我冇小朋友
前排有個外國住嘅friend A 同佢老公+一對仔女黎HK 玩，我約佢meet up 食餐飯，佢話今次個trip 冇時間meet up。我本身都冇咩野，話下次你黎HK再約啦
點知後來我係ig見到佢一家人同另一個mutual friend 一家人 （果個frd 都有小朋友）去Disneyland+ 去酒店玩
其實果個mutual friend 我都識，果時我同果個mutual frd 仲專登飛去外國參加frd A 嘅婚禮，唔明點解唔叫埋我join 佢地嘅gathering 
Frd A 好多年都唔黎HK 一次，我覺得佢都冇心維繫
但其實係咪好多人生左bb 都係prefer 同有bb 嘅frd hang out?
但我覺得呢d 只係bb gathering, 根本專注唔到同朋友傾計，唔係朋友之間嘅quality time
咁衰
有冇小朋友有乜所謂，一齊見下傾2句姐
算啦，把就！
啲人走左咪由佢囉，咁大個人仲搞小圈子
我做家長我又覺得好正常
始終得有限時間，佢應該主要想同自己小朋友去Disney玩，然後順手擔單約埋另一家一齊玩。你無小朋友，如果叫你去花舊錢去陪玩，你自己都無癮啦。
X2 我都覺得a唔想樓主無隱，
當然佢可以約girls day/night out,
但佢成家返香港，行程未必就到，又或者的確唔重視樓主友誼，
老土講句，緣盡
其實你都明白個重點，咁樣出黎，明知無小朋友嘅朋友會悶，又或者話題根本唔岩，我自己都唔會叫佢地出黎，我自己反而覺得佢係有為你著想
如果佢地一家大小返黎，其實真係可能無時間自己一個出街
又或者咁講，每個階段重心唔一樣，有時唔駛咁上心嘅
小朋友多嘅聚會，大人好難傾到計，如果約左樓主出黎幾個鐘，又要出錢，又要幫手湊仔，但最後傾唔到幾句，樓主都可能覺得俾人忽視，我又唔覺得係想搞小圈子
同意呀
一張迪士尼飛又唔平，淨係成年人可能由開門玩到放煙花，但有小朋友就會以佢地為主，大人未必玩得盡興，又傾唔到計，仲有就係無限咁幫人地影全家福 
岩岩我都約左個媽媽FD食飯，其實大家都有大半注意力放左響個細路度，係個細路拎住個電子奶咀先叫做傾左15分鐘計。
仲可能覺得個媽媽FD約佢去迪士尼嘥佢錢嘥佢時間
唔關事，個個人都唔會得一班朋友
但我覺得可以先問下樓主想唔想去，唔係連問都唔問
我自己啲朋友以前未有朋友都唔介紹我啲小朋友出黎一齊食飯玩
生日食飯連蠟燭都讓佢哋吹
其實樓主會特登飛去參加婚禮，我估佢地真係好frd, 好朋友鍾唔鍾意小朋友應該大約都知
你睇樓主最後嗰幾句，就已經感受到佢唔享受有小朋友嘅聚會
如果你冇小朋友，唔預你都正常，呢個活動嘅目的係同小朋友玩，唔係大人聯誼，件事唔好睇咁自我中心
所以你唔明有bb 後嘅世界，父母睇住d bb 一齊成長都好得意，無bb 嘅可能會反白眼
人地去disney仲要住酒店，你一支公又冇細路，唔通叫你幫手湊仔咩，好朋友都唔好意思啦
我上次返香港約朋友食飯，我負責湊個仔，多得佢全程訓左覺我先可以好輕鬆咁同朋友吹水咋
所以佢唔約你。
生咗仔，好多時電話傾，而家更加留 whatsapp算。
打比人，你唔知人得唔得閒。講兩句收線更加冇癮。
隱約覺得，如果呢單野請埋樓主去，呢度應該會有個po
好朋友返香港約我去disney玩，點知全程要幫佢湊仔，食野又全部叫哂小朋友岩食嘅食物，想傾2句計，小朋友又嗌要去廁所，好無癮啫，下次唔鬼去
明顯係小朋友活動, 唔約冇小朋友的人好正常.
回標題：係嘅。
有時仲會同差唔多年紀嘅小朋友玩，相差得大嘅(例如12歲同4歲)都有啲難一齊玩
何況係大人同小朋友去Disneyland。
你諗得Quality time，Disneyland 已經唔係果回事，除非你本身好鍾意同小朋友玩
我地出去食飯，一般唔帶細路
呢樣真。我個細路中學，friend d細路全部初小幼稚園。我見到咁多咁細嘅細路都煩，我個中學生又唔會同佢地玩
我而家好多時揾返大過我嘅同事出街同傾電話，因為佢地個d 仔女都大學畢業同做緊嘢。我同 d同事出街好 free