你地30頭好後生喇,未生bb會容易約d。我地4x既比較多生左細路,但小朋友又未到中學,係會比較困身。
我d 單身fd又唔算成日約到fd, 但佢地會自己去教會/興趣班,會識到另一班志同道合既朋友,都可以好精彩。
其實單身同已婚生b既生活模式真係好唔同。以前我會成日同朋友去旅行,但而家勁少,旅行只會係老公仔女,同父母。但我覺得呢d 係階段性,到我地再老d?小朋友大左有番自由身,可能又會多番gathering.
你地30頭好後生喇,未生bb會容易約d。我地4x既比較多生左細路,但小朋友又未到中學,係會比較困身。
我d 單身fd又唔算成日約到fd, 但佢地會自己去教會/興趣班,會識到另一班志同道合既朋友,都可以好精彩。
其實單身同已婚生b既生活模式真係好唔同。以前我會成日同朋友去旅行,但而家勁少,旅行只會係老公仔女,同父母。但我覺得呢d 係階段性,到我地再老d?小朋友大左有番自由身,可能又會多番gathering.
所以我覺得如果朋友應承咗出嚟,但係最後放飛機或者遲到,有hard feeling 真係在所難免,亦都可以大大聲講,唔係有小朋友大晒
而家人哋一早講到明今次返嚟冇時間,咁唔代表冇心維繫,就好似你咁講,冇時間就係冇時間。
返香港出親去都要帶埋老公仔女,都體諒吓朋友幾難做先,唔係講一句老公我陣間出去啊,你自己搞掂啦拜拜就得。唔明點解個個都覺得有心維繫一定出到嚟。你話佢一路住香港就話啫。
同埋真係唔明點解一定要叫埋樓主去迪士尼
我估朋友識咗咁耐,一早知樓主個人多嘢諗
去到又要照顧樓主感受唔可以冷落佢,又要照顧老公仔女,都幾慘
咁我旅行模式比起以前都唔同左
我而家旅行都只係同另一半+每年請父母去1次旅行,拍拖結婚後都冇同frds 去旅行了
人大左財務寬裕d, 有能力請到父母去旅行,父母年紀又開始大,都想趁佢地身體仲ok 時請下佢地去旅行
但事實上而家都冇咩frds 約我去旅行(除左我話單身冇拍拖果位好朋友),我見長假期個個都同另一半 or 小朋友有節目( 外遊,北上,留係HK玩都有),我就通常外遊,而家Xmas new year 都冇frds 約gathering 了 (以前Xmas new year 都好多gatherings)
我幾個朋友groups都有未結婚或已婚冇小朋友. 大家約小朋友play date佢地自動唔會回覆, 私下約都唔會問佢地. 幾年來一直如是.
至於移居左外國的朋友, 佢地返來都唔一定會約見, 但我地平時經常Whatsapp馬拉松式傾計. 明白對方一家人返黎香港短時間好多親人要見同買嘢, 唔需要對方麻煩其他人照顧小朋友來見我.
慘到要去Disney同酒店玩,真係好慘呀
正解
佢都靜雞雞同我表明唔想得自己單拖出席,何必仲要邀請人,要令人尷尬。有時適時唔邀請人,都係另一種禮貌…
呢樣仲要係好知心嘅朋友先識醒水
佢有出席過架 ,即係我地有邀請過。
但係佢後來靜雞雞講返唔想再去,
你唔洗幫我諗原因,我熟悉佢,
因為佢都想拍拖,個個都一Pair pair 佢自己一個佢唔開心呀!
講到咁白希望你明
唔會喎, 真心係朋友有冇BB都會約出尼
我覺得係common嘅,甚至佢地會寧願同D喺媽媽group識嘅人/自己小朋友的同學家長約出嚟,都未必會約冇小朋友嘅朋友,因為好多時湊住個小朋友覺得唔方便,而且同其他媽媽講媽媽經/湊仔經可以同聲同氣D吧,或者成日覺得好多嘢你未做媽媽你唔會明(呢樣我就覺得見人見智喇,因為呢個世界有樣嘢叫同理心同埋logic,有D嘢唔係一定要親身經歷過先明嘅…而且好多未做媽媽嘅人可能比已為人母的更識做媽媽…)
但佢地係會咁諗架喇,所以搵少左你都好正常,不過我覺得朋友A如果可以坦白同你講佢會同朋友B兩家人一齊去Disney,問你一句如果唔介意悶親/陪小朋友可以join,咁成件事個感覺就冇咁差。不過唔知咁嘅情況下,你會選擇去定唔去?
