好似未講過呢個話題？
歡迎自身或身邊人經歷，潘紹聰雲海嗰啲唔計（但如果好勁都可以分享，但請註明）
有。遇過三次
兩次係大陸 : 細個返屋企人屋 + 大個出差住酒店
一次係香港自己屋企
1個讚
係日本酒店撞過
香港摩星嶺同紅屋都撞過
1個讚
詳情？
詳情太長，不過有 d 心得
- 過身長輩真係會掛住後輩返來探後輩的
- 水晶唔好戴好多
- 搬屋唔好係間屋到成日講，最好唔好比間屋知要搬走。但好難，因為要搬傢俬執嘢。個次嚇到第二日打電話去揾 cf
個間屋住左 7,8 年，一直冇問題，好好嘅
2個讚
有啊！ 通常一班人喺酒店房就無事，但佢地一散曬，我一個人就通常有事，所以我點都等埋同房朋友先一齊留喺房。
得我一個時，試過沖沖下涼聽到浴簾外有聲，啲聲喺沖涼房內出現，但又聽唔清講乜。咁我唔理，當自己聽錯，瞓覺時候就無事，我忍到回程時先講，點知同房朋友都話佢都feel到有野，我哋去食早餐，佢一個人喺房做嘢，佢背住房門坐聽到有腳步聲以為我返來，但當然向後睇係乜都無。
我好鐘意聽潘兆聰講鬼故
同埋鐘意喺YouTube 聽恐怖米線，異郎蜃，地產介的鬼故。
以前租屋都試過去睇樓時感覺好唔舒服，入去想即刻出返來的屋。最深刻喺沙田一個屋苑，間屋三百幾呎，開揚有窗，一開門見到殘舊神台櫃喺廳正中間，嗰時已經心諗個業主搞乜，唔清好啲傢俬就俾人睇樓，我再入主人房睇，打開陳舊衣櫃，喺衣櫃入面有個神像畫貼喺衣櫃入面，我關返好櫃門就出返去，快啲睇完快啲走，成個感覺係唔歡迎我留喺到。
宜家office
現職公司係橫向發展，
二至五人就一間細房做office，另外有間大嘅common room，大會、茶水間、廁所乜都齊。
我獲派個間房係成間公司嘅角落頭，位置吊腳，同事鍾意坐common room，本身冇乜人氣。
加上坐同房嘅上司鍾意有私隱，會落簾，間房更加陰暗密閉。
我平時少坐office返工係公司週圍走，
每日坐office都係坐個零兩個鍾。
好多時坐得耐個日都覺得攰同少少頭痛，起初以為just another bad day，忙完坐低個人一鬆就覺攰。
有次年尾冇會開，可以坐全日office，只係執下手尾hae 下，放工竟然勁頭痛。
第二日我feel到唔對路，同佢講，如果你唔鍾意我全日係度就同我講。
講完，即刻feel到頸後有陣微風吹，間房冇開冷暖氣冇開窗，平時都冇風。
自此以後，我都摺埋係其他光猛啲嘅房，好少番自己房，放工亦冇頭痛。
上司盆肉肉植物都好似種到死死地。。。
1個讚
香港間舊屋都有，會feel到，周身唔聚財。
有次趕左佢走。。。日光日白見到有道白光向窗口走咗。
我租屋時知道有 d 嘢，但係無理到
居屋業主入咗老人院之後走咗，然後佢個仔放租間屋無補地價打唔到釐印，間屋係好多修修補補但好快又爛過，完全處理唔到
講第一個 - 日本四國酒店
玩完一日同朋友番酒店沖涼訓覺
我地間房位置係𨋢口隔離
朋友就去沖涼先，我就食住零食睇住電視等
睇睇下電視突然聽到有把男人聲好似係我耳邊講野咁
但我係聽唔明佢講乜，鬼食泥咁
果刻係嚇一嚇，但諗到間房係𨋢口隔離
我就叫自己唔好諗太多
到我同朋友都上床訓覺
半夜我就聽到我朋友係到好似發開口夢咁郁黎郁去
同埋個口係到郁郁下
咁我見比佢整醒左我就起身去toilet
去完toilet 番黎之後，朋友就坐左起身
大家都無講啲咩，佢又去左個toilet 就訓番
到第二朝去，離開左間酒店搭車去下一個地方時
佢就同講佢尋晚比鬼責，見到係個阿叔黎
佢想叫我救佢但佢出極都出唔到聲，郁極都郁唔到
原來尋晚我醒左果陣見到朋友咁就係因為佢比鬼搞緊
朋友話直到我起身，隻鬼先放過佢
我仲笑佢話點解佢咁仲可以繼續訓番
比我即落lobby 過埋果幾個鐘算
2個讚
有，以前番大陸住媽咪既舊同學屋企。
係三層高農村屋。
屋前面有個好大嘅湖。
聽我媽咪講以前農村放養式教育。
父母唔太理啲小朋友做乜。
都係出左意外先去睇吓咩事。
所以浸死左好多小朋友。
有一晚訓到5點鐘醒咗，
聽到出面好多小朋友係到玩，傾計既聲。
天光聽到雞叫聲先無左。
真係好邪。
可否分享多d關於長輩果個
返大陸間屋時見到長輩半個人影坐我對面
只有我一個見到
台北 Grand Hyatt , 仲要住走廊最尾嗰間房。
1個讚
ohhhh 你平時都見到呢d嗎？
呢個都講多少少好嗎
我知佢好出名
no
成日出 trip 住酒店都冇問題。
唯一酒店賴嘢個次都係個同事嘢返黎，佢戴到滿手水晶，好肯定係佢 d 水晶有嘢。因為見到隻嘢入房走去睇佢堆水晶。係 “堆”
後生做receptionist, 等收工，電話響好自然就聽，但完全無聲，立下個電話，係內線sales room 裡面打出嚟，嗰時得一個sales 喺度sale 緊客，即係間sales room 係無人嘅，拿拿聲收線。
之後同同事換制服放工一定會經過sales room，行過見到某個電話攞起咗，我同事仲叫我聽下，嚇到我擺好個聽筒就即刻走人。
—————————-
另外同事遇過大廈客𨋢已停，我哋閂門要推d 木板再檔住d 𨋢以防第二日有客早過開門時間走入公司。同事換好衫準備搭貨𨋢走，突然聽到有人好大力拍木板叫佢開門呀開門呀！同事落荒而逃。
長輩返來，我都有經歷。
父母經常唔在家，爺嫲湊大我，直到我高中，佢哋相繼離世，佢哋大概死後一年，我有一日瞓晏覺，瞓佢哋間房，夢入面好溫暖的感覺，一啲都唔驚，我見到嫲回來探我，企喺我床邊，摸下我個頭。
佢哋死左十幾年都探左我三，四次，有時係回來睇孫，孫喺佢哋死後先出世，佢哋未見過，佢哋會入夢交帶啲我唔知既事，例如:有一次嫲話佢唔見左隻錶，隻錶無電，要換電。
之後我問我老豆，原來嫲有隻錶keep左姑媽到，停左電了。
1個讚