岩岩就係咁，黎緊清假閒日可以搵個FTM朋友LUNCH，有兩個日子俾佢揀，佢揀左個佢小朋友(初小)放假果日。
佢小朋友好鐘意同我玩，我都錫佢既，不過次次都係因為有個小朋友響度就無得咁放同埋要留意用詞。
係呀, 佢嗰次唔留意WHATSAPP我真係百思不得其解
我買個外賣再行上佢屋企其實最多都係10分鐘，佢應該預返差唔多時間去開門
但結果係過左10分鐘再加我企左喺佢門口10分鐘，加埋起碼20分鐘
佢可以完全不聞不問，唔去開門睇下又唔睇whatsapp…
又話BB瞓左，咁其實佢嗰段時間做緊乜？係咪自己恰著左?
不過好在係佢嘅甩漏係對我啫，佢對自己對仔女應該算係照顧得好啩…
咁你真係幾好，你係咪FTM？
我個朋友係FTM，我都明佢嘅世界只係得返對仔女(個女仲要剛出世冇耐)
變左佢講嘅嘢都會係同小朋友有關，其實我都有講自己嘢
不過feel到佢唔係話好專心聽，可能小朋友扭計佢始終會分心…
而我都feel到佢有時可能都好悶，好想見下朋友
因為最近一次同佢見面，佢都不斷話大家就到時間出嚟真係好，叫我下次出開嚟就搵佢
但其實佢而家一湊二，我約佢係約喺佢屋企附近就佢，我都唔算「出開嚟」，我係特登出去佢度的
有時有D嘢，最怕係你就左人，人地唔知，可能以後就老馮…
上次見面佢又係遲大到(不過我自己都遲左少少，但我喺好遠出嚟…)
佢抱住個細女，要餵食糊仔，佢一坐低就好順理成章叫我幫佢攞個女D食物出嚟
之後又叫我幫佢喺個暖壺度畢D糊仔落碗仔，到走時佢又好順理成章叫我幫佢抹乾淨個女D食具…
第一下我都覺得OK，但去到第三四下，我覺得自己好似佢屋企工人LOL… 因為佢連唔該都冇講
同埋本身約喺佢屋企附近餐廳，我一直都係話食完嘢可以上佢屋企繼續傾
但佢話對仔女3點幾要瞓晏覺，叫我喺佢樓下會所等佢暗完對仔女瞓覺再落嚟meet我
(但又不斷講話工人姐姐新嚟，其實佢唔放心留低對仔女畀姐姐睇)
我覺得好奇怪，其實我一直話去佢屋企就係就佢唔使帶小朋友搭車出去
但佢好似唔係好歡迎我上佢屋企咁，因為講極都好似冇定案(佢自己都唔好意思要我喺會所等佢好耐)
我就忍唔住問佢：「係咪你對仔女要瞓覺我就唔可以喺你屋企出現架？」
之後佢就話我喺度佢個仔會想玩唔肯瞓… 同埋好多其他含含糊糊我唔知佢講乜的原因…
我諗我真係唔明做媽媽的辛酸，氹小朋友瞓覺係幾咁艱辛，所有人所有事都要讓路…
最後我地喺餐廳食完嘢，我冇跟佢返屋企(因為去到我可能要喺會所無了期地等)
因為我之後都有嘢做，雖然未夠鐘，但我都寧可自己hea到夠鐘
反正去左佢會所都應該唔會等到佢落嚟
其實有時同生左BB嘅朋友出嚟，最怕係有種感覺覺得自己好似低左一等咁
有D做左媽媽嘅人會覺得你冇生過你唔明，你唔使湊仔你得閒D(你D時間冇佢D時間咁寶貴)
你面對咩困難都好，比起佢地咁辛苦生仔湊仔，你講咩都係無病呻吟…
我唔係講緊我呢個朋友係咁… 但佢嘅某D行徑(我相信係無心)，係會令我有少少咁嘅感覺…
唔好意思，我又騎劫左人地嘅post… 如果樓主仲有返嚟睇，我係想話你知，就算生左BB的朋友有心同你keep，你都需要好大的耐性同包容先可以同佢地keep到落去… 如果你本身都唔係太鍾意小朋友，或者你反而可以慶幸你朋友搞double family date冇搵你
4個讚
係呀，有D心事都因為有小朋友喺度而唔講，其實講得嘅都唔多，所以最後又係變返講育兒嘢同埋陪小朋友玩… 好彩係我自己而家係計劃緊生小朋友，所以同佢仲有個可以喺小朋友面前傾的共同話題…
痴線, 真係當你阿四咩?
