏遠佢(但佢當時未realise，以為可以當無事發生)…
冇幾耐佢就有左，佢係嗰d覺得全世界都好恨聽佢懷孕消息嘅人(可能以為自己係王妃)，但又要扮低調，喺FB只係不斷暗示自己有左但冇宣佈，嗰時我get到(但其他朋友其實冇留意亦get唔到)，但因為我已經決定絕交就冇理，佢見冇人問佢就開始發攻，WhatsApp我地講d嘢都係不斷暗示，後來仲打電話嚟，我其實唔想聽，但我覺得如果佢咁需要人恭喜佢，就畀最後一個機會佢親口講懷孕消息，我會恭喜佢，好嚟好去就算，但佢講左一個鐘都係不斷暗示同引導你去問佢，就係唔肯自己講，我係特登唔就範嘅，因為唔想跟佢劇本行，結果佢不得要領，我哋就收線…
後來到佢懷孕5個月時好想喺自己大住個肚時約到我同另一個朋友出嚟，佢仲要係提早成個月叫我安排另外個朋友的生日飯作為藉口，其實條心根本唔係想幫人慶生而係想自己曬命，係咁催迫我安排，我就話我地不嬲都唔會提早特別安排個喎(不嬲生日飯都係過左生日搵日得閒先約嘅)，問佢點解今次要咁隆重其事，佢就老羞成怒話自己就生得想喺生之前見個面喎，然後喺度發我晦氣，我問佢幾多個月呀、仔定女嗰d，佢都係嬲爆爆咁講，我唔理佢喇，之後佢就打畀另外個朋友(呢個朋友係我best friend而佢哋兩個其實唔close)，朋友話返畀我知佢打去同佢講自己有左，想約出嚟，朋友問佢仔定女，佢話：｢唉，都唔知點解咁多人咁想知係仔定女…｣講到好似全世界真係好恨知佢陀仔定陀女咁，但其實呢d都係客套問題，而且唔係仔就女其實冇咩咁稀奇，你話你陀住隻獨角獸我就覺得你可以不斷賣關子然後全球直播你懷孕消息都得…
我係覺得佢將件事睇到好大，又講到自己大左肚之後咩都唔做得邊度都唔去得咁，由公主變左做女皇，好在係我已經決定左絕交，係佢之前嘅不尊重同侮辱令我堅決唔再容忍佢遷就佢… 後來佢生左，我同另外個朋友都係不聞不問，佢過左兩個月就自己忍唔住send BB相嚟，話唔好意思咁耐先share因為之前生完點點點咁，又話而家佢方便喇我哋可以隨時上去探BB… 我心諗其實我哋唔係咁恨見你個BB咋喎(主要係唔想見佢)，點解你講到好似我哋引頸以待咁？你生左我哋都不聞不問就應該知咩事喇… 我其實已經冇應佢機，另外個朋友就應佢一兩句咁，亦冇人話要去探佢，於是佢就發攻，send好長msg嚟講自己生完仔幾慘，又話畀個陪月虐待(內容假到好好笑的)，仲話自己曾經有輕生念頭，話唔想咁樣就一世(你生之前冇諗清楚？)… 我只係應左佢一句take care，因為佢太鍾意講大話，太鍾意扮可憐博同情博關注，所以我選擇左唔再信佢… 再到之後佢終於realise我係真係同佢絕交，佢先｢道歉｣(但句句有骨)，又係攞自己生左嚟做擋箭牌，講到好似佢生左就大晒，你更加唔可以｢蝦｣佢 (佢成日覺得人哋蝦佢架，一唔就佢一唔順佢意就係蝦佢)
Sorry講咁多，但呢個人呢d事真係太經典，係自戀狂嘅教科書式人版，所以如果一個人喺生之前已經有問題，而佢完全冇亦唔肯正視自己問題，唔成長唔會自覺地成為一個更好嘅人，佢生左之後情況只會更差。遲到已經算係小事，因為更可怕嘅係好似我呢個｢朋友｣咁，本身極度自戀極度公主病，妒忌心又重鍾意咩都同我比較，試想像生左之後佢自恃自己係一個｢complete woman｣係一個｢偉大母親｣會變成點？諗下都驚…
我小朋友細個果陣試過一次咁嘅情況
之後吸取教訓出嚟玩，就夜晚就要走人唔會再食飯
就算自己想出街食都要忍下
其實我好體諒，尤其是初生BB，我知d父母已經湊到冇覺好瞓，所以好多時朋友剛生左，小朋友仲細，我都唔會打搞人
但我朋友個大仔已經就快6歲，我姨甥女都係，我試過陪我姨甥女一家去staycation，都係我喺度佢就唔肯瞓要同我玩，結果冇瞓到晏覺，但之後佢都冇扭計，當然每個人都唔同，咁有d小朋友係比較扭計嘅
而且6歲都升小學，係咪應該已經戒左晏覺？定係而家小學有午睡時間？(我未生，我真係唔知，請指教)
