我細個都同長輩住過，我返去時佢又真係比我見到
我老豆都報夢叫我幫佢揾過樣好重要嘅嘢，個樣嘢又真係唔見左
聽我媽分享過好多經歷 好驚嚇
自己就touch wood 未遇過
以前做小生意，向某個商場仔租左兩間連舖打通嚟做，由於個商場規定營業時間唔準裝修，唯有叫師傅夜晚個商場落咗閘先可以裝修
如是者裝修咗1個星期，個裝修師傅同我講，話間舖有嘢，再指一指左手邊（當時中間幅牆已經拆咗），係呢邊有嘢，叫我哋搵個師傅睇睇
於是乎我搵番睇開流年嘅師傅，打電話去佢office問，我同師傅講「啱啱租左個舖位好似有污糟野…」，我都未講第二句，師傅就話「係呀，左邊果個舖位呀嘛，對到正電梯位果邊舖呀嘛」，我係完全冇講過租左兩個舖位同間舖個位置係點，個師傅就已經知道，所以我好肯定佢係有天眼通嘅
然後師傅話係有嘢向度，但唔會影響做生意，亦都唔會攪人，話唔洗理佢就得，於是冇做任何野就照開業做生意，確實又真係冇乜影響，我自己一直都feel唔到有嘢
開檔咗一排之後同個商場啲實q熟咗，佢哋講番比我聽，話以前左邊果間舖係賣衫嘅，夜晚佢哋巡商場嘅時候，成日都聽到間舖入面有小朋友聲，仲要唔止一個實q 聽到過，個店主仲會向間舖門口放一堆糖，咁應該係向舖入面養鬼仔囉
我想開po好耐喇！
之前移英好多人話驚鬼，話英國啲建築歷史耐好多鬼，但黎左咁耐都無咩聽到人講撞鬼嘅
2個讚
之前fk有人話撞嘢，要揾 cf 同紅紙
我老公好多靈異事，我係0感應
同佢去過2次旅行，2次間房都有嘢，但都係我瞓左先出現
山精（？！），入結界，俾前世冤親債主跟都試過
而我有朋友因為靈異事而走咗
商場多野睇，可能收工後就輪到佢哋行街街呢
佢喺到有無仲好生意？
我老公經歷都好豐富
留名等你分享
一定有
本地人有機會好尊重
嘅存在，尤佢夜晚自己嘈。
我聽過有座大宅（真係幾百年，間屋有個名個啲）嘅主人形容自己只係大宅嘅託管人。時間一到，就會交俾下一個人。好正，尊重入面嘅一磚一瓦，當然包括。
Wow
諗起Ghostbuster
1個讚
去參觀大宅，跟導賞團會有好多鬼故聽
山精（？！）
老公以前喺OP 做，有晚行過一個差唔多垂直嘅斜坡，見到一個人咁高，白色，但4腳行好似動物咁，望一望我老公然後好快咁跑左上斜坡。
佢以為自己眼花，返去控制室睇cam。。。影到一個白色嘢快速向上移動去斜坡
返睇cam時，佢影左段片，都開心share比朋友睇
我都有睇到
生意都ok嘅，但我又冇拜祭佢，又唔覺得佢會幫我催旺生意喎
呢個睇到我起哂雞皮 
尤其小型商場，好多租嚟賣泰國佛牌、養古曼童等等，唔奇怪 ! 不過奇怪你個師傅，唔去現場都知呢件事，究竟佢係咪間接識裝修師傅呀? 同埋有賺你錢機會，都唔去現場做嘢，師傅應該本身同樓主係老友 !? 
x2
之前開過post想引大家講七月十四，但無乜人so我
諗住依度啲人唔鍾意講
好幸福
我以前都會feel到，我仲諗住我媽媽走時會feel到佢返嚟，點知咁多年都感覺唔到，唯有安慰自己可能佢已經無牽無掛，去咗極樂世界，都係好事嚟
貢獻一單少少長：
出嚟工作第一次去泰國旅行，嗰時啲人話泰國好猛，阿媽教落入房前要拍門，亦都帶咗條頸錬掛住一粒傳家之玉。
當年跟團去，每晚都換酒店，初初啲酒店up up dup dup，反而平安渡過。住了幾晚平酒店，最後係六星級酒店，因為係第一次出門真係好大鄉理，覺得好開心好靚，就無拍門衝咗入房。
然後就去沖涼，一入到浴室，條錬突然鬆開咗個扣跌咗落地，但當時無諗咁多，執返去就關埋浴簾沖呀沖，沖沖下浴室入面有個播音樂系統，突然間俾人扭到最大聲放音樂（聲量係由0變10咁），我當時諗可能個fd開錯制（浴室有鎖門，個fd喺客廳，我知客廳都有一同一部機，我以為兩部機係相連嘅）。
不過因為真係開到好大聲好刺耳，我當時就好嬲大聲鬧出去：攪咩呀，好嘈呀，鬧完後係即刻停咗（由10一下變0），我就繼續沖。
沖完出嚟就問一問個fd，頭先做乜開到咁大聲，個fd就話無呀。不過嗰時掛住把握最後一晚時間再出去夜蒲就無諗咁多又出咗去玩。
當晚再回酒店瞓覺其實都無乜特別事，第二朝準備check out，先諗返昨晚經歷，我就去試下開部機，發覺其實兩部機係唔相通嘅，而個聲量制係一個扭制嚟，係要由1至10遂格咁扭去開同關（應該唔太可能由0跳到去10）。
check out完就搭飛機返香港，返到屋企換衫，先發現唔知點解兩條大脾瘀晒，好似俾人"meet"咁
不過好彩係都無乜手尾，只係咁，可能有朋友仔覺得我無禮貌
所以整古下我吧。
有可能, 叩門好重要, 好彩都"只係瘀晒", 如果病埋個D就真係手尾長
我叩完門, 拍完卡, 係慢慢推開度門, 開少少, 夠位插張卡, 等著晒燈先推開晒度門
等"佢地"有多D時間離開
1個讚
好恐怖
但個朋友仔又可能覺得好無癮，又meet又搞機器，你都唔理佢
泰國真係好邪
2個讚
我試過冬天同男朋友（而家老公）去上海
佢租咗間俾本地人考試溫書嘅飯店，附近係軍營
我哋間房係得張雙人床，不過初初拍拖冇耐，兩個人瞓覺都會保持距離
第一晚冇乜嘢，但之後個日去廁所沖涼已經覺得個廁所怪怪地，好似有另一個氣場存在，可能係靈體
之後個晚瞓覺，我瞓到半夜，半夢半醒見到有個著背心唐裝衫咁嘅男人瞓咗喺我哋兩個中間，我個陣有啲驚，當自己發夢唔敢郁，點知返到香港個人成日情緒低落，個人怪怪地
之後搵人拜，話我喺上海撞到個男陰魂
我諗可能就係我個晚見到嗰個
好近