我有一絲懷疑過架，開頭有文有路咁，後尾見到寫自己愛國，又話政治影響唔到工作就怪怪地，希望大部分嘅香港band 1名校學生唔係佢咁啦，否則香港都真係冇乜希望
5個讚
如果唔係膠，我真係好擔心未來嘅「棟樑」都會變成咁，我呢一刻係有啲sad.唔再回應呢個po啦。bye
5個讚
佢入錯地方，但我又好奇點解佢會入來？
1個讚
Band 1入面考中上啫，同棟樑點都仲有唔少距離
希望佢去第二度攞料啦，我d仔女只係小學生都知呢幾年發生咩事，樓主咁大個人仲可以對大家講既政府有疑惑，相信呢度冇本事指引到佢喇
1個讚
有冇考慮移民? 呢三樣嘢留在香港都無運行。 你入到 藥劑就唔好讀 engin, engin 好多大陸仔都讀得好好，反而中醫，藥劑要講醫德和專業操守，如果你有，做一個仁醫唔會令你發達，但多數衣食無憂。
選科係選一個你有 passion 去讀嘅嘢，唔係睇佢現在當唔當旺，五年後咩世界? who knows?
至於有冇前途，行行出狀元，你在系中成績有 top 20% , 點都搵到嘢做。
1個讚
大家又唔使咁樣趕樓主走，個時2019發生咁大單野，我身邊都有fresh grad話要加入政府做冗員啦，真係貪人工高賣時間ga ja.
所以唔使咁代入落佢已選項入面，覺得佢唔抵幫咩唔好回post lor.
其實都唔關讀咩事，本身留係香港就係冇運行
不過中醫係特別冇運行
都話樓主係青年才俊啦，蒲開呢度嘅蛋散應該冇資格俾到專業意見佢囉！
2個讚
同學，介紹你幾個forum
Education Kingdom
Baby Kingdom
小紅書
個度嘅人應該會同你啱咀型
4個讚
中醫真實係有得做，不過啲功力係要時間浸出嚟
1個讚
其實就係咁，我親身見過，仲留喺度讀書嘅好多大灣仔㗎！
我唔會否定佢哋，又唔係我仔女，關我X事。
人各有志, 如果覺得自己一世唔會移民, 為左搵錢, 想入政府, 因為薪高糧準, 本來我都覺得無問題既, 而樓主一開始就好似做晒資料搜集先發問, 本身都係幾好既。
咁但係無啦啦又話要番大陸讀工程, 呢個真心搲頭。工程N 咁多範, civil, mechan eng, double E, triple E, etc… 都未搞清楚, 就話想跟學霸揀, 想番大陸讀。樓上已有網友詳細解釋香港現時考牌制度同埋分析大陸做工程師有咩前景, 樓主竟然一句聽阿媽講大陸一線城市搵幾萬蚊黎回覆。即刻變左街市買菜, 師奶間吹水既tone, 噢我聽隔離陳師奶講呀, 邊隻股票佢賺好多咁, 我都想跟佢買呀。
然後又無啦啦政治一定唔關我事啦, 入政府做, 如果佢叫我洗廁所我到時咪say no。樓上都有會員回應左, 我都係類似感覺。
sorry 我知道我離左題, 純粹有感而發。
4個讚
佢好適合入政府，唔駛睇video添
基本法我估佢會考滿分
我作為一個入左政府的女civil engineer,俾以下資料你參考。
Civil engineering 主要係負責設計與建造路渠，斜坡，交通，橋，隧道等。即係計幾大條渠，點樣令個斜坡唔塌，點樣改善交通擠塞，橋用咩物料／member size,喺咩地質起隧道。範圍好廣，大學階段樣樣學少少，通常出嚟做之後就specialize一方面。工作機會分政府，consultant 同contractor。consultant 就係喺office因應業主要求設計可行方案。contractor 跟住consultant 的圖施工，但contractor engineer 要因應現場情況及available 的machinery 制定施工方案。政府就係業主，請consultant 同contractor 做嘢
1個讚
樓主係女仔，通常會做consultant 先再博入政府。以我所知，consultant fresh grad 應有$20k一個月。不過聽講呢兩年難搵工入行，做civil consultants 大致可以一星期五日6：00pm收到工，做structure consultant 就一星期六日8：00-9：00pm收工。人工加幅咪一年加兩/三千。grad + 3年可考牌，考到咪3萬幾，考唔到咪繼續加兩/三千。無考到牌的，通常頂薪4萬零。考到的頂薪咪6至7萬。以上係consultant 價。
不過考到牌一定會年年考政府，政府starting 7萬，max 10萬。不過近年少空缺，幾十個揀一個。
大陸妹入嚟派膠，完
4個讚
雖然好刻意咁”哩(呢)啲，啦，添，啊“， 可惜，”工資，天坑，靠譜“現晒型!
