本人今年考DSE，Band 1名校，全級成績中上，讀Phy Chem Bio M2。過幾日就要交dse programme choice，雖然依家排咗二十個選項，但係都唔係好確定究竟要讀咩…
依家我嘅選擇暫時係1. 工程 2. 中醫 3. 藥劑師。
本身屋企人同我都覺得讀醫好，因為工作穩定人薪高，但係我考唔到咁高分…藥劑師和物理治療師之類個個又話市場飽和唔好搵工，所以只擺咗係第三。
本身又覺得獸醫都幾好，近排都好興，應該都好搵工，但係聽講城大獸醫有個隱形規則，係要中學時期至少要有兩個星期與動物相關嘅工作經驗先得，我知道得太遲來唔切就冇擺上去。
後來睇有啲同學想讀engineering，覺得都幾好，所以就擺咗係第一位，揀咗香港排名頭三嘅某個大學，照我依家嘅成績係超咗佢上年嘅median。DSE正常發揮就應該穩入。
但係我又有啲憂慮畢業後嘅出路。我上網查就個個都話香港工程出路唔好，每一類工程都有人講唔好搵工。除咗好似係工程師學會的一個人話來緊幾年會缺少幾千個工程師，唔知係真係假。我好擔心自己搵唔到工。
呢幾日又聽講有同學想報清華，於是我都去望咗一下，發現上年清華土木工程收分都好低，對我來講係一定超咗嘅。不過大陸近年土木工程唔吃香我係知嘅，我本人意願係比較想讀機械工程，但係唔知係大陸讀機械工程出路點，如果想返香港搵食又容唔容易…
至於排名第二嘅中醫，就純粹係我個人興趣。因為我中文都幾好，穩定發揮能攞5**，只不過總分來講離上年LQ差幾分。我本身都係鍾意中文，去港大中醫院參觀過，當日就被吸引到，好想讀中醫，但係返屋企上網查咗之後發現中醫行情非常低迷…都係果句，我驚搵唔到食。
所以我依家有三個問題：一係如果讀工程，係香港讀定係返大陸讀比較好；二係究竟我讀工程定係讀中醫？三係工程的行情實際如何，有冇相關工作人士可以為我解答下
因為我屋企人收入唔高，我又係第一個孩子，我想大學畢業工作就可以幫父母分擔，但係又對商科冇興趣，唔想揀自己唔鍾意嘅科目，所以就好難平衡…
我覺得最大嘅問題應該係我唔確定各科業內的具體情況，網上眾說紛紜，都唔知邊啲係真。
所以煩請各位指點迷津，非常感謝
1個讚
中醫已飽和，除咗香港三間大學，大6有n間讀完都可以香港考牌，搵工競爭大。又唔係話搵唔到野做嘅，入到ngo起薪約兩萬五，做完三年未必一定有得續約。私人市場就好睇個人能力同好唔好彩。搵萬幾到十幾萬一個月都有。 利申：中醫師
9個讚
我未必係天才，但係我努力讀都應該有中上成績。但係我聽好多人講中醫好睇年齡，因為中醫比較注重經驗累積，但係大多數人唔知佢幾有經驗，就只係睇佢表面年齡…咁我係咪要熬多幾年甚至十幾年先至有得出頭？
咁即係話如果我讀藥劑師，正常來講畢業就可以有穩定收入？
都好多人都睇中醫係咪學位grad rather than 係咪年紀大。你鍾意中文，但其實讀中醫又唔洗中文好勁，醫古文係必修課。你可以試吓搵啲中醫基礎理論嘅課本睇吓
1個讚
好的，我會嘗試去搵下，唔該噻~另外都想問下如果讀中醫去邊間大學好啲？因為港大中大係頭三，但又聽講好多業內人比較睇好津大
除咗搵唔搵到食，其實讀嘅嘢係咪你嘅興趣都好重要。睇你成篇文都係講緊搵唔搵到食嘅考慮，其實你on list嘅科已經好實際。