同你分享我的經歷… 我有個朋友,早幾年生咗第一胎,佢大肚時我地都有約過出嚟一兩次,後來佢生左後佢仲發起搞過一次大學同學聚會(本身都有近3-4年冇約出嚟),佢有推埋個B出嚟,當時全場得佢一個生左,感覺佢係好想大家見佢個BB咁嘅。後來我地再私底下約,知佢湊B忙,我都冇奢望過約出嚟行街食飯要佢咁辛苦推埋個BB出嚟,就約左上佢屋企,佢仲要住大西北… 當日我中午左右去到佢屋企附近,打畀佢問佢如果唔想落街食lunch,我就買埋外賣上去,佢話好,佢仲提我陣間上到去唔好按門鐘,唔好敲門,因為BB剛瞓著,唔想嘈醒BB… 我買完外賣上到佢屋企門口,whatsapp佢同佢講到左,過左幾分鐘佢都冇覆,我唔敢按門鐘/敲門,亦唔敢打畀佢,因為驚佢冇校震機,電話響會嘈醒BB(係咪好有同理心先),如是者我繼續間中send個msg,企左喺門口over 10分鐘都完成冇聲氣… 嗰時真係開始嬲喇,覺得佢都明知我喺佢屋企附近買埋外賣就上嚟,又唔畀我敲門,咁佢應該識得過幾分鐘就去開定門等我,或者起碼睇下whatsapp啩… 最後我忍唔住唯有敲門,但一樣冇人應… 過左一陣佢終於覆我msg,但開門見唔到我(係咪好靈異先),先發現佢畀錯地址我,佢畀左佢以前個地址我(而我以前有上過去所以不虞有詐),但佢生B後已經搬左去隔籬嗰座(兩個單位都係佢屋企物業),之後我先終於攞到佢真正地址去到佢屋企…
講真,係真心嬲,我記到而家,因為覺得自己已經好就佢,好體諒做媽媽的忙同辛苦,但都冇理由咁樣… 但當時我係完全冇發脾氣冇話佢,仲不斷同佢講唔緊要,明嘅… 冇幾耐佢BB都醒左,我有陪BB玩,大家傾偈內容都係關於佢個BB… 再後來,有次佢約我出街,我以為佢主動約得我出去,應該係放低左BB畀人湊,我地真係可以girl time,但原來佢都係抱埋個仔出嚟… 再之後幾次約出嚟,我都知一樣係陪湊仔,其實我又唔介意嘅,不過最搞笑係當阿B讀幼稚園識得行識得講嘢後,阿B係會經常插咀,阻止我同佢阿媽傾偈,因為佢想搶媽媽的attention… 咁我地就真係變左兩個人一齊圍住佢個BB轉,傾偈都傾唔到幾句…
所以你講到做朋友有冇心keep,有時就算有心但現實真的很骨感,我唔知你遇著呢D情況,反過來你又會唔會有耐心同佢keep落去?我有時都會因「被冷落」而唔開心,有時同佢見面真係想傾下自己嘢,但無奈都要接受佢嘅人生已經去左另一個階段,自己亦要明白人大左,自己的問題要自己處理唔一定要搵朋友傾,因為其實人地都冇多餘心力去理你的問題…
不過話說上年我生日時,佢突然約我出嚟食生日飯,我以為都一樣係陪湊仔,點知佢好難得地放低左個仔畀老公湊,我見到佢一個人出嚟時真係好驚訝… 但原來佢唔係真係一個人… 因為佢肚裡面仲有一個… 說時遲那時快,佢而家已經生埋第二胎,我地都仲有間唔時whatsapp下,傾下電話… 其實仲叫keep到,我都珍惜,始終人地都生左兩件,我仲屌屌fing咁… 我有其他朋友,我知佢地有左/生左後,反而係我自己唔再聯絡,避而不見,因為有D人做左父母後對我地呢D人係唔太友善或有D condescending (類似係有種優越感咁喇),所以我呢個朋友除左上次唔開門畀我外,都算係正正常常,會主動搵我,我已經好安慰。
呢個又真係搞笑左d, 明明自己已經搬左屋都仲會俾錯舊地址? 除非只係岩岩搬左幾日唔慣要講新地址。感覺太玩野, 唔怪得你嬲喎。
