之前聽收音機講過一個，細節可能有啲記錯，但大概就係有對夫婦租咗間屋，發生過啲事知道間屋有嘢（聽到聲／發惡夢之類），不過因為窮，唯有頂到完約，佢地就類似唔想俾啲嘢知，因為驚俾啲嘢知道會跟佢去新屋，所以喺屋度唔會傾搬屋嘢，要傾就出街傾或whatsapp傾，執衫時就會扮話轉季，所以執拾啲衫（一路執一路大聲講），然後去到最後一日先一嘢執晒啲嘢上車，點知走咗先發現漏底咗樣嘢要返轉頭拎，拎完開唔到隻門走，然後佢地聽到有人喺耳邊佢地鬧一下，跟住道歉先開到門，好彩無跟去新屋。
（大致係咁，有錯請補充）
1個讚
我係自己屋，住左7/8年都好好，純粹搬大d。
後期聽 yt, 原來都好多人係搬屋前有怪事。
諗起老人家都有講唔好係屋內提搬屋
簡短講，我個次係想瞓，聽到有好空曠嘅聲同有嘢好快爬去我隔離，個枕頭凹左入去。
跟住我郁唔到，聽到好佢好似叫。到我郁到時，佢嘭一聲彈窗框走左
cf話係遊魂，唔好理
係
不過我個人本身係敏感體質，都比較易遇到
係唔係即係驚朋友仔唔捨得，會跟住你呀？
我唔知呀
我個次係佢爬上來，個沈頭凹左落去，我先嚇到郁得即刻冲出房。但 cf又話係遊魂，唔係間屋的
個次後到搬又冇嘢
零距離，超恐怖
我又交下貨先。
十幾歲時候，夜晚去朋友屋企玩，喺大圍火車站截的士，的士到左，我就開門烏低身入去，點知見到下半身，由腰至腳，著綁帶布鞋（即cons款），我下意識覺得有乘客未下車就烏返身出車外，即時再望，後坐無任何人。
我為左唔好嚇親朋友，我硬住頭皮上車，坐住喺嗰個靈體原先位置上面，直到落車，上到朋友屋企先講件事出來，嚇到我面青口唇白。
好彩見完無事發生，但就第一次咁近距離見到 。
1個讚
所以屋企要裝地主（如果信有鬼神嘅話），有地主神坐陣，啲遊魂野鬼先唔會咁易撞到入屋
個陣有裝，冇拜。但 7,8年都冇事
你好勇呀
其實除咗上海個次
有次同朋友去名古屋都撞過一次
事緣係咁的
我同幾個朋友去完大阪睇演唱會，要落名古屋過一晚，第二朝飛返香港
我哋去到名古屋酒店大堂，我已經覺得好寒有啲頭痛，我哋book咗兩間房，d房好細一眼睇晒，一張貼牆雙人床，落地行一步就到電視機櫃
上到房拉開窗簾見到出面個壆有一隻男人鞋，已經嚇咗一嚇，因為間房d窗係開唔到嘅，我問我朋友點解出面有隻鞋，佢都覺得怪
到我朋友沖涼時，我驚得滯去咗隔離房，同我間房嘅氣場完全唔同，但因為已經好夜，所以我都要返自己房
我哋熄淨廁紙燈，我問我朋友，我可唔可以瞓牆個邊，但我朋友唔肯，我唯有瞓床出面……到半夜，我突然覺得好寒，之後feel到有嘢踎咗喺我床邊近住個頭附近，佢踎咗好耐，我好努力扮瞓，但佢用d頭髮hi我塊面，我驚到唔敢開眼
然後突然間我朋友喺我隔離怪叫，我好確定佢已經瞓到死豬咁，佢叫得好辛苦，但我驚到完全唔敢郁
到第二朝起身，我問佢尋晚仲咩怪叫？佢同我講俾鬼壓，自始我冇再去過名古屋
突然間諗起一類故事，睇下有冇人試過類似情況。
小朋友細個時好易病，耐不耐就要入醫院住幾日，我會陪佢喺醫院過夜，成日去到半夜，床尾部電視就會著（三人房，每張床都有簾隔住，電視就安裝在床尾天花板），有時係自己床嘅電視、有時係隔離床（but係無人入住嘅）…
基本上每次入住（同一間醫院，一年入幾次，但每次都唔同房），都會有咁情況發生，其實我心都好驚嘅，但喺小朋友面前都扮好冷靜咁熄返就算（個心會講聲唔好意思小朋友唔舒服要休息，打攪晒，跟住熄），通常著一兩次就無嘢（好彩都無其他事發生嘅），不過我就從來無同爸爸講過。
然後最近一次住院，我唔舒服，於是爸爸就留低陪小朋友，我就返屋企休息一晚，第二朝去替更時，爸爸就話昨晚半夜個廁所不停沖廁（我地床位正正就係廁所隔離，佢都好肯定無人喺廁所，佢話個廁所係沖完過一排又會突然沖），佢就叫咗護士搵人上嚟整，整咗幾次就停咗