3個讚
見上面有啲人對我有啲疑問，我統一解釋下。
我問哩個問題最主要就係想了解更多資訊，希望來自各界嘅網友可以畀到啲意見。每次發言我都已經盡量斟酌語句，如果大家都係覺得被冒犯到或者對我好失望等等，我只係可以講深感抱歉，哩個唔係我本意。
首先，覺得我突然間講到「愛國、政治不影響工作」哩啲野怪怪地。我本身都冇想講哩啲，見我主樓冇提到就知，我都驚牽涉到呢啲野會產生爭端，畢竟人各有志。只不過我想了解更多資訊，所以見冇人提到我有疑問嘅地方我就會提出我嘅疑問。
就好似見有人提到政府嘅「一種聲音」，我唔係好理解到佢係指乜也，因此以我所認知嘅覺得係指有關國安法嘅嗰啲野，表示如果係因此驚我可能唔適應現時政府嘅做法，就唔使太擔心。
而後者純粹係我個人見識短淺，提出以我嘅見識中我覺得嘅野，如果唔啱、與現實不符，就歡迎大家指正。當然啦，身為公務員冇可能完全唔影響，我嘅意思只不過係某程度上可能冇太大影響啫。
其次，見有啲網友因此擔心依家嘅學生係埋都同我一樣，唔合你地心意。我都可以講係唔會嘅，畢竟每個人都唔一樣，每個人都有自己嘅諗法，我身上有啲地方你地唔鍾意係好正常，相信都有好多名校學生都係同你地想法一致。
不過因為哩個就覺得香港冇希望，我就唔係好理解。如果係因為覺得如果個個都似我咁冇常識，咁香港嘅未來就一片黑暗，我冇野講。但係好似我睇到嘅意思係話覺得如果似我咁樣「貪財」，又或者「愛國」、「想返大陸搵工」等等，我就有啲異議。
我個人認為我唔算貪財，只不過出於家庭背景嘅考慮想搵一份唔係低薪嘅工啫。「愛國」、「想返大陸搵工」哩啲，因此覺得我唔愛港，有啲似所謂「背叛者」，咁我就唔係好認同。
首先，我唔係一定想返大陸搵工，只不過有人話如果做公務員就返大陸好啲，仲有香港工程發展唔好——「香港無工業」，所以我先諗返大陸係埋都係一條路。
其次，點解會覺得我如果返大陸做就係「背叛」香港？我返大陸做嘅前提就係我係大陸讀書，因為話係大陸讀返香港做會好難，所以我就覺得係邊度讀就係邊度做比較好，又唔係我唔想返來。
而且CSD堂老師叫我地謹記嘅第一句話就係「香港從古至今都係中國領土的一部分」，我返大陸做點會係算「背叛」香港呢？就好似大陸有啲人都未必會係自己出生長大嘅嗰個城市做野。有機會嘅話我都係想返香港做野啊。
再講，移民嘅人走得更遠啦，如果你地覺得移民去外國讀書甚至工作冇問題，點解返大陸就係問題呢？
第三，有啲網友覺得我咁大都唔係識得好多野咁，仲有人覺得我好似街市買餸，明明咁多人解釋咗畀我聽，我都仲來一句聽阿媽講，唔太合理，總顯得我好愚蠢。
好啦，我承認我係幾蠢下，仲冇常識。雖然我有睇開新聞，但係唔係好接觸各種社交平台，身邊嘅人又都係低層工作，冇接觸過我講嘅哩啲職業，所以我好多野都唔識，一啲係大家睇來係常識嘅野我都唔知。但係就係因為咁，我先要上網查資料，仲過來問大家，希望有啲相關人士可以畀啲意見我。
而都咁多人畀意見，我仲到頭來一句阿媽講，有人覺得哩個好唔合理，我諗緊係埋因為你覺得你好心好意解咗咁多畀我知，我仲唔係好信你，反而信我根本唔係做哩一行嘅阿媽？咁我都係要先講一句sorry啦。之前都有講過，我網上查來查去眾說紛紜，分辨唔出真真假假。呢度都係一樣。我好感謝畀建議嘅大家，但係都請容許我唔係好知邊啲係真邊啲係假，咁我從我信任嘅人嗰度聽到唔同嘅意見，我先再係度問返一句，希望可以釐清個concept，收集唔同意見，唔好理解錯野。當然啦，如果係我誤解咗你我就先講聲對唔住。
有啲網友覺得我入錯地方，建議咗一啲其他平台畀我，非常感謝。
我最開始都冇想係網上搵一個平台發言問問題，只不過我google咗好耐都係搵唔到可以解決我疑問嘅野，所以先過來問。之前都講過，我冇接觸好多社交平台，所以都唔知邊度先係適合問呢啲嘅地方。
而我問之前、註冊帳號之前，就上網搵咗哩啲平台安唔安全，發現哩個平台評分最高，氛圍最好，所以我先入來問。都希望我問清楚後，以後有啲同我有一樣疑惑嘅人上網查可以查到呢度，當中嘅答案有可以解開佢疑惑嘅，就唔使同我一樣周圍搵，仲要親自問。
1個讚
其實中醫都係要讀返所有西醫理論先開始中醫範疇，既然有能力handle點解唔直接讀醫，西醫牌基本上世界通行，中醫出到去邊個識你，不過佢只著眼大灣區另計，但本身中醫個行業發展麻麻地
你好鬼死衰嘅啫，一野篤穿哂
2個讚