Glora
83
（因為限字數所以分兩次答——）
但係唔知係我理解能力定係措辭能力嘅問題，又或者大家唔係好鍾意我咁嘅人？總之好似都有好多唔係純粹提供有關建議嘅野開始出現。
再重點重申一次，我真係上來就係純粹為收集唔同建議，我嘅回覆亦都只係想了解得更清楚啲，冒犯到大家好唔好意思。
同埋之前都講過我唔係好識睇人面色、揣摩人心。見之前都有人回覆另一個人話叫佢唔好陰陽怪氣，講真其實我一開始都冇睇出係埋諷刺緊我。我係睇每一條評論，唔理有冇覺得佢諷刺緊我，我都係當冇來處理。我只係想大家心平氣和嘅一齊討論呢啲問題，畀多啲建議我啫。
另外話我「大陸妹」之類嘅，唔理你信唔信啦，我都講番一句，本人係香港土生土長。有啲字詞嘅問題純粹係我用緊拼音鍵盤打字，有啲字搵唔到，同埋因為平時作文用書面語我會覺得用普通話諗會比較冇咁容易寫成口語，所以有時候用緊普通話諗野打字。
如果係咁，我都係唔好出聲好過，避免呢度往烏煙瘴氣嘅方向發展。以後我可能就係上來睇下回覆，收集多啲資訊幫助自己揀科。
都唔知有冇人真係會同我呢啲有啲廢廢地嘅長篇大論睇噻，可能就係年輕氣盛，即使問之前其實都預咗可能有咁嘅情況出現，但係都係想起碼表達清楚自己嘅意見同立場，唔想產生誤會。如果睇完都覺得我地道不同不相為謀、又或者都係對我有誤會嘅話，咁我都冇解啦。
總之以後我都唔覆啦，但係都係會睇下建議嘅，畢竟我最終都係要揀科。我都會嘗試去某啲網友建議嘅嗰啲平台搵搵資料。
最後好感謝大家畀嘅建議，不論如何我都係了解到更多野。特別係一直都只係針對我嘅問題畀建議嘅網友，真係非常非常之感謝你地
一睇到第一堂老師叫我地謹記blablabla，心諗香港學生幾時開始乖成咁
3個讚
唔知仲有冇人俾佢長篇大論真情感動到，繼續同佢分析呢？
1個讚
唔知點解開始有膠味，反正樓主偏向中醫，又咁buy 大陸做工程，咁去緊考北大清華啦。
4個讚
樓主一開波話band1生，就算唔係傳統名校，都起碼係地區band1英中，一般來講呢類級數學校會有舊生返學校分享選科工作，幾象牙塔都唔會好似樓主咁
3個讚
就算真係打算做港豬嘅真香港人, 一般都係話政治野我唔理,
唔會好似樓主咁講到大陸咁好、我愛國,
BTW, 我專登係search “DSE選科 forum”, 頭兩個result係discuss hk, bk,
第一頁result完全冇bd, 明顯樓主有政治任務先會搵到入來
6個讚
係law, 又話咩呢個論壇評分高, 我都想知邊度有個地方rate 唔同forum
真, 我個人認為想畢業做公務員唔係問題, 愛唔愛國亦唔係最大問題。
重申我唔反對人愛國, 但愛國得黎唔認清時勢, 講野離地先係問題。我真係有一刻懷疑樓主係咪2019年之後先黎香港, 定係樓主只係一個考試機器, 對於syllabus 以外既野一概唔知。
人地俾晒建議佢, 佢仲係要講阿媽話乜乜乜, 老師話乜乜乜, 最後又loop 番去話網上眾說紛紜呀, 唔知邊個可信咁, 既然阿媽是對的, 又何必上黎問意見, 浪費網友一番好意解釋咁多。
其實如果樓主話想番大陸讀中醫, 我真係覺得成件事合理好多。
3個讚
從來未聽過香港有一個platform有做forum rating
我有去連登睇佢地考公務員post(海關、AO為主), 佢地就真係似正常政治冷感香港人, 唔打算移民, 又要穩定, 政府要我做乜就做, 但絕對唔會好似樓主咁膠講愛國。
最搞笑話見人冇提, 所以佢要提愛國wor,
而家係唔係新款政治任務, 扮DSE學生
2個讚
完全靠估，可能係x橋，x島個堆，個d都算band 1架
係喎forum乜要評分嘅咩，唔make sense
如果係政治任務咁佢都幾失敗，如果我係家長見到band 1學校嘅學生學到咁樣，我仲唔拿拿聲送個仔走咩
2個讚
年輕人話自己年輕氣盛, 語氣一D都唔年輕~ anyway 去bk問好D, 嗰邊D人好愛國
3個讚