我聽完毛管洞，就問佢昨晚有冇試過電視自己開，佢話有呀，不過佢一向都唔太諗依方面，可能男仕較為理性啲，佢純粹諗機件故障之類。好彩之後我接手後嗰幾晚都無乜特別事（都係開下電視咁）。
Anyway，我諗啲朋友仔悶悶地百厭啫，無咩惡意，或者聽過啲科學啲說法，話係啲牆太簿接收到隔離房啲訊號。
1個讚
醫院更加多呢啲，夜更姑娘打電話上電台講都好恐怖
最普遍就係臨死病人話有（已逝）家人喺床邊接佢。
1個讚
個馬桶係普通， 唔係電子廁板個隻？
咁好驚喎
我有次去台北
酒店用電廁板， 你wave佢， 佢會自動開蓋，
但由我地入住開始， 佢就會自動沖水
到我同朋友瞓覺佢都會沖
頭兩日我都忍， 諗住佢會停
去到第三日
我忍唔到啦，對住個馬桶講
你已經沖咗幾日， 我瞓得好差
幫幫手， 比我瞓個好覺啦
我住多晚就走， 打攪晒
之後佢就好返， 無再沖水
普通揭蓋式廁所板，沖廁制就可以手按或wave。
工程部啲人上去睇，都係話無乜問題，係咁咦整下就走，一走無耐就會沖
來來回回幾次最後先靜落嚟。
係，都聽過好多。
可能我地依單都立入姑娘啲故事中
因為第二朝早更姑娘都入嚟八下，話聽夜更姑娘有提過，聽完我地講佢都話好恐怖呀，結果第二晚廁所無廁紙，叫姑娘搵姐姐入嚟換，等咗成晚都無人嚟（平時係好快有姐姐嚟換）
咁唯有當佢有麈… 或者下次去, 買定粒橙放係廁所內面
哇, 其實真係… 整完又黎過, 會好煩, 但呢D時候, 平心靜氣講2句,
(對住個馬桶講野真係好奇怪, 雖然我有咁做過)
無奈
我住醫院都遇過
生第一胎時床位係近窗口位，床頭櫃就向床同窗口中間
生完之後第一晚，我都好攰瞓得唔好，輾轉反側半睡半醒嘅時候，見到窗口有啲光滲入嚟，之後有個黑影由床頭櫃果忽走出嚟，好似人影咁樣，之後越伸越出，伸到去我床頭前面，好似一個人頭咁伸咗出嚟裝我瞓覺咁
跟住我即刻唸佛號，唸唸吓個影就唔見咗了
係真架，有親身體驗
我阿婆彌留嘅時候，醫生call晒啲親人去睇佢，我阿媽同佢啲兄弟姊妹都嚟晒，一路同婆婆講叫佢安心走啦，但拖咗成晚都未走到
拖到半夜媽媽同佢哋成班兄弟姊妹就話出一出去先啦，就去咗lift口大堂度坐低，然後有部lift開門但冇人出嚟，我大舅父（佢睇到嘢）就話佢細佬（即係我其中一個舅父，好後生就突然走咗，當時婆婆都好傷心）嚟咗，入咗去病房睇婆婆，然後過咗幾分鐘，姑娘就出嚟同我哋講，婆婆走咗了
我哋就諗，應該婆婆係掛住呢個舅父，所以一路拖住唔想走，到呢個舅父嚟咗佢就走了
Btw，舅父係搭lift上嚟
1個讚
爺爺臨終時在療養院，有次我坐在他隔離的吉床，突然當時一向很小說話的爺爺睜開眼提醒我小心些別撞到人，令我立即站起來
我老豆住舒緩病房時，我媽日日LUNCH時段去陪佢沖涼抹身，平時抹完就由得阿媽返工，等放工再黎。
舒緩病房一間房兩張床，老豆張床係窗邊，佢叫我唔好伸個頭出窗外，佢話日日都好多人跳。
窗邊有兩張櫈，老豆唔俾我地坐某一張，佢話有人會坐/人地坐完一陣先坐，事實上無人探過佢。
可能算係彌留果日，同老豆沖完涼左講右講好多野阻住阿媽走，又話嫲就到，又叫我地唔好企佢床尾某個位，佢話成個黑影。
老豆未有腦退化，由發現CANCER去到死都係3個月既事，所以我好信佢已經睇到另一世界既野。
另一個係我公公，不過公公就有腦退化，所以都半信半疑。
例如響病房探佢，叫我地唔好企某個位，佢話有人扔玻璃樽落黎，又同我地講成地都係老鼠。
同埋話佢阿媽黎左(公公個阿媽)
橙
點解用橙嘅？
不過我通常去醫院／酒店過夜，都會袋住隻黑籐手環，唔知有冇用，但叫做心理上好啲。
溫情的故事，但睇到搭lift依刻又覺得幾攪笑。
anyway如果人臨終時，有最愛嘅親人接走我覺得都係幸福嘅。
1個讚