其實我覺得你朋友有d 自私, 一出黎成日都講自己個BB, 但又唔關心下你? 不如調轉係你同佢出街, 但佢一講BB 野你就即刻轉話題丫, 想知佢又接唔接受到。
俾錯地址係幾搞鬼,但可能真係唔記得左俾新地址,因為太近,同埋生完之後注意力放哂係個b度,未必記得呢d鎖碎野
同埋我又唔敢話佢有心定冇心keep嘅,從你描述佢似係太忙,太多野handle唔切,變左樣樣爭少少,畢竟佢要將精神分俾仔女,冇辦法回到過去
以前搬過屋,果陣小朋友真係細,真係試過講咗舊地址
好多朋友醒水提我你搬咗啦喎
但我未試就唔比人㩒鐘同搞門
唔知佢嗰時搬左幾耐,我都只能夠同自己講生完仔記性會差左,好彩嘅係兩個地址係喺附近,如果直頭喺另一區我就真係會嬲出面… 同埋我覺得比較過份嘅係明知我買個外賣就上嚟,佢都可以唔留意住WhatsApp準備定開門畀我,明明BB又瞓左,都唔知佢做緊乜,可能根本佢自己都瞓埋…
其實都會傾下我d嘢嘅,但始終有小朋友喺度,我都未必會講太多,同埋每講幾句,佢個仔就會插咀/扭計,咁我有時都會去氹下佢個仔,氹氹下都唔知自己本身講緊乜,講講下都係講返小朋友嘅嘢… 所以真係冇辦法,人哋生左小朋友,尤其是係FTM,個世界就真係圍住小朋友轉,你要佢暫時放低個小朋友都好難,你同佢嘅相處都一定會唔同左…
其實我嗰時都係同自己講,佢生完會記性差,佢講錯地址我都冇嬲,但佢明知我買埋外賣就上去,都唔留意住WhatsApp準備開門畀我,我拎住d外賣企喺門口企左好耐… 係呢下嬲啫…
佢係有心keep,我都明湊小朋友好忙,不過衰d講句佢已經有工人姐姐,佢唔需要煮飯做家務,甚至未有工人姐姐時,聽佢講都係佢老公放工返嚟做家務的,佢係齋湊仔… 只可以講佢個人本身係有d「lau gau」,變左大家約出嚟佢好多時會遲大到,甚至上佢屋企佢都可以唔記得開門畀你lol… 其實我都已經好體諒,但大家約見面,我都係喺百忙之中抽時間出嚟嘅… 只係覺得有時冇得話因為生左小朋友就要全世界就晒你體諒你,that’s why我先話我有其他剛生B的朋友,我係會自己疏遠,因為嗰d朋友未生之前已經好entitled… 但呢個朋友呢,係可能「lau gau」d, 但心地唔差,我知佢係有心keep, 所以我都會珍惜,都會盡量遷就佢喇…
都明生左B會記性差嘅,我冇怪佢…
佢怕嘈醒BB,我都明(所以我企左喺佢門口十幾分鐘都唔敢㩒鐘敲門)… 但冇諗過佢連WhatsApp都唔睇lol…
其實佢好自私,明知你嚟緊應該留意WHATSAPP啦,
我自己同冇小朋友嘅人出嚟
反而會好有意識去唔講小朋友,都日日維住小朋友
情願同人吹下旅行扮靚食嘢飲酒飲咖啡飲珍奶
我都係,朋友約出嚟唔一定想聽我哋嘅育兒日常
反而我覺得難得同朋友出嚟,梗係傾自己嘢啦,同關心對方近況啦
同有小朋友的人相處要好小心,
可能純粹我遇著啲媽媽係咁,
通常一定唔多唔少都會講下小朋友平時啲行為係點,
唔俾反應又唔係,講吓感想又唔係,講吓建議更加唔好,驚廢是俾人話教人教仔多事幹。
總之佢哋就一副你「未小朋友唔會明」嘅樣子。
真係煩,咁不如唔好講,唔好見!
如果可以揞住良心,就乜都揾位讚佢個細路
就算幾熟點到即止就好
如果揞唔住,就少來往為妙
記住自己冇必要幫任何人教仔,冇人會多謝你