見你都強調佢有心keep 同你既友誼, 但希望你唔好介意我咁講, 我覺得佢只係一個無咩娛樂/ 朋友既FTM, 想出下街時就搵你攝時間。因為其他人會頂佢唔唔順, 而你就會遷就佢所有野。
我唔明點解你仲要就佢, 仲要你想講下自己野都唔得。你響其他post 都有講, 你都準備緊生BB 啦, 你不如你都留番多d 時間去做自己喜歡既事, 唔好服侍佢啦。
1個讚
想講下長老都唔得，廢事小朋友聽完又轉達
我係最後一代，育兒育嬰湊小朋友既資訊都係聽返黎，所以都唔係一個合適既topic。
另一邊我又明白佢揀個小朋友放假既日子出黎，當我同佢講年尾移居佢直頭講出口話小朋友得返好少機會見我所以要多d約出黎。
我有睇呀，謝謝你
我覺得你專登去佢屋企附近，但佢唔招呼你上去反而叫你係會所等，都幾唔considerate ，完全係咩都只諗個bb,唔諗你感受
招呼人地上去，俾杯茶/小食人地，係基本禮貌
1個讚
我見好多媽媽都係咁架，因為難得小朋友訓左好驚人嘈到佢，又唔可以整亂小朋友個schedule。我算係比較佛系，就無理呢啲。
但我都覺得同有小朋友既人傾會比較有共鳴。如果我約無小朋友既fd唔會想帶bb，但前提都係要有人幫手湊。有時我屋企gathering我都廢事帶bb even我屋企人話想見，因為有bb係度，你attention俾左佢根本好難同人深度交流。
我想講我有個朋友（其實呢傢疏遠咗…），一直都遲到，果陣佢生咗我未生，就好大條道理咁話你冇小朋友你唔明，到我自己都有小朋友，佢啲小朋友上晒小學，佢又係遲到，就話你得一個緊係易啦⋯⋯
到呢傢佢啲小朋友都中學，又係繼續遲到，之前聽佢呻話啲女日日都唔起身返學，日日遲到，外人角度睇咪就係呀爸呀媽都冇時間觀念囉，然後佢自己身邊朋友愈來愈少….
前幾年、佢知道我買咗機票去旅行，問我邊班機，話自己結婚之後冇去過旅行，想join我行程（仲要喺我地約出嚟玩，佢遲咗半粒鐘，一見面就問呢樣），我忍唔住話你成日遲到，走飛機點算
之後慢慢疏遠
3個讚
我反而係疏遠緊一個冇生bb既朋友。自問自己冇評論區講個D遲到呀要朋友做妹仔之類既問題，只係真係好忙，細路間學校又多默書測驗，朋友成日想約，我唔去佢又好似串咁話我小心呀唔好成個人貢獻俾個仔。間唔中又講下生仔有幾慘，對大人慘對細路又慘，老左仲要養佢之類。講到女人生仔就係傳統思想，冇自主，但其實呢位朋友自己30頭時都想生，係佢老公唔想生姐，而家講到我地生左個班地底泥咁。
4個讚
依啲人，真係得淡笑！
反問返佢生之前唔知有小朋友，屋企多個親人，
就係要預咗以後都預多啲時間出門口咩？
講得出「你未生你唔明」，好多時因為依班人本身未生前真係心中無依堆預算。
我覺得呢條友似係咩都為自己搵藉口, 係咪本身都已經無時間觀念? 只係生左仔之後就咩都賴有小朋友乜乜乜
呢d 係佢本人性格問題, 根本唔關有無生唔生仔事
2個讚
我知佢係唔想我影響到佢對仔女瞓晏覺，但我又會覺得小朋友都係返房瞓覺，你咪由你喺房暗佢地瞓，我喺廳坐下都得架，唔使咁慘要我一個人落會所等啩… 佢係有講話我喺度佢個仔會想玩唔肯瞓，但其實我又唔係是必要同佢個仔玩嘅，你做阿媽咪用你的方法同個仔講而家係瞓覺時間唔可以玩囉… anyway從我角度睇係唔使去到唔畀得我上佢屋企咁嚴重(始終我約去佢屋企附近食lunch已經就左佢)… 而且除左就地點，就小朋友瞓晏覺，仲要就佢個仔返學放學之後又上幾個興趣班D時間…
1個讚
