其實我性格同你講嘅嗰個人有啲相似…雖然我人地咁叻啦，所以我有自知之明第一個就排除做老師
性格測試哩啲好幾年前我地學校都比過兩三個比我地做，如果我冇記錯嘅話我都係嗰啲研究型或者偏實際嘅人
咁架咩，咁我都係留香港做好啦
都係努力考政府工啦
只不過之前又有人話要考公不如返大陸，所以我就有啲兩難…
life係你既，冷暖自知啦，唔使理人點講
不過呢個政府跟唔跟得過呢？最好有back up plan lor
我又唔係對哩三科完全冇興趣嘅，只不過依家相對來講中醫多啲，但係都有我唔係好了解其他兩科嘅原因所在。
我本人唔驚血，醫學上面嘅嗰啲污糟都冇咩所謂，之前生物堂剖牛眼、豬肺同埋白老鼠，都唔驚。
可能真係我太過焦慮啦…總係擔心自己行差踏錯，揀錯咗路，以後會後悔…
你講得啱，只不過我好疑惑點解佢咁講，係埋其中有啲野我唔知呢？所以佢嘅意思係話驚今屆政府唔係咁靠譜？但係我又覺得如果只係咁嘅話應該對我冇太大影響掛…又未至於會大幅削減公務員招聘人數或者工資？更何況我前幾日睇新聞先睇到話好缺乏公務員噃
你睇返19年到宜家政府做過d咩先。以前嘅公務員係政治中立，宜家只有一種聲音。其他唔講，疫情期間連唔打針嘅自由都無。就算你係工程師，有需要時要你去洗廁所都得。
2個讚
如果真係咁…我可能唔係太適合，因為本人係同哩啲人完全相反嘅我係好唔識睇人面色之類，唔係話我會觸怒人地，而係可能人地正在嬲我唔知，然後無意中被遷怒仲傻傻地唔知發生咩事…
放眼世界，香港未來一定逾來逾差，好多都係諗賺夠就移民。無其他野補充。
基本上，要上位就要識social，唔係只係商科出身嘅人，乜科都係，就算大學教授，都要識去攞funding保住自己條team，唔淨止係香港，係apply全世界
2個讚
額…好似確實唔係太靠譜，但係我覺得都有啲係因為疫情來得太突然掛？同埋依家都換咗屆啦。疫情嘅時候對公務員/工程師/中醫/藥劑師哩啲有咩影響我就唔係好知細節啦，又或者話中醫反而終於表現出佢嘅出彩之處添，唔係話有啲藥都採用咗中醫嘅技術，仲好有效添咩？
一種聲音是指甚麼？全部人都必須遵守國安法愛國嗎？因為我本身都係屬於愛國嗰派所以又唔抗拒嘅…更何況佢地搞政治會影響我做工程嗎？
打針自由我就覺得可能係為人為己掛…本身唔打針確實係自己嘅自由，但係如果你因而中咗然後傳染俾人地就唔好啦。為咗盡快停止疫情，唯有咁做啦。
洗廁所？咁得人驚？
真係可以因為政治因素要工程師去洗廁所嘅咩？我唔可以拒絕嗎？哩個都唔屬於工程師嘅服務範疇…
香港確實係自從疫情之後肉眼可見嘅走下坡路，本身仲有旅遊業吸引大陸遊客，但係依家大陸都飛速發展，少咗好多人來。
但係我本人係絕對冇可能移民嘅，哩個心中有數，好肯定。所以都有哩個因素，我先諗如果大陸發展唔錯係埋返大陸讀同工作會好啲囉…
嘩咁你快d去考清華北大啦，好有錢途架，絕對好過讀hku
4個讚
咁又係嘅，只要有人存在嘅地方都會需要社交。只不過我係想盡力減少一啲嗻，做實驗室或者工程哩啲埋頭做程序畫圖嘅點都好過商科掛？
講真？btw其實我係想揀ust唔係hku…有錢途嘅咩？因為各有各講法所以我先有此疑問。請問大概係有幾多呢？其實我要求都應該唔係好高掛，想要月薪一兩萬，然後升薪幅度唔好過低就得。
咁我都係三月份填報咗大陸先啦，睇下入唔入到，等七月底八月頭嗰時候，收集咗幾個月嘅資訊，先來真正確定讀咩
真
遇啱嘴型老細同埋識運用軟實力就得，邊一個行業都係，有啲少言嘅老臣子做到高層都只係當時冇乜人爭所以升到
1個讚
傻啦，邊行都要被迫社交，到時候就有需要。
呢個係做野迫返黎。
唔係個個老師都擅長社交，相反好多係唔識社交，我在內。學校入面 5X 個老師求其都數到十幾個。
我以前都好鵪鶉，最怕打電話 send email，宅女一個。打個電話都手震心跳。都係工作上面磨練呢個 skills。
所以無需諗咁多，先 narrow down what is possible，到時候出左分數再慢慢排。人彈性好高，有需要就會迫出個潛能。
呢度係bd唔係bk
6個讚
有關你既選科我俾唔到咩意見, 但我想講, 肺炎果陣, 政府需要大量人手去圍封大廈呀派飯盒果d , 其實都係搵公務員去幫手, 個個部門都要交人, 呢個一樣唔係你口中佢地本來既"服務範疇", 係無得拒絕既。
(利申: 識得有公務員, 被指派去幫手)
有關以上各項, 建議你google。同埋呢個論壇既視野可能唔夠闊啦, 你亦可以去一個叫"親子王國"既地方, 相信果邊比較具國際視野。
2個讚
其實想俾個笑到喊表情你
1個讚
對於點樣入政府同返大陸搵錢，個邊應該心得多好多
2個讚
其實係咪膠po
5個讚
x2
我幫你俾埋
係, 所以我諗佢都係去番果度問人比較岩
果邊d 會員比較清楚祖國近年既繁榮盛世, 可能比較多人知道一線城市邊個職業搵到邊個數字人工