咁我都明我朋友一打二，個B女要瞓晏覺，可能佢係特登要個大仔一齊瞓，兩個都瞓晒佢可以抖下(聽佢聽佢其實會一齊瞓)… 但當日我係特登出去搵佢，大家都好耐冇見，我覺得你要暗小朋友瞓覺ok，但要我喺會所等係咪必要？而且佢自己都知我將要等好耐，咁其實招呼我上佢屋企，坐得舒服d, 可能有杯茶飲有塊餅食，係咪好d合理d? 起碼個感覺會係我上左朋友屋企被招待，而唔係好似閒人咁要喺會所等… 你明唔明？
最後佢都驚我等得嚟已經要趕住走(因為我之後有嘢做)，叫我都係唔好跟佢返去，而我都覺得我去左會所係有可能等個幾兩個鐘都等唔到佢落嚟，所以就提早離開自己去hea… 我明佢都有為我諗，只係有d舉措我係覺得有d莫名其妙，當然每個人湊仔有自己方法，每個小朋友都唔同，做朋友嘅會盡量諒解，但必須建築喺互相尊重嘅基礎上。
我又想問，如果朋友已經有工人姐姐，所有家務煮飯洗衫佢都唔使做(聽佢講冇工人時家務都係老公放工返嚟做), 咁FTM齋湊仔係咪會都吃力到咁？當然佢而家一打二，個女仲係BB，我明係會吃力嘅，但佢未生二女之前都已經係咁… 同埋我諗某程度上係同佢本身都唔做/唔叻做家務有關，即係都係本身upbringing問題，等於有d人覺得做少少家務就好辛苦，但我由細做到大我覺得好平常，甚至唔做唔舒服。
我而家計劃生，如果生到，我係會自己湊，一定唔會請工人，亦唔會交畀父母湊，最多請鐘點一星期上嚟一兩次做下清潔嗰d，同時如果能力同時間許可我會繼續freelance工作(因為都是在家撰稿唔使外出)，就咁諗我會覺得繼續工作係有難度嘅，因為撰稿係要超專心，萬一handle唔到都係唯有停工一段時間(但可能流失晒d clients就以後冇得做…)，但要我湊仔加做家務其實我覺得都handle到嘅… 當然媽媽們一定會話我而家諗得太簡單，我未生唔會明… 不過我之前一直唔打算生，其中一個原因就係因為聽太多cases係講幾難湊幾難辛苦，又埋怨老公淨係負責搵錢養全家唔幫手係豬隊友搞到家無寧日，而令我有d卻步，而且我真係唔想放棄工作… 但而家我會覺得你將所有嘢諗到咁難，有咁多顧慮，只會令你裹足不前，好似我咁到高齡先決定生然後又要做IVF咁你話係咪搵嚟搞… 同埋好話唔好聽講句，有d呻得最多最大聲嘅，其實好大可能係本身能力同抗壓力比較低，因為我而家做緊IVF，之前好驚唔考慮做係因為聽太多人講到打針幾辛苦幾痛又盛咁，到自己真係做，係完全唔覺得辛苦唔覺得痛，I mean皮肉之苦/淩晨4點起身打針呢d，真係好小事(失敗或流產的身心創傷另計)，我覺得有d人係講得誇張咗，又或者本身接受能力比較低，好似我而家識其他做緊IVF嘅人，原來好多係連自己打針都做唔到，又話痛又話盛(我心諗生仔仲痛咁你仲咁辛苦做IVF都要生嘅？)，其實可能將來湊仔湊到怨天怨地湊到全世界欠左佢嘅都係呢d人…
我就比較佛系，我會想小朋友schedule係就大人in stead of掉轉。因為我覺得我細個都無話跟咩schedule宜家都好地地。但我聽過朋友要求個仔夜晚好早瞓，8/9點。佢話小朋友要早瞓先生得高，咁呢個我覺得都make sense可以盡做。但所以佢次次出街食飯都要趕住小朋友要返去訓覺。但聽講個小朋友都成日偷偷地唔訓。
興趣班我就都希望會比小朋友上，但我出發點可能係佢去咗上堂我就可以me time
我都覺得有啲興趣班真係玩既，我都唔想個細路好似成日係屋企好悶，無朋友或者無出去見識過咁。
對於贏在起跑線我一直覺得係父母要幫個仔女贏，唔係谷自己個仔女。龍生龍鳳生鳳，點解有啲人會expect自己做唔到既野個仔女做到呢？
我覺得呢個只係priority問題，你覺得佢priority算高所以你就佢。佢覺得佢小朋友priority高過你所以唔就你。
可能佢想人地問佢『個bb係老公既定係你老細既?』
正解
1個讚
我覺得邊個負責湊就邊個有話語權點做，好怕啲人成日教你點湊，呢啲直程鬧就已經over左。
1個讚