好想知道，咁你真正中意嘅係咩科？你嘅興趣係咩？有興趣嘅科你會有動力啲圠讀，出嚟嘅發揮會好啲。
做咩工都好，唔係淨係入到嗰行就個個一樣，每行都有嗰行嘅精英同垃圾，如果有興趣有天份，你成為嗰行嘅精英嘅機會大好多，而工作亦唔會純粹係打份工，同時可以係令你有滿足感、樂趣嘅嘢。
7個讚
工程界，政府同市場人工爭兩三成。最勁果d入哂政府。私人市場工時長，人工低，非常缺人，實揾到工。MTR同機館局算比得上政府人工，但都難入。工程界用英國標準，無人會返大陸讀。
中醫的話，無熟人比較難入行。識人去廣州讀中醫返香港執業。但佢老豆係中醫，帶佢入行。
世界變化得好快，理想同現實往往爭好遠，好多野唔到你控制，隨遇而安。
5個讚
如果真係好有興趣不妨試試，可以去外國發展，但要留意返考牌
絕對係，基本上醫護相關都一定有最穩陣收入，如果目標係一畢業有份穩定工穩定收入，冇一科好過醫護相關
2個讚
三間都差唔多，三間都讀同樣嘅教材，目標係要考到牌，考唔考到都係睇自己，唔會搵唔到野做，但做得好唔好，同其他行業一樣，天時地利人和，加油啦。 btw如果讀獸醫去外國讀吧啦
Glora
15
其實我本身就係感覺都得，因為要完全唔考慮人工來講我最有興趣嘅係作家
又或者中國歷史。但係當初中三揀科我都係因為出路問題揀咗全理科，就唔考慮哩兩個啦。
如果按照我依家排頭三嘅哩三科來講，藥劑師其實講真我都唔係好了解實際係做啲咩，感覺似係實驗室入面研究新藥嘅。因為我本身比較內向，都幾鍾意哩啲實驗工作，所以係選擇之一。
但係就似前面所講，我都係最鍾意中醫，原因可能有我鍾意中文同埋中醫嘅一啲野都好有趣，譬如針灸、穴位、把脈，我本身平時幫屋企人按摩嘅時候還覺得自己對穴位有啲天份添
但哩個喜歡又未至於突破天際、一定要讀嗰種。我驚我哩一啲喜歡未來會被實際情況打敗…
至於工程，查過好多資訊過後其實都覺得幾有趣，發明一啲有趣、實用嘅機器被人使用，都好有滿足感。但係就係驚自己先前冇渠道多了解哩啲野，身邊冇人做相關工作，更加冇參加過相關比賽，會唔會比其他人有劣勢…
Glora
17
其實本身不管我最後入到邊科，我都係想試下衝政府工…因為我都幾缺乏安全感，感覺政府工最穩定，唔使驚失業，工資一般都唔錯甚至很好
私人企業工時長嘅話都唔會廿四個鐘要我時刻待命掛？唔知你指嘅係幾長呢，但一般來講我應該可以接受，我算係食得苦嘅嗰隻人。
人工低係大概有幾低？低過一萬？其實如果最開始低我覺得冇咩所謂，主要係要睇升人工要幾累，如果本身就低十年先升一次嘅話咁就算啦…
雖然我理想嘅係平均一禮拜有一日假…
咁我工程都係留香港讀好啦。
哩三個職業我都冇熟人…因為我父母中學學歷，冇考過大學，我又係親戚哩一代入面最大嘅一個，完全沒有可以參考的人選，所以先要上網來問
確實，我唔知未來會點，但係起碼我想可以先確定哩幾年嘅發展。
如果我揀咗科、大學畢業之後專業發展唔好，我係會橋到船頭自然直的啦，畢竟那時候也改變不了甚麼了，只能努力精進自己的學科，爭取做行行出狀元的那個狀元啦。
Glora
18
我唔考慮出國讀書，錢同埋距離都係因素之一…
咁我都係擺定藥劑師先，到時候出咗DSE成績再睇下點樣調整下個位啦
我好理解。其實我家庭背景比你更糟糕，所以我當年係睇下最勁果d人揀咩，而我又讀到，就跟人揀。
Glora
20
好的，咁我就唔考慮哩個啦