我就寧願仔女讀Band2都唔讀呢啲愛國Band 1了，出嚟做嘢話比人知乜橋，個柒味又CV滲出嚟
HKCat
98
你話你鍾意中國歷史，你又會點會信「香港從古到今都係中國領土的一部分」呢句話？(香港真的是中國的一部分嗎？ - 紐約時報中文網)
讀中史，就要有獨立思考嘅能力。政府已經全面推行洗腦教育，所以唔係全部老師講既嘢，你都要信嘅。我唔會晒時間說服你，但倘若你想知道事實，你可以自己上網做research。
少年，只盼你有一日會擦亮眼睛。如果你知道事實嘅，但堅持埋沒良知爲黨服務，咁隨你。
我都係學生，睇住比我大嘅學生輕易被政府洗腦，真係好心痛失望。點解要不斷寫自己「愛黨」/ 「愛國」？
或許佢真係有「政治任務」？
6個讚
我記得你呀中學生~最近幾好嘛? 得閒多d 上黎啦 
哈, 網上資訊眾說紛紜, 唔知邊個岩嘛, 都係阿媽同老師可信d 
3個讚
另一面諗，好希望呢個係膠post. 以當年讀兩史來講的高中生是不會講什麼老師說云云，而係用多種注解，例證去證明自己所講。就算真係高中生，都非常希望這種想法只是小數。
3個讚
aw21
101
唔明樓主迷茫咩？如果你認為學習目的就係為咗錢，跟本唔需要學習，亦唔需要學歴！同埋香港明明有份政府工出名人工高、福利好，有靚宿舍有書讀有前途，又可留港發展而又對國家有貢獻，又受香港社會各界尊重，將來仲有機會升官添，全部中哂樓主要求，又唔一定要有大學學位，就算中學畢業入職人工已超高，政府高級官員中已有成功人版俾你參考！最重要係到目前為止都未聽過呢個隊伍有裁員，咁點解仲要嘥錢蹝時間讀大學？你有聽新聞吖嘛，我都係睇新聞先知道原來最近都好多大學畢業生願意選擇考入去，咁你早幾年入咪賺多幾年錢囉，屋企仲唔洗養多你幾年，我見你都識諗又生性，假如理財有道，話唔埋四十歲可提早退休享受人生添，既然搵錢對你及家人係咁重要，請務必認真考慮呢個建議。
如果仲係十幾廿年前，花時間讀三至五年大學，拎到個專業資格，又的確真係入息及社會地位都高，but…sorry ，世界不停地改變中，例如我哋中學時期，好多人會話女仔如果唔升大學最好出去讀個秘書課程，學打字速記，但我估而家後生都未聽過速記係乜！其實大學畢業專業人士都有同樣趨勢，當N年之後世界格局唔同咗，講緊哩個「N」分分鐘可能只係個位數字，唔知你聽過AI未？以前好多被認為係賺錢神科嘅工作，例如會計，幾年後可能將會被AI替代，你係咪敢肯定自己辛苦捱返嚟嘅專業資格，將來仲有市場價值？
好簡單，疫情之前都冇人想像過病人可以透過視像接受診症，西醫係，連中醫最重視嘅望聞問切都可以喎，如果香港醫療人手不足，其實只要改變某D法例已可簡單地解決！到時身處世界邊度嘅醫生，無論邊度學歴都好，就算唔識廣東話，將來都可能會透過科技幫到香港人睇症啦！不如又想像下將來有一日有小病，你只要落樓下搵部自動販賣機，按指示答幾條問題、對住鏡頭伸吓脷，或者scan吓手指，然後拎走跌出嚟嗰包藥就可以返上樓，病假紙都可能係個QR code。至於讀咩咩工程喎，將來AI玩創作玩抄襲分分鐘叻過人，又快趣交貨！可能你呢刻認為一切只係天方夜譚，但呢個世界變得太快，當真係要發生時，但你到時仲係廿幾三十歲，到時又要養年幼子女及年老雙親，要擔驚受怕俾人裁員你點算呀？
Sorry呀婆我長篇大論了，但希望樓主明白大學學位及專業資格唔可以保證一世生活無憂。但如果都決定要讀大學，既然你精於上網搵料，懇請你check吓大學教育嘅目的係為乜，即係點解你要讀大學！然後認真諗吓點為之讀屎片，學識尊重而唔係侮辱大學教育嘅存在！
2個讚
我的孩子也是今年既DSE,將來做什麼工作都好,按自己喜歡既興趣去讀吧. 我都冇刻意要孩子選什麼科,雖然都知道他向醫科發展,但唔代表都會在香港既大學讀,未來全世界都向著中國發展,好多外國人都會走向國內去,所以佢都主力報國內醫科行列(主力選英文授教),始終國內都要有英文需求既醫生,所以感覺佢將來都會留在國內發展.