我覺得真係人人唔同，比較黎完全無意思，就好似你咁講upbringing唔同。以前年代啲女人都一腳踢但宜家已經一部分人唔需要。
聽
不過我覺得你係勁，係minority。因為就咁抽血既皮肉之苦我都覺得痛既。我未生小朋友之前未入過醫院。所以就算叫我自己順產生我都搞唔掂，想像唔到要打咁多針仲要自己打。
我覺得以前年代個啲傳統女人係得但會坐月坐得唔好，而且就唔會係宜家新聞個啲靚媽，仲可能會產後抑鬱。
其實FTM辛唔辛苦呢個問題，好取決於個位媽媽勤唔勤力。如果咩都做到足，例如全人奶餵b，夜晚自己湊番等，我有朋友係連掃風都自己掃，因為佢驚工人偷懶唔掃/掃得唔好，如果親力親為咁都係好唔得閑。
至於好多媽媽一腳踢冇請工人既，其實人時間同精力就係得咁多，自己係照顧bb vs家務到取捨囉。家務完成度同接受度既準則人人唔同，bb 係咪高需求bb又唔同，好難就咁講係咪人地呀媽抗壓力低之類既。
4個讚
同埋以前小朋友出事率其實好高
成日話邊個邊個細個燒壞腦
啲細路周街玩、又會比啲變態「裝」沖涼，甚至拉埋一邊毛手毛腳
1個讚
會唔會日日洗衫拖地已經差好遠
我係啊，我有工人但其實無比工人掂過個b咁濟。第一身接觸個啲全部係我/老公/奶奶/我媽做。工人只係負責做家務，洗bb奶樽個啲嘢。
不過我都有朋友係真係俾工人落手落腳湊，bb真係痴工人。
我覺得你咁樣對自己同小朋友都好，不過當然每個人取態同情況唔同… 講起細個時，我父母都係要我同家姐9點瞓覺，搞到我哋冇得睇獎門人返到學校同人冇話題lol… 但到我細佬時，佢哋就冇咁多規定，btw我同家姐都唔高，但細佬180+cm, 所以應該唔關早唔早瞓事lol… 同埋我父母有自細畀魚肝油我細佬食，我同家姐就冇…
都係嘅，尤其是如果係獨生，出去上堂可以識朋友可以學社交同自理，都重要嘅
呢樣你都講得好啱，或者我都要好好認清自己的priority
我本身都因為聽其他人講而怕左，但到自己做時，可能我本身忍得痛(唔係唔怕痛，但忍到，唔會大叫呻痛嗰d)，同埋當你都已經決心去做呢件事，而呢件事如果成功嘅後續就係一條生命同一世嘅責任，咁相對嚟講自己打針呢d係咪應該要克服呢？我本身都以為會好痛好辛苦，可以情緒勒索老公對我好d lol… 但結果我係真係覺得冇咩嘢，有d針係會痛d拿d, 但我都覺得係可忍受，尤其是當你諗諗自己初衷同目標時。
見到有d人講得誇張到好似劏佢一刀咁，咁生仔嗰時佢地點算呢？又唔可以自己打針，一定要老公打或特登返診所搵姑娘打，講到幾大件事咁，其實跟姑娘學一次就識架喇… 喺診所都聽到好多人知道要淩晨一兩點準時起身打針食藥，都會係咁問姑娘點解要呢d時間呀、驚自己起唔到身呀… 可能我個人太harsh，但我會覺得咁小事都處理唔到真係唔好生仔… 因為IVF條路係自己揀架嘛，開始之前已經知係要打針架喇，我唔明怨乜…
照顧newborn我知呀(我唔敢話自己｢明｣因為我未生過), 但我知，所以喺決定生仔前，呢個係我同老公傾嘅其中一個問題，我同佢講佢一定要幫手，雖然佢返工都辛苦但要有心理準備半夜要起身照顧BB, 同埋絕對唔可以覺得我｢唔使返工｣就係好得閒，到時唔好你又埋怨我我又埋怨你咁…
所以我都話，朋友有newborn BB, 我會好體諒，次次都係我山長水遠去搵佢，畀人鎖左喺門外十幾分鐘我都冇話佢… 但我問緊嘅情況係，當佢未生細女，而個大仔又已經返緊幼稚園時，情況係咪應該冇吃力到都係全天候圍住小朋友轉或要被遷就得咁多？同埋重申一次佢係唔使做家務…
我認為要睇個媽媽對小朋友睇得幾重。有d媽媽好重視小朋友，尤其得一個果時，所以有句說話「第一個當寶，第二個當豬養」。當然有d媽媽唔多care小朋友（個人選擇），我見過有幼稚園小朋友成日欠交功課，因為家長跟本就唔理。而且有工人幫唔代表咩家務都唔駛做，我ftm,以前有姐姐，係會多左少少時間，但唔代表我唔駛做家務（因姐姐做野求其），我都要煮飯（但唔係日日，但有d餸姐姐係唔識煮或煮得好難食）
當然，我唔知你朋友個情況係點，有可能佢太重視個小朋友？