我屋企幾個老人家走之前個年都係咁。
最爆係從來唔知我爸走咗嘅阿婆（廿年冇聯絡）某一排勁話我爸係門口入唔到嚟，叫工人姐姐開門。
工人姐姐開門後梗係冇人。
到宜家另一個老人家都係咁，
講番啲仙人嚟探佢、仲有啲五十年前嘅往事。
（仙遊左嘅長輩都算，連啲covid過身、好耐冇見嘅晚輩都講，仲有提親嘅每一位都仙遊左
）
有晒經驗，都有心理準備，在生多盡孝就算。
P.S其實到最後日子老人家都有機會會辛苦，
就算身體冇乜痛楚，佢哋嘅世界都可能好熱鬧。
另一長輩性格內向、喜愛寧靜生活，最後半年不停有「人」出現，有識、有唔識、有啲會講嘢、有淨係出現係附近自己做自己嘢、甚至只係黑影/牛頭馬面企係度，瞓得麻麻地、睇書都未必能夠集中，但又解決唔到。
咁用粒糖… (我會當係請"你"食D野, 乖D啦, 唔好整D野)
呢款唔識, 但如果真係去醫院, 我會咩水晶都唔戴, 免得吸氣,
不過… 呢幾年都有出入醫院, 已經無戴水晶幾年
都唔覺得有D咩既
如果過夜, 可能會諗下碌油葉, 不過前題係有時間去買
一個人住酒店真係會有靈異事件
平時睇新聞就睇得多…
真係世事就係咁巧合。。剛剛好沖緊涼
就有人開門入嚟話打掃房間
仲話我已經辦咗退房。。。。。
我岩岩訓醒未辦退房喎。。。。omg…
唔通琴晚瞓喺我隔籬嗰啲好朋友搞搞陣。。。
本來都好鍾意呢間酒店。。。。而家。。。
澳門康萊德酒店 Conrad Macao
咁我明喇
你依個情況又未必係靈異，應該真係職員攪錯啫。
我都試過check in完上房，一開門，間房仲有好多行李，應該仲有人住緊嘅，好彩嗰刻無人即刻關門落返前台，個職員話攪錯咗，重新入過資料落返同一張房咭，講返正確號碼我知，同賠咗份晚餐。
呢招我阿媽試過用，work架喎
佢話有次去馬來西亞向雲頂睇show，坐坐吓覺得條腿痕痕哋，好似枱底有啲嘢抓佢隻腳咁
跟住阿媽嗱咗一堆糖一手掉落枱底，跟住同佢哋講：你哋乖乖哋食糖啦，唔好攪攪震，之後就冇嘢抓佢隻腳了
分享一下,呢單我同老公都覺得勁靈異
我囡一歲嗰陣,未識行未識踩單車,咁我有時會用呢架車推佢去平台散步
佢雙腳未夠長踩車,所以只能放喺踏板上
咁嗰次又係想去平台,我就推咗佢到𨋢口,點知發覺自己未帶口罩
我門口都係幾步好近𨋢口,所以我就叫囡囡唔好郁 (其實我唔推佢都郁唔到),等幾十秒就OK
咁我好快手就出返嚟,點知阿囡唔見咗
我見有一部𨋢喺平台嗰層停咗,我超驚,即刻搭下一部𨋢落平台睇吓,雖然嗰刻都心諗,唔通有人推佢???
結果落到平台,阿囡真係喺𨋢口,車頭向外,佢就坐喺車仔上喊緊,不過就唔算喊得好大聲,佢又未識講嘢,所以問唔到發生咩事
好啦,咁搵返佢之後我先放心啲,先開始諗發生咩事
第一,佢入𨋢個方向係入,就算佢自己碌到入𨋢,佢又點樣㩒𨋢出𨋢?
而且當時我搵到佢時佢嘅車頭方向係向外,平時我都要轉嚟轉去先幫到佢出𨋢,即係話佢冇可能一個人做到
咁我假設有人推佢,但我只係用咗幾十秒帶返個口罩,完全聽唔到有其他人聲
去到平台都只係得囡囡一個…如果係有人推佢,正常都唔會咁樣擺低佢一個走咗
當時平台係冇其他人
同埋嗰個"人"又會知道我囡囡要落平台…
咁我只有從另一個方向諗…
咁好驚喎，係人定係“人”都驚，俾我一唔見嗰下真係會嚇到喊，我會要求睇返cctv。
不過第一下諗，有冇啲喺親友去咗天家？如果有，就當係啲親友咁諗都無咁驚。
我好驚,所以冇同看更講要睇,我驚睇完仲驚…
就算唔係親人,我諗嗰個"人"都係冇惡意,仲好好心咁帶我囡囡去平台玩…所以我就由佢啦…
該主題在最後一個回覆創建後180天后自動關閉。不再允許新的回覆。