咁我真係唔知… 我諗有一個原因係因為我係freelancer，有時我咁啱冇job要趕，或者為左騰某一日出嚟做自己嘢而預早做清晒D jobs，就會可以喺weekdays時約人，而當你有一個weekday可以「得閒冇嘢做」，人地就會覺得你其實日日都冇嘢做… 即使我講到明我係趕起晒D job先「得閒」，好多人(唔止佢)都係會覺得其實我係日日都咁得閒/隨時都可以得閒，佢地唔會知我「得閒」嘅代價係可能之前用一日時間趕起兩日嘅工作… 總之，當佢地覺得你D時間係好flexible時，就會覺得你可以就佢地的schedule… 我諗呢個係我選擇做freelancer的原罪嚟，D FTM好多時話所有人都唔明佢地係24/7冇假放，畀人話好得閒唔使做覺得好委屈，其實我唔使做FTM都已經受左呢D委屈同誤解好多年…
其實佢之前都有好幾次係weekdays晏晝突然打畀我講心事，佢每次都會問我得唔得閒傾嘅，我其實每次都做緊嘢但會選擇唔做住(然後可能當晚要做到好夜)，同佢講我得閒，然後聽佢講聽佢呻同佢傾，所以我「隨時都得閒」呢個錯覺係我有份造成… 可能我個人八卦，我係鍾意同人傾心事，同人分擔，當然我自己都試過打畀佢狂呻自己D嘢(不過都係佢生仔之前嘅事)… 佢係可以傾心事嘅朋友，但佢生左仔之後情況當然會唔同左，可能係我自己仲停留喺以前，想可以好似以前咁有個隨時互傾心事互呻嘅朋友…
其實我有時都會諗我係咪仲係做人無底線太有同理心太就得人… 我係近幾年先知自己有呢個問題，學習做人要有底線，亦因此我已經冇左幾個朋友(當然有D太toxic嘅冇左都唔使可惜)… 我而家對於別人的不尊重嘅容忍程度係低過以前好多嘅，但有時覺得如果自己再繼續咁落去，可能真係會冇晒朋友，有時做朋友係真係要互相包容同諒解… 我諗條線我仲未係拿捏好好… 同佢見面，係因為仲會想見(有D舊朋友係真係已經唔想見以後都唔見)，同埋我地一年最多都係見一兩次咁大把啫… 希望遲下佢D小朋友大D，情況會好D，又或者我早日成功生仔，就可以加入佢嘅行列，唔使永遠都係我就人咁慘LOL…
自我中心嘅人永遠都係諗自己
1個讚
有d人係咁，自己要面對既問題先係問題，自己做緊既事先係正事，自我中心。
將來佢都會係咁樣對待d仔女
無錯！
好多人唔知自己有咩問題，
到生咗個囝出嚟，個囝學到足。
我覺得計劃生囝嘅人真係唔好太純粹幻想bb幾可愛美好。
想下一代教得好，首先令自己變好。
呢d我聽好多，不過如果小朋友已經5,6歲，仲係咪要咁定時瞓晏覺/一定要瞓？其實都就升小學喇喎，而家初小喺學校係有午睡時間？
仲有schedule呢d, 如果講緊上興趣班，我覺得而家d小朋友真係上得太多… 我知大家都覺得人有我有，要贏在起跑線，我都明嘅，因為我細個時屋企環境唔好，咩都冇得學，變左自己除左讀書外都冇咩一技之長或興趣，大個左出嚟做嘢後係覺得輸蝕甚至會怪父母… 所以我自己都係喺覺得身/心/時間/經濟各方面有能力撫養一個小朋友我先計劃生仔(當然就已屆高齡好困難…)，我會想有能力栽培小朋友，但我覺得學一個語言+一兩個興趣已經夠，唔使日日都有嘢要學，因為有時間玩對小朋友都好重要(當然有d父母覺得去學跳舞學彈琴都係"玩"嘅一種)，我覺得一開始畀多d嘢小朋友接觸同嘗試係好事嚟，但之後就要觀察佢真正嘅興趣或專長係邊樣，要取捨，而唔係咩都要學排到個schedule勁full，自己又辛苦小朋友又辛苦，然後就因為覺得自己好忙而要全世界就你…
而家好似好多人係咁，聽過有個人去睇醫生要醫生俾個時間就佢個仔訓晏覺時間。我自己都有個朋友要就小朋友訓覺時間，問題係佢小朋友要訓二次，最後到佢5歲都未見過佢小朋友，因為出唔到黎
係咪係呢傢湊bb都流行咁樣
佢哋咁咪唔會去到旅行同主題公園？
去到呀, 帶BB 車去, 俾佢地車上訓咪得 
父母有心去日本既話, BB 可能又"突然"唔使訓晏覺