我以前個行ot多，真係miss左好多bb長大既細節。大個個係好痴工人，後黎放棄升職多番時間陪屋企，細既又痴番我多d。小朋友痴唔痴父母真係同付出既時間成正比，完全冇得呃。
2個讚
係呀，唔好話小朋友啦。就算係同老公多左時間相處拍拖，感情都好啲啦。
1個讚
你真係太好人。我諗你要學識將你個人感受個priority 排高d, 俾我係你, 既然都決定"絕交", 我會直接block 晒佢所有電話同whatsapp。bye bye 佢條尾啦公主。
平時工作都好多遇到依類人，
搵一個鐘睇醫生都好難，請假難，打針怕痛，
總之無時間。我話知你係咪搵代母先…
第時個囝生出嚟真係慘
就係之前我講嘅…
好多人以為無生的人會唔明，
其實好多人就係因為明白，所以需要鼓起勇氣生囝
無預計過嘅自然會有勇氣，跟住就以為其他人都係同佢一樣，未生過唔明白
而家知自己on9, 包容左佢廿幾年，然後佢仲人前人後扮可憐，話我無情無義，小器敏感，但我想話就算我打算絕交，後來都仲寄左份禮物去恭喜佢大肚(我真係好唔想見佢所以寄畀佢，好在嗰時又撞啱疫情)，費事佢咁慘冇人理佢(因為佢都冇乜朋友)。相反佢係喺我叫佢顧下我感受唔好成日特登講同做d嘢去踩低我之後，反應大到勁defensive反晒檯，又即刻喺IG刪晒我哋嘅合照，仲寄返一d我以前畀佢嘅嘢畀我… 其實小器敏感嗰個係邊個？
其實我而家都唔明，點解佢明明想人知佢有左、想曬命，但又唔肯自己宣佈消息，用5個月時間不斷暗示同引導你去問佢，係咩心態，最後唔得逞又要嬲又要唔開心…
我都想話，其實真係唔係未生過就唔明，當然唔可以話100%明白，但有d同理心比較強嘅人係真係可以易地而處到，去體諒同諒解，只係有d媽媽開口埋口都話你唔明，assume你唔會明，總之有一種高高在上嘅態度…
諗起我呢個媽媽朋友，早排打電話畀我訴苦，因為佢安排個仔讀兩間幼稚園，咁應該有d人質疑佢做法，佢又開始質疑自己，好想有個人認同佢，可能都已經搵唔其他媽媽係會non-judgemental咁同佢傾呢件事，就打畀我呻。咁我係好有耐性聽佢講解佢咁樣安排嘅原因，亦覺得如佢所講，就算個仔唔返兩間幼稚園，放左學都一樣係要去上興趣班(返兩間幼稚園就cut左d興趣班), 加上佢又要湊多個初生B，咁我都覺得佢咁樣安排係對佢自己同兩個小朋友都有好處就冇問題，最重要係個仔返兩間幼稚園都返得開心，佢又畀得起錢，咁就冇問題，唔使理其他人點講。
喂，早排咪有個暗星又係話安排個女返兩間幼稚園然後畀人圍剿嘅，其實我朋友個case都係差唔多，但我想話我係可以明白佢理解佢到完全冇judge佢做法，仲安慰佢，我都好開心佢有唔開心會搵我傾，但後來講講下，佢提到N班，突然話｢呀，不過你唔知N班係咩喇｣，我心諗，點解你會覺得我唔知呢？都聽你講左咁耐，我家姐都有個幼女，同埋呢d都算係common sense吧，可唔可以唔好assume未生過嘅人係低能咁呢？
或者你唔會信，但未生過小朋友嘅我都一樣會咁做，其實所有嘢取決於同理心，有同理心嘅唔需要自己經歷過都可以明白，冇同理心嘅，就算已為人母都唔會明白
2個讚
啱呀，所以咪話一切取決於同理心，而且係雙向唔係單方面要咩人體諒咩人多d，大家都多d易地而處個世界就會更美好
2個讚
樂觀其實係好事，一步步來，唔好咁多嘢諗，生咗出來煮到埋嚟先食，其實無話唔得嘅，個個都邊學邊湊。
我有屋企人生來天生多嘢煩，而依個都係唔好彩發生嘅事。唔會有預計倒出來。
受影響下我自己就好難咁樂觀，考慮好多，要生嘅話心理生理都好多嘢想準備。仲會諗埋如果我都咁唔好彩點算。
我自己聽同事講點樣半夜餵人奶，都覺得怕自己搞唔惦，可能我真係太悲觀啦。半夜餵奶無理由生之前唔知掛其實
相信媽媽好辛苦，但我都希望小女孩安好
因為咁樣當眾畀媽媽掉低話唔要佢，對小朋友心靈造成好大創傷…
我細個嗰時，老竇老母好興因為我｢唔聽話｣就發脾氣推我出門口，然後關門關鐵閘由我喺門外喊，講緊嗰時係幼稚園咁大，我三姊弟都試過好多次… 呢d傷害係呢世都記得。
仲有我得一兩歲時，有次我媽打得我好甘，原因都不外乎係當年佢生完我家姐年半後就生埋我，佢湊唔掂，同埋話我成日喊，嗰次佢就係崩潰狂打我，打左好耐又撻落床咁… 呢一幕我係咁多年都歷歷在目，喊到失聲，淚眼矇矓望住阿媽係咁打係咁鬧我呢個畫面我係好清晰記得，我之所以知道唔係夢境或幻覺係因為大個後我阿媽多次提返起嗰次佢打得我幾勁，話畀在而家已經畀人告虐兒拉咗… 係兩歲前嘅事呀，我可以記得咁清楚… 大人嘅行為對小朋友影響真係好大… 上一代係咁，我哋仲不斷被要求要體諒父母，但而家時代唔同喇，做父母當然都比以前難(假若你有意識地不再犯自己父母犯的錯) ，但小朋友真係無辜，希望呢個媽媽之後有好好同個女道歉同溝通喇…
我媽當年虐打未夠兩歲的我，都係一時鑽左牛角尖… 好多掉仔女落街嘅人都係鑽左牛角尖…
"好彩"嘅，嗰個情緒過咗冷靜返就冇事(但傷害已造成)，唔好彩嘅就係掉仔女落街嗰d倫常悲劇…
希望個媽媽去搵專業人士嘅幫助，希望佢身邊人會主動去支援佢，唔好死撐，禍及小朋友…
1個讚
該主題在最後一個回覆創建後180天后自動關閉。不再允許新的回覆。